張敬軒

ViuTV新節目《地獄廚神是我媽》 網民力推「星媽」參加!真正皇者係呢位!

最新娛聞

廣告

2006年由鄭中基、方力申以及梁漢文主持節目的《美女廚房》可以話係TVB嘅綜藝經典,一眾「地獄廚神」的畫面例如放火、「生肉盛」等隔咁多年依然歷歷在目。而最近ViuTV亦搞咗個《地獄廚神是我媽》,擺到明就係求民間團嘅「地獄廚神」現身,網民第一反應就諗起張敬軒媽咪!睇嚟ViuTV都係幫主持人同錄影廠買定保險穩陣喇!

文:東方新地|圖:ViuTV截圖、《美女廚房》圖片、鄭中基IG

張敬軒 ViuTV一姐陳俞希應該係主持之一,記住買定腸胃藥。
ViuTV一姐陳俞希應該係主持之一,記住買定腸胃藥。(圖片來源:ViuTV官方Facebook截圖)

開宗明義尋找「地獄廚神」

今次ViuTV可以話非常之大膽,新節目《地獄廚神是我媽》(暫名)近日在官方網站發英雄帖向全港阿媽挑機,擺到明要搵一班「地獄阿媽廚神」上節目發揮創意,競選全港最地獄阿媽。「天下奇葩阿媽何其多,尤其喺廚房聖域,係一個隱藏無數暗黑料理嘅兵工廠…如果你經常畀你阿媽嘅創意料理嚇到喊出嚟兼o晒咀,甚至懷疑人生,我哋好歡迎你全家一齊將母親大人嘅地獄料理同大家分享!」節目預計會在母親節即4月尾至5月左右播放。

張敬軒 仲有,000獎金,聽到都吸引呀。
仲有$5,000獎金,聽到都吸引呀。(圖片來源:ViuTV官方Facebook截圖)

張敬軒阿媽獲網民點名

近日忙緊演唱會嘅張敬軒一向有「早餐界KOL」之稱,事關他的家傭「遮遮」經常為他準備一些地獄料理做早餐,例如硬過石頭嘅麵包、「薑蔥炒雞腎走腎」、字母方包等等,無不令軒公哭笑不得。但正如軒公講過「一遮還有一遮高」,軒媽嘅廚藝亦唔講得笑,早前首創「唔知石屎定溶岩瓊咗十足月球表面早晨全餐」真係嚇到網民眼都凸埋!難怪今次《地獄廚神是我媽》,大量網民都Tag張敬軒推舉軒媽參加!

張敬軒 張敬軒係「早餐界KOL」。
張敬軒係「早餐界KOL」。(圖片來源:[email protected]
張敬軒 軒伯母嘅「杰作」。
軒伯母嘅「杰作」。(圖片來源:[email protected]@hinscheung)
張敬軒
(圖片來源:ViuTV官方Facebook截圖)
張敬軒 《地獄廚神是我媽》
《地獄廚神是我媽》節目海報(圖片來源:ViuTV)

鄭中基先係最合適主持人選?

提到「地獄廚神」,相信不少網友都會即時聯想到《美女廚房》的經典,時至今日,那些畫面依然深刻!例如方力申「假㗎啲奶」、鄭中基和梁漢文狂嘔等等,齋回憶都已經笑得出!其實多年以嚟,不少觀眾都期待鄭中基會再開《美女廚房》,而他自己亦有興趣,不過講到明唔會喺TVB開,而且遲遲都未有聲氣!雖然今次《地獄廚神是我媽》的確好適合搵鄭中基主持,然而宣傳片上已經出現陳俞希和P1X3L的身影,睇怕主持人席位早以有定案。

張敬軒 鄭中基之後接受訪問時有講過,當年好多時都係為咗做效果先話啲嘢難食。
鄭中基之後接受訪問時有講過,當年好多時都係為咗做效果先話啲嘢難食。(圖片來源:《美女廚房》截圖)
張敬軒 梁漢文同方力申都好經典。
梁漢文同方力申都好經典。(圖片來源:《美女廚房》截圖)

重溫真正嘅「地獄廚神」:

張敬軒 吳雨霏而家做咗阿媽喇!有資格參加!
吳雨霏而家做咗阿媽喇!有資格參加!(圖片來源:《美女廚房》截圖)
張敬軒 當年佢火燒TVB錄影廠!
當年佢火燒TVB錄影廠,佢當年嘅總分係-32分!(圖片來源:《美女廚房》截圖)
張敬軒 薛凱琪都係出名嘅「地獄廚神」
薛凱琪都係出名嘅「地獄廚神」,總分-19排名第二。(圖片來源:《美女廚房》截圖)

《地獄廚神是我媽》參加者條件及資格

參加者年齡不設限制;須持有有效之香港永久性居民身份證;不受任何其他合約條款限制,以致不能參與任何與《地獄廚神是我媽》有關的項目及活動。報名日期: 2021 年 12 月 20 日上午 11 時正起至 2022 年 1 月 21 日凌晨 12 時正前。

讀者留言