kalok9-ft

大整蠱|蘇韻姿、周嘉洛爆戀情?!劉丹呼籲「派帖」安仔鬧爆錄影廠

最新娛聞

蘇韻姿跳舞出意外 周嘉洛鬧爆錄影廠:無綫綜藝《大整蠱》又再嚟到瞄準《開心速遞》嘅成員,今次目標係安仔周嘉洛!熊家眾成員合謀整,仲夾埋高層珍姐!劉丹仲喺過程中爆出蘇韻姿、周嘉洛的戀情,係咪借整蠱示愛?由於現場非常吵鬧,一時之間消化唔到,等觀眾立即睇片重溫評價一下:

文:東方新地 圖:TVB.com、 big big channel – 大台網

相關文章:25歲周嘉洛鄰家男孩勁入屋 無女拖靠同性陪shopping

相關文章:蘇韻姿做煙幕 揭阮政峰真女友

蘇韻姿整蠱周嘉洛 劉丹忽然呼籲「派帖」

今次《大整蠱》主持農夫完全無角色,艾粒只係充當作壁上觀的「旁白」,極度抽離。整蠱任務由《開心速遞》台前幕後一手策劃,被整的是周嘉洛,幕後先安排蘇韻姿、周嘉洛為網絡頻道排舞,然後串通高層珍姐叫走周嘉洛,就在他「面聖」期間,幕後工作人員安排電視城救護帶同擔架床及染血道具幫蘇韻姿扮受傷,過程中丹爺竟然爆出一句 :

「今次之後佢哋要派帖⋯⋯」
「今次之後佢哋要派帖⋯⋯」
呂慧儀聽到丹爺呢句,表情十足,到底係設計出嚟畀觀眾驚喜,定係唔小心講多咗,都唔重要喇,因為⋯⋯
呂慧儀聽到丹爺呢句,表情十足,到底係設計出嚟畀觀眾驚喜,定係唔小心講多咗,都唔重要喇,因為⋯⋯

「金城安」鬧爆錄影廠

整蠱過程十分混亂(詳情見文尾有片),「金城安」得悉蘇韻姿跌傷、染血、高呼哭叫雙腿無知覺後,情緒激動 —— 事實上全場演員都十分激動,個個喊晒,而豹哥單立文就負責挑撥安仔,怪他「做咩要跳舞、做咩行開咗唔睇住個女仔」,又話要致電通知道蘇韻姿母親,若非有字幕都唔係好聽到對白內容。最失敗的係現場鏡頭擺位,竟然影唔到周嘉洛的表情⋯⋯可能就要係咁先似「整蠱」?

周嘉洛怒斥,叫豹哥收聲,先送傷者入院,不過鏡頭竟然捕捉唔到佢嘅表情⋯⋯
周嘉洛怒斥,叫豹哥收聲,先送傷者入院,不過鏡頭竟然捕捉唔到佢嘅表情⋯⋯
全場喊得最激動係呂慧儀,真係交足戲。
全場喊得最激動係呂慧儀,真係交足戲。

拆局後攬攬示愛

扮傷嘅蘇韻姿全程不斷問周嘉洛會否為自己交租,又要他照顧其母親,但係周嘉洛對此表現非常冷靜,無作出任何承諾,只係希望大家盡快將傷者送院。

唔知嬲好定笑好。
唔知嬲好定笑好。
蘇韻芝由地板彈返起身,即時攬攬周嘉洛,旁述的「艾粒」就形容呢個場面為「示愛」。
蘇韻姿由地板彈返起身,即時攬攬周嘉洛,旁述的「艾粒」就形容呢個場面為「示愛」。

單立文獨自回味整蠱戰績

整蠱揭穿後,現場一遍混亂,聲疊聲加上艾粒旁白,真係資訊爆爆棚,最好笑係豹哥獨自回味周嘉洛崩潰的一幕,補返個表情畀攝影師,好有「阿發外父」的感覺,唔該晒!

豹哥獨自回味整到周嘉洛崩潰的一幕,補返個表情畀攝影師,唔該晒!
豹哥獨自回味整到周嘉洛崩潰的一幕,補返個表情畀攝影師,唔該晒!

蘇韻姿撤嬌:無應承幫我交租⋯⋯

正如網友所言,平時廢青安都係斯斯文文,今次發咁大脾氣,相信真係心慌慌,事後女方撤嬌,都未知畀咩反應:

女方回味,男方面紅紅。
女方回味,男方面紅紅,有網友表示「完全冇諗過嘉洛會係咁反應,佢咁爆發,有一秒以為呢個整蠱真正想做嘅,其實係由佢一個prank返哂其他人⋯⋯」局中局中局中局,網友諗太多了。

蘇韻姿出「事後Po」道歉

節目播出後,蘇韻姿在IG出Po剖白心情,表示「嗰幾日我好大壓力」,而最重要係周嘉洛無嬲:

唔住呀@kalok_ 😥 今次係我第一次整蠱人,又緊張又內疚,搞到我嗰幾日好大壓力。😣 好彩最尾都成功左! 🤩 而最好彩嘅就係:佢冇嬲!

蘇韻姿自貼扮傷過程。
蘇韻姿自貼扮傷過程。

至於周嘉洛就貼了一張惡搞的蒙面自拍,坦言當時自己好不安:

周嘉洛:「感覺不安嗎?我被整蠱時就如照鏡時一樣不安」
周嘉洛:「感覺不安嗎?我被整蠱時就如照鏡時一樣不安」
記得聽丹爺話,派帖喇⋯⋯
記得聽丹爺話,派帖喇⋯⋯

Big Big Channel 影片重溫:

今次整蠱任務以周嘉洛為目標,幕後先安排周嘉洛與一去到錄影廠大家已經哭得梨花帶雨,最後嘉洛仲鬧爆錄影廠,去片睇吓點收科!

讀者留言