失憶24小時

失憶24小時|「賤精」郭晉安曾陷離婚邊緣 與老婆歐倩怡冷戰半年!

最新娛聞

廣告

《失憶24小時》近日在無綫熱播,三屆視帝郭晉安「賤精」上身飾演口賤賤嘅巿井大話精,演出鬼馬抵死。而56歲的安仔同老婆歐倩怡結婚14年堪稱圈中模範夫妻,加上育有一對乖巧寶貝仔女,可謂人生勝利組;但原來風光背後,郭晉安婚姻不是無風無浪⋯⋯

文:東方新地 |圖:郭晉安微博、歐倩怡IG、新傳媒圖片

曾因拍劇而抑鬱的郭晉安,同老婆試過冷戰半年險離婚,加上兩公婆為仔女升學問題意見分歧,虎媽vs慈父經常嘈交,幸好,最終歐倩怡被老公隨遇而安性格馴服,唔再堅持催谷仔女做資優生,為減輕仔女功課壓力,近年更幫兒子令山轉校,同細女以雅一齊升讀國際學校。夫妻同心衝破困難,14年婚姻亦更堅固!

失憶24小時 56歲的郭晉安飾演53歲江欣燕的大哥,兩兄妹為綁票案滿肚密圈。
56歲的郭晉安飾演53歲江欣燕的大哥,兩兄妹為綁票案滿肚密圈。
郭晉安在新劇《失憶24小時》
郭晉安在新劇《失憶24小時》飾演為還賭債挪用公款兼入獄的賤精,出獄後生活頹廢,更參與綁票案,幾乎害死譚俊彥!作為三屆視帝,「賤精」上身嘅巿井大話精,演出鬼馬抵死。

郭晉安原來係TVB御用渣男!

失憶24小時 郭晉安被網友封做TVB「御用渣男」,因安仔過往在無綫多套劇集中,曾多次演出貪新忘舊始亂終棄的負心人。
郭晉安被網友封做TVB「御用渣男」,因安仔過往在無綫多套劇集中,曾多次演出貪新忘舊始亂終棄的負心人。

冷戰半年釀婚變!郭晉安馴服虎媽歐倩怡

41歲歐倩怡06年嫁郭晉安做全職家庭主婦相夫教子,即使淡出娛樂圈,但多年來仍好學不倦,婚後開始修讀營養學的她,一讀超過12年,現在已經是營養學碩士,除考埋市場管理文憑,又考獲船牌,在香港亦已經完成航空理論課程,有計劃到澳洲學揸小型飛機,目標是做有機師牌的營養師。

失憶24小時 郭晉安夫婦不時撇下一對仔女外出拍拖,兩公婆買完嘢,行去攞車期間有說有笑,全程表現恩愛。
郭晉安夫婦不時撇下一對仔女外出拍拖,兩公婆買完嘢,行去攞車期間有說有笑,全程表現恩愛。
失憶24小時 歐倩怡企在一旁,等老公先放好嘢入車尾箱,然後一齊上車回家,非常有默契。
歐倩怡企在一旁,等老公先放好嘢入車尾箱,然後一齊上車回家,非常有默契。

望子成龍

個人進修無止境,歐倩怡連教育下一代亦非常進取,為谷個仔入名校變資優兒童,兒子令山未上小學,已經狂谷個仔上「雞精班」補習,英文、畫畫、拼音課堂多不勝數,兒子日日埋頭做功課已冇多餘時間玩樂。據知情者透露:「Cindy想感染仔女同樣咁好學,個仔升小一佢好緊張,報咗多間學校大包圍,又怕輸喺起跑線,狂谷個仔上『雞精班』,好彩令山亦不負所望,成功考到佢心目中嘅理想名校(保良局蔡繼有小學),不過呢間學校功課好多,佢又驚個仔跟唔上,安排好多補習班,變咗大人細路壓力都大!」

失憶24小時 出名愛錫仔女的郭晉安,經常親自駕車送仔女返學,當日單拖做湊仔公的他,還細心幫女兒孭好書包,而兒子令山則好獨立,完全不用爸爸操心。
出名愛錫仔女的郭晉安,經常親自駕車送仔女返學,當日單拖做湊仔公的他,還細心幫女兒孭好書包,而兒子令山則好獨立,完全不用爸爸操心。

分辨是非黑白

虎媽歐倩怡亦因此同拒做嚴父的安仔,經常為教仔女意見分歧。據知情者透露:「安仔中五畢業就入娛樂圈,佢覺得成績唔代表一切,因為自己都經歷過為咗讀書搞到壓力好大,佢唔想個仔讀死書,同Cindy嘈過好多次,見到個仔功課愈嚟愈多好辛苦,Cindy亦放低唔再執著,兩公婆更決定幫令山轉校,轉咗去同細女一齊升讀國際學校,見到仔女啲功課輕鬆咗!有番小朋友應有嘅生活,安仔終於放心!」唔要仔女讀死書,安仔教導仔女亦有他的正面見解。據知情者透露:「安仔同一對仔女乜都會傾,唔會衰嘢就避咗唔講,反而會教仔女分辨黑白是非,甚至會不避嫌教個仔認知中英文粗口,但講明呢啲粗口係冇禮貌唔可以講,佢又會訓練個仔獨立,試過要個仔自己搭巴士返學,自己就匿喺後面跟實個仔監察,佢好用心教導仔女,絕對係個廿四孝爸爸。」

失憶24小時 唔想兒子應付繁重功課壓力,郭晉安夫婦幫兒子令山轉校,棄讀名校保良局蔡繼有小學,轉到現時就讀的宣道國際學校,兄妹讀埋同一間學校可以互相照應,功課亦冇以前咁繁多。
唔想兒子應付繁重功課壓力,郭晉安夫婦幫兒子令山轉校,棄讀名校保良局蔡繼有小學,轉到現時就讀的宣道國際學校,兄妹讀埋同一間學校可以互相照應,功課亦冇以前咁繁多。
失憶24小時 安仔用心教導仔女,絕對係個廿四孝爸爸。
安仔用心教導仔女,絕對係個廿四孝爸爸。
失憶24小時 女兒入學校前仲要嗲一下爸爸,郭晉安亦表現得好唔捨得,摸著女兒下巴又烏低身錫錫囡囡安撫!
女兒入學校前仲要嗲一下爸爸,郭晉安亦表現得好唔捨得,摸著女兒下巴又烏低身錫錫囡囡安撫!

長期匿喺房

婚後零緋聞愛家庭的郭晉安,原來都有過婚姻危機。16年安仔拍攝劇集《致命復活》,演失蹤被困深山10年的野人,為復仇走火入魔的悲劇角色,郭晉安就一度陷入抑鬱局面。知情者謂:「嗰時佢拍劇要長期令自己處於悲傷孤獨嘅狀態,搞到成個人變得好沉鬱,返到屋企就匿喺房裡面,同老婆仔女完全冇傾偈,Cindy知佢為演呢個角色好大壓力,亦唔敢打擾佢,慢慢大家就變咗冇話題冇溝通,冷戰期長達半年,瀕臨離婚邊緣!好彩後尾安仔努力同老婆修補關係,依家佢同Cindy會傾工作同仔女嘢無所不談,感情愈嚟愈好!」

失憶24小時 拍《致命復活》演被朋友出賣,失蹤10年被困深山的野人,令郭晉安陷入長期情緒抑鬱,同老婆冷戰半年幾乎導致離婚,幸好及時醒覺挽救婚姻!現在已經雨過天晴,夫妻感情亦更穩固!
拍《致命復活》演被朋友出賣,失蹤10年被困深山的野人,令郭晉安陷入長期情緒抑鬱,同老婆冷戰半年幾乎導致離婚,幸好及時醒覺挽救婚姻!現在已經雨過天晴,夫妻感情亦更穩固!
失憶24小時 郭晉安曾經同老婆歐倩怡拍拖去捧子華與法拉舞台劇場。
郭晉安曾經同老婆歐倩怡拍拖去捧子華與法拉舞台劇場。

手揸過億物業

婚姻度過難關,郭晉安入行36年手揸過億物業,養妻活兒下半世無憂。知情人謂:「安仔喺呢行有過低潮,佢明白要積穀防饑,所以一有錢就會買磚頭保值,咁多年佢買落唔少物業,除咗住緊嘅匡湖居,又有唔少商廈單位喺手,物業市值已過億,雖然啲物業將來都係會留畀仔女,為仔女一早鋪好晒路,但佢唔想個仔太倚賴,成日會同令山講,自己係基督徒,將來乜嘢都要畀番天父,要個仔努力讀書,自己嘅將來靠自己創造,難得令山好生性,好明白爸爸嘅意思。」

失憶24小時 郭晉安成功馴服虎媽歐倩怡,兩公婆對仔女教育睇法終於一致!
郭晉安成功馴服虎媽歐倩怡,兩公婆對仔女教育睇法終於一致!
失憶24小時 郭晉安
慈父郭晉安教育下一代採取開放態度,拍劇再忙都會爭取時間陪仔女,不時見他一個人帶住仔女外出買雞蛋仔,認真廿四孝!
失憶24小時 只要不用開工,郭晉安都會幫手湊仔女。
只要不用開工,郭晉安都會幫手湊仔女。
失憶24小時 郭晉安企喺街忙講電話,囡囡以雅性格活潑不時手舞足蹈,同內斂的令山性格啱啱相反!
郭晉安企喺街忙講電話,囡囡以雅性格活潑不時手舞足蹈,同內斂的令山性格啱啱相反!
失憶24小時 讀營養學的歐倩怡,平日甚少畀仔女吃零食,呢日郭晉安陪仔女買小食,都揀健康的雞蛋仔!
讀營養學的歐倩怡,平日甚少畀仔女吃零食,呢日郭晉安陪仔女買小食,都揀健康的雞蛋仔!

同仔女鬥讀書

即使升呢做咗人妻人母,歐倩怡仍好學不倦,06年開始修讀營養學的她,已經是中大營養學碩士,又考獲市場管理文憑、航空理論課程及船牌,一有時間又學打鼓跳舞,更計劃到澳洲學揸小型飛機,擁有驚人奮鬥心!

失憶24小時 即使升呢做咗人妻人母,歐倩怡仍好學不倦。
即使升呢做咗人妻人母,歐倩怡仍好學不倦。
失憶24小時 14年更高分考獲船牌。
14年更高分考獲船牌。
失憶24小時 歐倩怡仲好有藝術修養,曾經日日去學打鼓及學跳舞,睇嚟如果小丸子復出再唱歌,應該會係實力派歌手!
歐倩怡仲好有藝術修養,曾經日日去學打鼓及學跳舞,睇嚟如果小丸子復出再唱歌,應該會係實力派歌手!

 

三屆視帝忠奸都咁好戲

效力無綫35年拍過唔少大熱劇集的郭晉安,03年憑 《戇夫成龍》爆紅更先後做咗無綫三屆視帝成績超然。安仔忠奸都咁好戲,在《再創世紀》 演奸到入心的賀天生後,拍《白色強人》又做回善良好醫生,同樣駕輕就熟。

失憶24小時 效力無綫35年拍過唔少大熱劇集的郭晉安,03年憑 《戇夫成龍》爆紅更先後做咗無綫三屆視帝成績超然。
效力無綫35年拍過唔少大熱劇集的郭晉安,03年憑 《戇夫成龍》爆紅更先後做咗無綫三屆視帝成績超然。
失憶24小時 郭晉安忠奸都咁好戲,在《再創世紀》 演奸到入心的賀天生。
郭晉安忠奸都咁好戲,在《再創世紀》 演奸到入心的賀天生。
失憶24小時 郭晉安拍《白色強人》做善良好醫生,一樣冇難度。
郭晉安拍《白色強人》做善良好醫生,一樣冇難度。

常見問題

世界盃熱播中,電視台劇集方面有咩特別安排?

IFA卡塔爾世界盃足球賽於11月舉行,每天都有隊伍晉級,分組賽中勝出者分別為…即看世界盃2022賽果一覽;想知道每天世界盃賽事賽果及各個小組積分表、出線走勢,按此看世界盃分組賽積分表;如想知道世界盃外圍賽五大洲各出線國家隊伍的戰績及積分榜,按此看世界盃2022外圍賽詳情;各個國家除了競逐冠軍錦標外,每國球員也同時爭取個人榮譽及獎項,按此看世界盃神射手及助攻王排行榜。而電視台劇集方面,TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV熱播中嘅原創劇《繩角》即將進入結局周⋯⋯按此看大結局劇情劇透

聖誕快將來臨,而2022到2023演唱會更是多鑼鑼,有咩搶飛攻略?

一年一度的聖誕節又到啦!今年聖誕各個商場都有各式各樣的聖誕擺設,小編為你整合多個聖誕好去處2022聖誕餐廳推介,與親朋戚友一同品嘗聖誕大餐。而交換禮物更是每年聖誕必備環節,不同價位的實用聖誕禮物推薦,定有一款啱你心意!而隨著疫情過去,有不少歌手宣布舉辦演唱會,例如:MC張天賦演唱會(12月20日公開發售)Westlife演唱會(12月1日公開發售)、許廷鏗演唱會(12月2日公開發售),更有Twins演唱會鄭秀文演唱會Clockenflap;喜歡K-pop的你亦有福了,因不少韓國天團更宣布有巡迴演唱會香港站,即睇:AOMG香港演唱會,5大人氣歌手大唱Hip Hop騷(12月5日公開發售)、MAMAMOO演唱會!小編為你整合了優先購票日期、公開售票日期、門票價錢、座位表等,想搶飛粉絲必定要留意!

讀者留言