女神配對計劃 2｜藝人吳兆麟突襲示愛陳若思 遭閨密爆黑歷史險反面？
吳兆麟溫柔表白獲5燈 Amber驚爆曾討厭對方
在昨晚播出的節目中，報稱藝人身份的吳兆麟（Alan）尚未露面，已憑其溫柔聲線向陳若思（Amber）表白：「Hello Amber 我從認識你到依家，一直都對你有好感。」真誠的聲音讓Amber全程怕醜掩嘴，坦言腦內一片空白，更直認：「我唔知佢會嚟，佢嚟時我震驚。」豈料，當Alan表示喜歡Amber既搞笑又鬼馬時，Amber竟自爆舊事，直言曾因對方而有不快經歷：「我拍嗰時有啲唔鍾意你，你係第一個傳染 Covid 畀我嘅人。」此話一出，連Amber的閨密Sam都證實她對此事非常在意，令現場氣氛一度變得尷尬。
閨密電話爆料指控 吳兆麟激動呼冤：Sam Lau你出嚟！
正當二人關係看似有進展時，Amber的閨密Sam突然打電話「介入」，更向Amber大爆Alan的驚人傳聞，指曾聽聞Alan婚後不想另一半工作，令Amber即時大打退堂鼓！Alan聞言後反應極大，激動呼冤，更直接點名篤爆是Sam Lau在背後搞鬼：「Sam Lau 你講呢啲嘢呀？Sam Lau 你出嚟！」他隨即焦急地向Amber澄清：「OMG，你真係唔好聽啲旁人講嘢！」並解釋這可能是源於父親對娛樂圈的看法，但絕非自己的想法，更聲嘶力竭地派定心丸：「我希望你做嘢，我希望你 work with me。」
吳兆麟剖白追求心跡 真誠告白終打動Amber
為了挽回劣勢，吳兆麟（Alan）在陳若思（Amber）閨密Sam的追問下，剖白為何今日才展開追求。他坦言過去總是在大班人聚會中見到Amber，一直不確定自己的感覺，更害怕被拒絕會很尷尬：「其實我諗過唔上嚟，因為我唔知道你對我感覺係點，我驚我上到嚟畀你拒絕我會好瘀，but I make it here。」一番真誠的告白最終成功打動了包括Amber在內的所有女神，一致撳燈讓他通關。Amber事後亦坦言：「我都覺得你好真誠，其實一路我都好鍾意你拉小提琴，所以我想了解你更多。」
網民睇好「藝人CP」 激讚吳兆麟真誠似關智斌
節目播出後，吳兆麟（Alan）與陳若思（Amber）這對第二季首度誕生的「藝人CP」引發網民熱烈討論，大部分人都表示看好。不少網民大讚Alan在整個過程中表現真誠，即使面對指控亦勇於澄清，更有人指他外型有點像關智斌。留言包括：「呢 Pair 幾 Sweet」、「幾真誠」。而節目中表現可愛的Amber，則與另一女神郭珮文（Juliana）一同被網民選為最gfable：「真係似女朋友，講嘢得得意意咁。」
