吳若希

奶奶嫌爛口 吳若希 婆媳大鬥法

最新娛聞

廣告

入行7年, 吳若希 (Jinny)是非新聞冇停過,女都生埋但腦囟未生埋,繼早前爆粗鬧友人公開女兒Giselle正面照後,日前再與網友隔空罵戰,為捍衛自身清白句句狠毒! 另外 吳若希 為男友Alex誕下囡囡後都未有得入門,有傳係因為未來奶奶眼見佢講嘢唔經大腦周圍辣火頭,嫌佢爛口,而孝順仔Alex唔敢逆阿媽意,婚事只好拖得就拖。想升呢做何太? 吳若希 要收吓把口學做賢妻良母先得啦!

吳若希 網上開火

自4月23日誕下女兒Giselle後,Jinny產後雖未復出,但見報率一樣高企!因為早前有朋友把女兒的正面照post上社交網,Jinny隨即在FB鬧該友人「屎忽生上腦」及「我冇呢啲onX朋友」!之後再有網民發表言論,批評Giselle的樣貌及Jinny未婚生女等,更罵其女兒是「雞女」、「冇老竇」、「有個咁爛口嘅老母」等,字眼極度侮辱。Jinny一下子如火山爆發揚言:「我真係會同你死過!」

口不擇言 惡毒咒女

眾多反吳若希網民一窩蜂狂插,Jinny以一敵眾全力開火,對於其中一個指控,佢嬲爆回覆:「我發誓!如果我有,我個女即刻死」以及「你老母生你出嚟好悲哀」。雖然網民來意不善,但Jinny以阿女條命來還擊,絕對係過火,而且連人家媽媽都出動埋,有唔少持平的網民亦加把口勸佢要收斂,唔好再作口孽。

少奶奶出巡

日前本刊在澳門拍得Jinny與囡囡離開澳門寓所外出散步,有陪月有司機,自己就兩手fingfing,更不時繑晒手指指點點,霸氣盡現。。見佢面部仍有水腫但手腳已回復纖瘦,看來已修身成功,只有個幾月大的Giselle BB肥肥白白,包包面似足媽咪。

散步時繼續係兩手fingfing,果然係大少奶!

難過奶奶關

雖然Jinny為保護女兒而與網民開戰,實屬無可厚非,但據知Alex媽媽一早已經唔鍾意Jinny,覺得佢唔定性同埋有機心,最慘係Jinny太爛口,講嘢唔經大腦四圍辣火頭,老人家睇到新聞,全世界都知道Jinny係咁粗鄙,又點會想自己個仔娶個咁嘅女仔民呢?Alex媽咪曾經提點過Jinny,但Jinny意見接受,態度照舊,Alex真係左右做人難……

學做賢妻良母吧

據知Alex不時為女友講好說話,極力游說母親接受女友,但Jinny向來做事不理後果,如果想堂堂正正做何太,佢真係要修心養性、學做個賢妻良母先過到未來奶奶一關啦!

全文完

常見問題

將來還有什麼演唱會值得留意?

有不少歌手宣布舉辦演唱會,例如:五月天BLACKPINK澳門站(2月4日預購)、林敏驄周興哲(1月28日公開發售)、周杰倫COLLARTwins鄭秀文鄭欣宜許冠傑(2月14日公開發售);喜歡K-pop的你亦有福了,ITZY(2月1日優先購票)和NCT DREAM亦在香港開演唱會!Sundaykiss為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

如何得知不同生肖在2023兔年感情、財運、事業、健康方面運程?有什麼生肖犯太歲及如何化解?

想知道12生肖於兔年運程如何?希望兔年在感情、財運、健康及事業方面更得心應手?Sundaykiss已為你準備好12生肖兔年運程,讓大家在兔年行個好運!犯太歲的朋友亦不用太擔心,有5大犯太歲生肖要留意小心多變化、多小人及易受傷,特別有2個月份要留意,Sundaykiss 為大家整合兔年5大犯太歲生肖化解方法

讀者留言