好姊妹鍾嘉欣結婚 處女黨獻吻送祝福

鍾嘉欣同老公Jeremy喺溫哥華補擺婚宴，嘉欣笑言同Jeremy識咗唔夠4日，已經覺得對方會係佢老公，至於是否有喜，嘉欣懶神秘說：「因為呢，講真，BB嘅嘢，唔好亂講，我覺得太早，我會適當嘅時候公佈。(怕小器？)BB嘢就唔好講啦，有咩事就唔好啦。」

問到老公有咩優點，嘉欣滔滔不絕說：「優點就勁啦！我真係好愛佢，佢真係好錫我，好似我喺微博所講佢心地好善良，好成熟好勇敢，講真佢咁private嘅人，拖住我同大家見面，平時影selfie佢都唔肯呀，就算影婚紗相要影2個鐘，佢都會話『45分鐘得唔得呀?』，佢為咗我付出，佢好鐘意小朋友，好孝順爸爸媽媽，所以佢係我嘅Mr. Right。」咁婚後會否退出，嘉欣向fans派定心丸：「我一定唔會退出，好鐘意喺TVB工作，其實我仲有好多嘢未完成，仲未試好多嘢，我都希望我會繼續工作。(老公唔心痛？)老公話會飛多啲過嚟，都唔可以話結咗婚唔見面嘛，咁唔健康。(會否減產？)到時你哋睇吓就知。」

而嘉欣好姊妹處女黨成員王君馨、李亞男、苟芸慧同岑麗香於婚禮上齊齊向嘉欣送上祝福，更不忘送香吻，祝嘉欣同老公Jeremy愛得甜蜜！