陳煒

【如果這樣生活】陳煒離婚7年仍單身 含淚剖白:我唔想分開!

最新娛聞

廣告

現年45歲的藝人陳煒96年當選亞姐冠軍,其後在亞視出道,2012年轉投無綫。去年播出的劇集《宮心計2深宮計》飾演太長公主大受歡迎!事業得意但感情路不如意,08年煒哥與台灣商人顏志行結婚,可惜婚姻只維持數年就結束。喺昨晚(6月13日)播播出的最新一集《如果這樣生活》陳煒(煒哥)哽咽剖白離婚的感受,直言離婚係由前夫提出,非她的意願,回歸單身的她表示要更加愛錫自己,其實之前煒哥接受訪問,透露當年離婚後一度要睇精神科,對佢打擊真係好大!

 

撰文:東方新地圖片:新傳媒圖片、影片截圖、陳煒IG微博

【如果這樣生活】45歲陳煒淚眼談離婚

陳煒在《如果這樣生活》重回與前夫離婚的傷心地 — 台灣,煒哥喺節目中哽咽說:「傳媒一直好關心我嘅感情生活,我一直冇交代,我之前冇講因為想保持呢段關係,我覺得有挽救嘅機會,所以唔想講。坦白講,我唔想分開,呢個唔係我嘅意願,離婚其實係佢提出嘅,佢覺得工作上,可能有些事情佢需要處理,佢覺得他要花好多時間,都覺得佢有虧欠我,既然佢冇能力付出佢嘅感情,要處理好多事情嘅時候,就覺得不如雙方中斷呢段關係啦﹗」

重提離婚,煒哥雙眼通紅,經歷婚姻失敗的陳煒單身7年,至今感情仍未有著落!

煒哥話自細都好獨立,佢喺讀中一時已經開始煮飯畀屋企人食,而離婚後冇人照顧自己,回歸單身更要愛錫自己多啲,屋企要修理任何嘢、換燈膽都要自己搞掂!

失婚的陳煒仍相信愛情,她在劇組安排下在台灣參加相睇活動,她在第一場活動中自言可能太拘謹!

但喺第二場相睇活動中,煒哥分享佢嘅飲食之道就係要養生,除了實行時下流行嘅生酮飲食法,另外就係不吃太多澱粉質食物!

Keep得咁好又咁靚,佢最後被兩位男士吸引住臨走前「抄牌」,其實煒哥都仲好有艷力,好有市場!

 

陳煒離婚一度要睇精神科

45歲的陳煒在北京出生,小時候便跟隨父母移居香港,96年放棄學業參加亞洲小姐競選榮獲冠軍,隨即被亞視力捧而成為當家花旦,主力拍攝電視劇。

 

2008年陳煒與商人顏志行結婚而宣布息影,不過闊別四年後又宣布復出,當年就由好友江美儀引薦而加入TVB,同年也跟顏志行離婚。

之前陳煒接受傳媒訪問,煒哥大方細訴離婚原因,她指08年結婚息影後便跟隨前夫到泰國定居,不過覺得婚後生活淡如水,不甘每天打理家頭細務。而且身為商人的前夫終日埋頭苦幹,所以對她有所忽略,就連性生活都有影響,更直言「佢好少掂我」。煒哥更指丈夫提出離婚時自己難接受,更需要找精神科醫生協助。

2016年陳煒拍攝飲食節目《煒哥的味道》,當時請來前夫做嘉賓,鏡頭面前上扮恩愛,其實已經離婚。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!