李琳琳

金像獎2024|李琳琳姜大衛慶祝結婚紀念50年 攜手走過抗癌路

最新娛聞

廣告

雖然話「再鋒利嘅刀,都有生鏽嘅一日⋯⋯」,但76歲「John哥」姜大衛仍寶刀未老,今年在金像獎憑《白日之下》奪得金像獎最佳男配角」,他在台上深情表示:「我想將個獎頒畀太太,因為係我哋結婚50周年。」佢同老婆李琳琳係娛圈出名嘅模範夫妻,但John哥話佢哋都遇過唔少難關,最難過係太太喺十多年前患上大腸癌,John哥陪伴佢走過抗癌之路,兩夫妻感情更勝從前。

李琳琳 台上浪漫示愛,李琳琳表現愕然,旁邊的洪金寶太太高麗虹完美演繹「羡煞旁人」!(圖片來源:ViuTV)
台上浪漫示愛,李琳琳表現愕然,旁邊的洪金寶太太高麗虹完美演繹「羡煞旁人」!(圖片來源:ViuTV)

姜大衛 李琳琳結婚50年

姜大衛同李琳琳自1974年結婚,育有兩女一仔,大女姜依蘭07年嫁曹永廉,二女姜依文亦已組織家庭,現居溫哥華,細仔姜卓文是李琳琳於1996年以48歲高齡誕下,現年僅22歲。2011年中李琳琳被爆患上大腸癌,手術後卻因癌細胞擴散至淋巴位置,要進行化療,被傳媒影到激瘦如同紙版人,不過經過老公姜大衛悉心照料,兩年後李琳琳終於戰勝病魔,兩公婆感情更勝從前,John哥早年接受傳媒訪問時表示:「嗰段時間我的確係好擔心,唯一可以做嘅就係共同面對。四十幾年感情,其實唔需要講出聲都知,大家都係冇咗對方唔得嘅!」

李琳琳 姜大衛經常做跟得丈夫陪老婆見朋友,老婆同朋友幾個女人傾足成粒鍾,佢就坐足全程冇嗌過悶、冇叫過走,更加唔會低頭玩手機,食完仲會主動埋單,呢啲咪就係好老公囉!
姜大衛經常做跟得丈夫陪老婆見朋友,老婆同朋友幾個女人傾足成粒鍾,佢就坐足全程冇嗌過悶、冇叫過走,更加唔會低頭玩手機,食完仲會主動埋單,呢啲咪就係好老公囉!
李琳琳 李琳琳患病期間,姜大衛放低工作,陪太太對抗病魔,2014年大病初愈嘅琳琳姐暫未長肉,身形瘦削得如同紙板人。
李琳琳患病期間,姜大衛放低工作,陪太太對抗病魔,2014年大病初愈嘅琳琳姐暫未長肉,身形瘦削得如同紙板人。
李琳琳 姜大衛同琳琳姐經常糖黐豆出巡,兩公婆形影不離,真係圈中夫妻嘅最佳典範。
姜大衛同琳琳姐經常糖黐豆出巡,兩公婆形影不離,真係圈中夫妻嘅最佳典範。

婚姻之道 互相包容

講到50年婚姻相處之道,姜大衛認為最重要係互相包容,佢話自己年輕時好多事情都會堅持己見,睇唔順眼就會出聲,但隨住年長的看法也有所不同:「之後會明白其實好多執拗都冇乜大不了,總之唔傷害到自己同別人就得啦。兩公婆嗌交,都係因為睇法唔同。後生時,我哋總係想改變對方,但慢慢就會知道,有啲嘢係冇得迫嘅!」

李琳琳 Keep住幕前演出、又有老婆陪又有兒孫福享,姜大衛依然健康又有台型,完全唔似70歲。
Keep住幕前演出、又有老婆陪又有兒孫福享,姜大衛依然健康又有台型,完全唔似70歲。
李琳琳 姜大衛同琳琳姐結婚50年,佢話以前都會因為想改變對方而嗌交,但慢慢就學識咗互相包容。
姜大衛同琳琳姐結婚50年,佢話以前都會因為想改變對方而嗌交,但慢慢就學識咗互相包容。

對女婿讚不絕口

近年姜大衛同女婿曹永廉喺《公公出宮》同《超時空男臣》密密合作,《公公出宮》中曹永廉更同現實一樣,都係扮演John哥嘅女婿角色,成就曹永廉攞到最佳男配角獎。John哥對女婿大讚話:「佢個角色唔容易演,但佢演得到!」至於拍戲時,廉記又會點樣稱呼John哥?John哥笑指以前會同佢講喺錄影廠要叫John哥,唔好叫外父!但廉記就笑言依家叫咩都冇所謂啦!

李琳琳 曹永廉大讚外父姜大衛好開通,從來唔會幹涉佢哋對小朋友嘅教育,令三代人相處得好舒服。
曹永廉大讚外父姜大衛好開通,從來唔會幹涉佢哋對小朋友嘅教育,令三代人相處得好舒服。
李琳琳 廉記話一對仔女都好喜歡公公姜大衛,差唔多日日都會上公公屋企,一家人相處得樂也融融。
廉記話一對仔女都好喜歡公公姜大衛,差唔多日日都會上公公屋企,一家人相處得樂也融融。
李琳琳 曹永廉同John哥近年經常合作,首次合拍慨《公公出宮》更攞咗最佳男配角獎,當然唔少得要多謝John哥。
曹永廉同John哥近年經常合作,首次合拍慨《公公出宮》更攞咗最佳男配角獎,當然唔少得要多謝John哥。

姜大衛 演藝世家出身

姜大衛係演藝世家出身,與大哥秦沛及同母異父弟弟爾冬升三兄弟感情勁好,John哥自4歲開始做童星,66年加入邵氏做武師,得到大導演張徹賞識,擔正《游俠兒》主角。70年更憑《報仇》一片成為香港首位獲得亞洲影展最佳男主角嘅演員。73 年,John哥再憑電影《叛逆》獲得亞洲影展最具性格演員獎。

李琳琳 姜母與姜氏三兄弟,左起秦沛、姜老太、姜大衛和爾冬升,爾雖與兩兄長同母異父,但感情極好,有空三兄弟便陪着媽媽。
姜母與姜氏三兄弟,左起秦沛、姜老太、姜大衛和爾冬升,爾雖與兩兄長同母異父,但感情極好,有空三兄弟便陪着媽媽。

姜大衛曾表示最鍾意演武俠片,除此之外就係喜劇,而喺新劇《逆緣》以三爺孫的故事為軸心,年僅30歲的陳家樂在劇中成為姜大衛嘅爸爸,黎耀祥就係陳家樂個孫,配搭新鮮! 逆緣

陳家樂飾演嘅二戰時期冷凍人士兵陳家樂在2018年甦醒後,驚覺兒子姜大衛及孫兒黎耀祥早已年紀漸老,他決心重拾父子關係,掀起連串奇幻逆緣。

逆緣

愛拍搞笑武俠劇

佢喺較早前播出的《翻生武林》中,就集合晒John哥最鍾意嘅兩種類型,劇中John哥一人飾演「慈悲老人任我飛」和「武林盟主慕容風」兩個角色,戲份勁重。

李琳琳 70歲姜大衛打得又演得,寶刀鋒利得嚟仲未生鏽。
70歲姜大衛打得又演得,寶刀鋒利得嚟仲未生鏽。
李琳琳 姜大衛喺新劇《翻生武林》入面仲好好艷福㖭!
姜大衛喺新劇《翻生武林》入面仲好好艷福㖭!
李琳琳 劇中蕭正楠同陳凱琳都陷入姜大衛籌謀已久嘅復仇大計中,可說John哥係劇中嘅最大反派boss。
劇中蕭正楠同陳凱琳都陷入姜大衛籌謀已久嘅復仇大計中,可說John哥係劇中嘅最大反派boss。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:東方新地 |圖片:新傳媒圖片