姜濤

姜濤升呢「吸金王」 狂接廣告但仲未買到樓全因…

最新娛聞

廣告

近日升呢為新一代「吸金王」的姜濤,今年只係過了未夠四個月,已接拍了超過20個廣告,大家都相信他可以賺到盤滿缽滿,達成他早日買樓收租的心願,但日前他出席活動時,卻指自己到現在仍未買到樓,原因係⋯⋯

文:東方新地|圖:姜濤及Stanley IG圖片、預防HPV宣傳片及ViuTV電視載圖、新傳媒圖片庫、《新假期》截圖、廣告發相

姜濤夢想買樓收租

姜濤近日取代「星夢一哥」周柏豪成為新一屆「Fight HPV 教育宣傳大使」,可以孖住前輩兼影后阿Sa(蔡卓妍)拍攝宣傳片,日前兩人一同出席預防HPV的宣傳活動時,姜濤被問到成為新一代「吸金王」後,係咪已經賺夠第一桶金,可以實現買樓的夢想?他卻表示現時仍有好多支票都未收到,他笑言:「都會畀嘅,係比較遲啫。」

姜濤
今次是姜濤首次與阿Sa合作,雖然兩人分開在不同地點拍攝宣傳片,不過完成拍攝後姜濤亦有特地去探阿Sa班。

雖然仲未收到廣告酬金,但夢想係買樓收租的姜濤,透露自己已經開始睇緊樓盤,他表示早前拍攝真人騷節目《調教你MIRROR》時,主持梁祖堯已帶過他去睇樓,他直言希望將來起碼可以買到兩層樓,一層用來收租、一層用來自住。

姜濤
姜濤直言已經睇緊樓,希望早日達成買樓收租的夢想。

姜濤又笑言不怕花姐將他的廣告酬勞「落格」,理由竟然係花姐太窮,他說:「如果花姐有『落格』就唔會咁窮,佢都使好多錢!」

姜濤 花姐
姜濤竟然取笑花姐太窮。

拒拍內褲廣告

被問到最想接拍的廣告類型時,姜濤回答係美食廣告,因為可以光明正大狂食,女性衞生巾廣告的話,他直言為賺錢亦不介意接拍,但最好可以拉埋全隊MIRROR成員一齊上陣拍攝。

姜濤
姜濤表示最鍾意拍美食廣告。

而講到要晒Body的內褲廣告,姜濤就搞笑話要將他個樣Key在隊友Stanley(邱士縉)或Alton(王智德)的Body上,才可以接拍,他笑言:「我都有自知之明,驚我用真身拍完之後,就嚇走晒啲客,乜廣告都冇晒呀!」

姜濤
姜濤話接拍內褲廣告的話,需要借用隊友Stanley(見圖)或Alton的Body。

即睇姜B拍宣傳片:

延伸閱讀:

姜濤成就解鎖為麥記賣廣告 講「姜B」急口令 姜糖戥尷尬

姜濤早前取代陳奕迅成為麥記代言人,為新推出的煙肉巨無霸拍廣告,麥記為此更特別推出「姜B餐」同「姜B卡」,而姜濤將麥記八十年代家傳戶曉的急口令:「雙層牛肉巨無霸,醬汁洋蔥夾青瓜,芝士生菜加芝麻,人人食過笑哈哈」重新演繹,將經典改成「芝士生菜加bacon,姜B食過笑哈哈」。

姜濤 麥記 急口令 姜B
姜濤早前成為麥當勞新推出的煙肉巨無霸代言人。
姜濤 麥記 急口令 姜B
為麥記推銷「姜B餐」。

姜濤接受傳媒訪問時,再演繹廣告中的急口令時,竟表現得怕醜又尷尬,姜糖們紛紛留言指偶像個樣勁老尷,「好尷尬喎佢」、「2021尷尬之最」、「新包就係加咗煙肉嘅巨無霸,佢講出嚟自己都笑」、「係人都知佢最怕被人叫B,今次仲要自己講出嚟」。

姜濤 麥記 急口令 姜B
姜濤接受傳媒訪問時,親身再配合舞步rap出急口令時,竟然表現得勁老尷。
姜濤 麥記 急口令 姜B
姜濤即席演繹廣告中跳住舞講急口令。

姜糖戥姜濤尷尬:

姜濤 麥記 急口令 姜B
姜糖睇得出姜濤好老尷。
姜濤 麥記 急口令 姜B
姜濤介紹新包時直言:「簡單嚟講就係加咗塊煙肉﹗」姜糖話姜濤講完都覺尷尬。
姜濤 麥記 急口令 姜B
直指姜濤好似尷尬癌咁。
有姜糖戥姜濤感到尷尬,替佢慘,更叫姜濤經理人要小心篩選廣告代言,又指姜濤向來不喜被別人叫做B,今次廣告中卻要稱呼自己做「姜B」,姜糖肉緊地替姜濤出頭。
有姜糖戥姜濤感到尷尬,更叫姜濤經理人要小心篩選廣告代言,又指姜濤向來不喜被別人叫做B,今次廣告中卻要稱呼自己做「姜B」,姜糖肉緊地替姜濤出頭。
姜濤 麥記 急口令 姜B
姜糖睇得出姜濤好尷尬。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
姜濤