阿媽有咗第二個｜姜濤跳舞咁勁唔識踩單車？ 彭秀慧爆為轉行做外賣仔苦練！

彭秀慧爆姜濤為拍戲獻出第一次

姜濤拍攝由彭秀慧執導的電影《阿媽有咗第二個》，戲中與毛姐毛舜筠、Jer柳應廷連場對手戲，光是預告片已經見到充滿火花，姜濤與Jer都是第一次參與電影拍攝二人演出自然。不過姜濤就被導演彭秀慧爆料「獻出第一次」。彭秀慧在Facebook出post：「風和日麗，嗰日製片搵到架拍攝用單車，導演第一時間試下好唔好踩……尤其是個演員好似話本來唔識踩單車，係有啲擔心。#咁送外賣都可以行嘅 #做步兵無話唔得 #但係演員最後學識咗係叻嘅 #阿媽後面有啲咩 #工作愉快是維他命」好明顯就講緊姜濤，事關戲中他要飾演外賣仔，一次機會俾復出做經理人的毛姐睇中問佢有冇諗過做歌手，戲中仲要同飾演毛姐囝囝的Jer爭寵，兩位年輕人咁可愛，難怪連毛姐自己都話：「令我精神立即為之一振！」

姜濤學識踩單車友獲網民大讚

彭秀慧在Facebook出post後，雖然沒有指明「該演員」就是姜濤，但網民心水清猜到，紛紛留言大讚他叻仔，留言：「我記得睇調教時好多人教佢，真係好叻仔」、「個演員專業又叻，導演亦好有心」，亦有網民多謝彭導：「多謝彭導咁錫演員，親身試過車先」、「多謝你令阿演員的起心肝學」。

即睇姜濤阿Jer表情包：