姜濤神隱後復出賺錢脹住做廣告從業員 情人節出Post賣廣告

姜濤神隱兩個月後 情人節出Post賣廣告

姜濤自去年12月23日後，就一直沒有更新社交平台。時隔近兩個月，姜濤終於在情人節前夜更新社交平台，為護膚品品牌賣廣告，仲發文表示：「我有一個不能改的習慣，就是….每天都想你！只要與對的人過，與你一起的每一天都是情人節，想知我為你準備的禮物是什麼嗎？」，冧死一班日掛夜掛姜糖。

復出賺錢做廣告從業員 繼續漲爆出鏡

此外，MIRROR成員代言的FWD保險公司，每日在社交平台公開一位成員以「女友視覺」拍攝的影片。昨晚亦公開了一張姜濤的預告照，並發文寫道：「聽日登場應援大家健康嘅成員鍾意用作品去說話，仲聲稱自己好MAN㗎！」

今日適逢情人節，FWD就公開了姜濤以健康為主題的個人影片，片中姜濤仲問粉絲們有冇乖乖食飯同做運動。今次FWD廣告為姜濤在叱咤後首個正面拍攝廣告，在叱咤頒獎典禮脹爆登場的姜濤，雖然有傳事後姜濤每晚漏夜去打波做運動減肥，但塊面依然包包臉，未能恢復當年勇，繼續脹爆出場。

今次代言將MIRROR 12子「分拆上市」，每人拍攝一條「應援你健康」嘅女友視覺影片，比姜濤先曝光的分別有Jer、Ian、Anson Lo、 Jeremy及Stanley ，每條影片各有不同故事情景。

傳因心病神隱 網民：做返個平凡人好啲

最近有傳姜濤在叱咤頒獎禮後因心裡承受壓力，所以決定再搬屋自己住，避開外界目光，並且在凌晨時分喪跑兼打波，展開地獄式減肥訓練。姜濤疑患心病的消息一傳開，網民都表示擔心姜濤的身心健康，並且留言表示：「如果屬實，佢不太合適做藝人、偶像，錢都搵夠。做返普通人怕出街比人指指點點，就索性移民，忠言相勸」、「如果心裡咁大壓力，真係做返個平凡人好啲」、「其實心理質素咁差壓力咁大真係做返平凡人好啲，佢再做落去可能有精神或心理問題」等。