孟瑤

失婚孟瑤自薦留港拍劇 投訴獎門人已讀不回

最新娛聞

廣告

「晶女郎」孟瑤去年宣布與內地富豪周磊早已離婚,再次活躍於幕前,繼早前推出新歌拍MV,最近仲聯同陳爽、張美妮及張嘉兒為《開心大綜藝》的「我要上台慶」排舞,連婚後專注相夫教子的人母兵團都肯出山,獎門人同王祖藍的號召力真係好強大囉!

撰文:東方新地 圖片:東方新地、孟瑤微博圖片、IG圖片、陳爽IG圖片

孟瑤
孟瑤日前在社交網出po,表示要為《開心大綜藝》練rap。
孟瑤
孟瑤廣東話認真麻麻,今次仲要rap,真係洗耳恭聽。

孟瑤重現電視熒幕

久未在港公開露面的孟瑤,與陳爽、張嘉兒及張美妮一齊為節目排練,相隔10年再現無綫,孟瑤特別興奮,認真排舞又練歌,一副誓要東山再起的模樣,更表示兒子在北京讀書,所以只能在電視上看她的演出。

孟瑤
唔講唔知,原來孟瑤、陳爽、張美妮與張嘉兒是相識十幾年的好姊妹。
孟瑤
孟瑤排舞不忘玩自拍。

孟瑤公開投訴高層

孟瑤表示今次的表演非常艱辛,舞步非常難,每次練完都好痛,甚至行唔到路,雖然她是在北京舞蹈學院畢業,但原來已經十幾年冇跳舞,所以孟瑤緊張到瞓唔到覺。孟瑤仲話好想留港拍劇,不過高層曾志偉似乎掛住搞好綜藝節目,拍劇未必話到事喇!所以孟瑤公開投訴:「依家都見唔到佢,往年志偉生日大家會一齊慶祝,但今年傳咗好多次短訊畀佢都冇回覆,只係上次開會見過佢。」

孟瑤
每次排舞都好長時間,孟瑤與張嘉兒、陳爽累到挨埋一邊休息。
孟瑤
練掛三日每日長達9小時,四位太太都話好辛苦,好彩仔女都有到場打氣,只有孟瑤因囝囝身在北京返學所以孤軍作戰。

孟瑤自爆離婚 出新歌同小鮮肉拍MV

35歲嘅孟瑤08年同內地富豪周磊秘密結婚,囝囝都9歲大,本來生活無憂賺錢買花戴嘅佢,去年年尾突然宣佈19年時同老公已離婚,不過闊太生活依舊,早前仲喺微博大晒收花收包包、又推出自己歌曲,力證自己單身一樣有市場。離婚後的孟瑤依然富貴,但亦需要推出作品谷谷人氣,早前推出新歌《我們》,更與貌似細一輪的小鮮肉對戲。

「晶女郎」孟瑤靠性感出位

上月七夕,孟瑤身在香港,佢喺微博上載收花相,身穿低胸裝身後有無敵海景,不過重點就去咗最低入場費十幾廿萬一個嘅Hermes包包度喇!
上月七夕,孟瑤身在香港,佢喺微博上載收花相,身穿低胸裝身後有無敵海景,不過重點就去咗最低入場費十幾廿萬一個嘅Hermes包包度喇!
日前孟瑤喺微博自爆同內地富豪老公已經離婚,因為性格差異喎!
去年孟瑤喺微博自爆同內地富豪老公已經離婚,因為性格差異喎!
孟瑤同老公育有一個9歲兒子,離婚後二人共同撫養。
孟瑤同老公育有一個9歲兒子,離婚後二人共同撫養。

曾經係王晶愛將嘅孟瑤,當年做「晶女朗」憑性感導彈身材出位,喺《我老婆係賭聖》同《七擒七縱七色狼》等電影中都搶晒fo,到08年同內地內衣品牌總裁周磊結婚,10年生埋囝囝,之後孟瑤邊做闊太邊拍戲,依然留戀做明星。去年尾孟瑤突然在微博宣佈,19已經同富豪老公登記離婚,又指會共同撫養已經9歲嘅囝囝Dustin。無論當年結婚定係今次離婚孟瑤都一樣低調,難怪去年7月佢透露會簽內地新經理人公司,以全新姿態示人,原來因為已經回復單身。

以前身材激凸甚有肉地嘅孟瑤,去年銳意到荷李活發展,更曾赴美國上堂學英文及演戲,又積極做運動及減肥,短短三個月成功減掉18磅,可惜因中美貿易戰及疫情而受阻。
以前身材激凸甚有肉地嘅孟瑤,去年銳意到荷李活發展,更曾赴美國上堂學英文及演戲,又積極做運動及減肥,短短三個月成功減掉18磅,可惜因中美貿易戰及疫情而受阻。
勤做運動操弗都要放爆汗相上微博,孟瑤想引死人呀?
勤做運動操弗都要放爆汗相上微博,孟瑤想引死人呀?

性格差異導致離婚

孟瑤喺微博公告離婚消息:「各位關心、愛護我的朋友們︰我已恢復單身一段日子了,我和周先生一起共度了很多美好的時光,可惜未能克服性格的差異,因此於2019年已經登記離婚了,並共同撫養我們的兒子。儘管已不是夫妻,但我們是永遠的家人。懇請外界不要作不必要的臆測,這會傷害我和我的家人,亦懇請大家給予我們私人空間,讓我們適應新的生活。感謝大家的愛護和支持!」

做咗人妻同人母嘅孟瑤,樣同身材都keep得好好,早前更影咗一輯懷舊相放上微博,大晒長腿。
做咗人妻同人母嘅孟瑤,樣同身材都keep得好好,早前更影咗一輯懷舊相放上微博,大晒長腿。
以前嘅孟瑤乳出驚人,肯露唔怕蝕底,深得老闆王晶寵愛。
以前嘅孟瑤乳出驚人,肯露唔怕蝕底,深得老闆王晶寵愛。
「晶女郎」孟瑤當年受王晶力捧,出席公開場合都拖實佢。
「晶女郎」孟瑤當年受王晶力捧,出席公開場合都拖實佢。
孟瑤主演嘅呢套《七擒七縱七色狼》真係好經典。
孟瑤主演嘅呢套《七擒七縱七色狼》真係好經典。

七夕收心形花

19年已經離婚嘅孟瑤絕對不甘寂寞,35歲嘅佢仲有大把裙下之臣,從早前喺微博上載嘅近況顯示,去年身處香港的孟瑤喺七夕(8月25日),曾收到兩大紮靚花,其中一紮更砌成心形,唔止呀!椅上仲放咗一個閒閒地十幾廿萬嘅愛馬仕包包,送禮者認真大手筆。

孟瑤08年同內地富商周磊秘婚,三年後仔都生埋先豪花3千萬補辦夢幻婚禮,當年一家三口好幸福。
孟瑤08年同內地富商周磊秘婚,三年後仔都生埋先豪花3千萬補辦夢幻婚禮,當年一家三口好幸福。
老公係內地「胸圍大王」,孟瑤除咗獲老爺送3千呎北京豪宅外,早年又在北京投資開餐廳,後來賣盤賺錢,再喺上海開設五萬呎KTV,另老公又打本畀佢做內衣店的CEO,不時見她在港一身闊太打扮現身。
老公係內地「胸圍大王」,孟瑤除咗獲老爺送3千呎北京豪宅外,早年又在北京投資開餐廳,後來賣盤賺錢,再喺上海開設五萬呎KTV,另老公又打本畀佢做內衣店的CEO,不時見她在港一身闊太打扮現身。

同蕭公子演夫妻

當年戰鬥格嘅孟瑤甚有男人緣,婚後接拍劇集《風雲天地》同蕭正楠合演夫妻,打情罵俏之餘仲有接吻戲,戲外佢哋都出雙入對傳過緋聞,今次孟瑤離婚變單身女王,一定有好多男士虎視眈眈啦!

13年同蕭正楠喺內地拍劇集《風雲天地》合演鬥氣夫妻,奉旨打情罵俏又有接吻戲,戲裡戲外出雙入對更傳出緋聞。
13年同蕭正楠喺內地拍劇集《風雲天地》合演鬥氣夫妻,奉旨打情罵俏又有接吻戲,戲裡戲外出雙入對更傳出緋聞。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!