姜濤

爆谷一周 | 谷劇變圍攻姜濤大會 張繼聰:最鍾意見到姜濤嬲

最新娛聞

廣告

谷德昭主持的ViuTV節目《爆谷一周》最新一集邀請了《季前賽》導演袁劍偉、主演演員張繼聰,ERROR的193及肥仔。四人在節目上不但分享在拍攝劇集時候的趣事,更多次大爆姜濤不為人知的一面,將節目變成圍攻姜濤大會!

大爆姜濤波癮大 成日搵人單挑

《季前賽》的導演和一班主演演員一起上《爆谷一周》宣傳新劇,主持谷德昭問到哪位演員最大「波癮」的時候,大家異口同聲地回答是姜濤。193大爆姜濤在節目記者招待會結束後,一日打三次波,令193都忍唔住話:「呢條友乜事呢?佢有冇咁鍾意打波啊?」

姜濤 姜濤無論戲內戲外都非常喜歡打籃球,被一眾演員話佢係波癮最大的演員!
姜濤無論戲內戲外都非常喜歡打籃球,被一眾演員話佢係波癮最大的演員!(圖片來源:ViuTV提供)

隨後,肥仔亦大爆姜濤很喜歡搵人單挑,打一對一籃球,每次贏了比賽就會很囂張,輸了比賽就會不認賬,要求再玩過。肥仔又話姜濤經常在私下揶揄自己球技差,要求同肥仔玩一對一,有次兩人進行一對一比賽的時候,因為肥仔盡力防守,所以姜濤一球都入唔到!

姜濤 肥仔話姜濤經常完1對1輸波會唔服輸!
肥仔話姜濤經常完1對1輸波會唔服輸!(圖片來源:ViuTV《爆谷一周》截圖)
姜濤 姜濤又會在私下揶揄肥仔球技差,結果一對一的時候,姜濤一球都射不進。
姜濤又會在私下揶揄肥仔球技差,結果一對一的時候,姜濤一球都射不進。(圖片來源:ViuTV《爆谷一周》截圖)

姜濤打籃球時係「獨食精」?

張繼聰在節目中亦有大讚193和Ian都有接受過正式籃球訓練,所以團隊意識強。姜濤在打籃球的時候則是「個人英雄」和「球場黑洞」,喜歡自己控球和射球。193繼續爆料表示:「我懷疑姜濤直情係冇咗個傳播掣,好似人地打機,剩係射波唔傳波!」

姜濤 張繼聰話姜濤打籃球的時候是「個人英雄」,193都話姜濤不喜歡傳球。
張繼聰話姜濤打籃球的時候是「個人英雄」,193都話姜濤不喜歡傳球。(圖片來源:ViuTV《爆谷一周》截圖)
姜濤 一班演員就算Cut機都會繼續打球,輸波要罰坐掌上壓!
一班演員就算Cut機都會繼續打球,輸波要罰坐掌上壓!(圖片來源:ViuTV提供)

張繼聰同姜濤鬥波最鍾意「嘴炮」

張繼聰接著爆料,表示自己在打球的時候,只需要用體能和「嘴炮」就能打贏姜濤。張繼聰大爆有次同姜濤嘴炮的經歷:「我直接同佢講話我腦裡面宜家睇到你射唔入,好失望個樣。跟住佢叫我收聲,叫我唔好出聲。我繼續同佢講,講到佢笑。然後佢就話我都見到,見到自己失望個樣,結果佢就真係射唔中!」張繼聰又話因為姜濤平時為人斯文,每次同姜濤嘴炮完,見到姜濤開始生氣,自己都會覺得很開心。

姜濤 張繼聰自爆最喜歡同姜濤「嘴炮」,有次激到姜濤叫自己「收聲」
張繼聰自爆最喜歡同姜濤「嘴炮」,有次激到姜濤叫自己「收聲」。(圖片來源:ViuTV《爆谷一周》截圖)
姜濤 張繼聰又話姜濤平時為人斯文,所以見到姜濤生氣就會好開心。
張繼聰又話姜濤平時為人斯文,所以見到姜濤生氣就會好開心。(圖片來源:ViuTV《爆谷一周》截圖)
姜濤 兩人雖然年紀相差10幾年,但依然老友鬼鬼!
兩人雖然年紀相差10幾年,但依然老友鬼鬼!(圖片來源:ViuTV提供)

導演親自公開球技榜 193排榜首

在節目中,導演袁建偉亦有親自為劇中演員排球技排行榜,其中193排榜首,其後緊接就是Ian、姜濤和Stanley。導演邊排邊表示:「阿姜一定嬲豬,我擺佢係第三。」肥仔隨後爆笑加多句:「試下等佢再嬲豬啲,排佢喺我後面啦。」除此之外,張繼聰亦有大讚Edan為《季前賽》付出甚多,比拍攝前射得準好多。

姜濤 大家都戲弄姜濤,將姜濤排在球技榜的榜尾!
大家都戲弄姜濤,將姜濤排在球技榜的榜尾!(圖片來源:ViuTV《爆谷一周》截圖)

《繩角》關於什麼故事?

此劇集改編自同名漫畫,原作者是本地漫畫家曹志豪,講述主角立下決心成為亞洲拳王努力奮鬥,挑戰極限的故事,由MIRROR成員主演⋯⋯按此看劇集&角色介紹

Mirror仲有邊套劇即將播出?

《繩角》將於11月14日接檔《季前賽》,而根據ViuTV早前已宣布一連播放五套原創劇,包括⋯⋯ViuTV五劇對撼無綫台慶

撰文:東方新地圖片來源:ViuTV提供、ViuTV《爆谷一周》截圖