安德尊聽取宋芝齡意見韓國投資買山為搏呢樣嘢賺大錢

宋芝齡投資買山嗌唔貴搏政府收地

安德尊（大王）、宋芝齡以及馬海倫、李有毅等4位嘉賓於節目入面分享物業投資心得，問到幾位嘉賓有咩投資心得時，有「地王」之稱的大王就最令人驚訝，佢自爆最近於韓國買咗一座山，全因好拍檔宋芝齡推介，宋芝齡解釋話：「喺韓國買山唔係好貴，如果政府收地整路，咁就發喇！」
而這集《樓價有得估》的內容，還走訪路芙和吳嘉儀的星級家居，路芙在2008年以183萬買入馬鞍山374呎單位，單位位於鐵路沿線，生活配套完善，非常方便；而吳嘉儀的700呎西貢村屋單位夠大之餘，附近環境亦相當清幽。

安德尊宋芝齡安德尊指被宋芝齡說服他投資於韓國買山 — 安德尊指被宋芝齡說服他投資於韓國買山（圖片來源：TVB《樓價有得估》發相）

安德尊宋芝齡路芙於節目中分享買馬鞍山單位的投資心得 — 路芙於節目中分享買馬鞍山單位的投資心得（圖片來源：TVB《樓價有得估》截圖）

其實人稱「大王」嘅安德尊於TVB都有一定地位，多年前譚小環大爆大王多年嚟喺元朗買落大批地皮起樓，平時經常戴鑽戒又請同事食飯，因而「元朗地王」之稱，不過大王就透露只係喺元朗合資買地建舍。有傳大王的家族生意其實非常龐大，除咗香港，喺加拿大都有物業揸手添，身家以億計算！更因此一度被傳媒封為「禾稈冚德尊」，認真搞笑。

大王被是否已婚支吾以對重提李錦聯事件

大王於早前無綫播出的廚藝節目《黃金盛宴》，更曾被主持馬浚偉逼功，令大王完全招架不住，馬浚偉當時表示請了人妻張美妮來做嘉賓，再說請到人夫大王前來做嘉賓，被殺個措手不及的大王支吾以對：「唔…係…咁你有冇？」但被馬浚偉反駁說：「而家係我問你，呢個邊係你主場阿？」張美妮後來說大王一直都沒有戴戒指，馬浚偉亦笑說：「結咗可以唔戴嘅啫！」大王立即附和：「可以唔戴嘅啫！」

馬浚偉更問大王與李錦聯不和的傳聞，大王笑說：「打畀李錦聯」向他詢問不和的真偽，馬浚偉話：「嗰時我睇呢單新聞覺得係炒作，但後來我信係真嘅，有次我因為呢單新聞，真係特登睇呢個節目，跟住我睇到佢哋兩個啲表情、眼神係有真火。」大王即說：「咁又唔可以話係假！」立即被張美妮反問「咁即係真？」雖然大王強調只是「搞氣氛」，但他被馬浚偉問到與李錦聯是否好兄弟時，大王即說：「咁又好難講喎﹗」令全場爆笑。