宣布BB出世！郭富城晒一家三口手指照

郭富城高調認定Moka

向來都係單身貴族的城城身邊向來不乏女伴，不過佢感情生活就好神秘，甚少會公開認定女友身份。直至2015年12月那一夜，城城突然在微博上載咗一張拖手照並留言：「這樣開車要慢一點」，仲tag埋Moka，如此高調宣布戀情，天王都係第一次！

郭富城Moka大婚

城城與Moka宣布戀情後一直恩愛非常，屢次傳出結婚消息，今年四月終於舉行婚禮！兩人在半島酒店的婚宴相當低調，只會筵開約十席，男、女家各佔三圍。而圈中人只有城城經理人小美、張智霖、I.T主席沈嘉偉以及排舞師Sunny Wong等朋友。

巨肚Moka影大肚寫真

雖然有傳Moka婚禮時已懷有「城」種，但兩公婆一直絕口不提，但早前Moka不時穿高腰傘裙來遮掩漸漸隆起的肚皮，本刊上月又拍得Moka在女助手陪同下到柴灣拍攝大肚寫真，當日Moka身穿白色高腰連身裙，輕露事業線好吸睛，側面睇更見到巨肚大得誇張！

郭富城公布BB出世

預產期為今個月的Moka，日前有報道指佢於9月1日在養和醫院誕下BB，惟兩公婆及城城經理人小美都封口不提。直至今日，城城突然在社交網興奮晒全家福，上載一張一家三口手指相，宣布BB出世！城城留言：「開心、微妙、感恩！我們仨！成長、家庭、守護！」還有一張「Welcome little one」字樣的圖片。不過BB係男係女？咁就要等城城爸自己公布啦！

全文完