雪姨

「人棄YouTuber」雪姨騷鋼管舞擘腿照試水溫 長文感悟要知足轉身走去買名牌

最新娛聞

廣告

富貴KOL雪姨因為「盆菜事件」被而被網民聲討,人氣斷崖式下降!即使之後道咗歉繼續拍片,聲勢依然大不如前,及後一度停工,最新一條片已經係4個月前。沉寂一段時間,雪姨終於蒲頭試水溫!日前更嚟個深夜大解放,po鋼管舞擘腿照,仲不斷搵返啲舊圖出嚟,網民「新招?」

雪姨
(圖片來源:ig@iamsnowwhitewhite)

雪姨po擘腿鋼管舞網民:驚慌度10

雪姨昨晚突然出stoy,po出一張擘腿鋼管舞的照片,指自己食完飯睇返自己的舊相,發現多年前的鋼管舞照片,仲強調「以前我條腿咁猛烈嘅咩?!」相片中雪姨著住粉色小背心,雙腿擘開,做出高難度動作。

雪姨
(圖片來源:ig@iamsnowwhitewhite)

大講感言:啲嘢帶唔走!

其後又放出多張回億照片,感慨自己之前成日去旅行、返到香港就跳下舞咁,個人無人無慮好開心。仲送上勉勵大家的說話「大家要記住,生活唔係活比其他人睇,誰也不用羨慕誰,生活從來都係你睇我好,我睇你好,人生真係匆匆幾十年,死嘅時候都帶唔走任何嘢,如果努力生活令人生更加精彩,當我老咗走嘅時候我都會好佩服自己能夠過一個精彩嘅人生,有經歷嘅人生先會精華」

雪姨
(圖片來源:ig@iamsnowwhitewhite)

轉頭即po連卡佛試身室買衫相

雪姨大講感言,不過有網民就認為呢番說話係富貴kol口中講出,都幾驚喜!因為雪姨其後除咗鋼管舞相,仲派出一張小蠻腰相,大騷小蠻腰之外,強調咩都帶唔走的雪姨呢張相係喺連卡佛試身室試衫的時候影,指自己當時試咗Alexander wang的背心,仲試完即買,果然係富貴KOL。

雪姨
(圖片來源:ig@iamsnowwhitewhite)
雪姨 雪姨仲po咗舊相,話自己以前好肥,網民表示似乎係想sell人買嘢
雪姨仲po咗舊相,話自己以前好肥,網民表示似乎係想sell人買嘢(圖片來源:ig@iamsnowwhitewhite)
雪姨 雪姨仲po咗舊相,話自己以前好肥,網民表示似乎係想sell人買嘢
雪姨仲po咗舊相,話自己以前好肥,網民表示似乎係想sell人買嘢(圖片來源:ig@iamsnowwhitewhite)
雪姨 雪姨仲表示po完之後好多人dm佢,係咪暗示自己人氣仲好勁先?!
雪姨仲表示po完之後好多人dm佢,係咪暗示自己人氣仲好勁先?!(圖片來源:ig@iamsnowwhitewhite)
雪姨 雪姨仲表示po完之後好多人dm佢,係咪暗示自己人氣仲好勁先?!
雪姨仲表示po完之後好多人dm佢,係咪暗示自己人氣仲好勁先?!(圖片來源:ig@iamsnowwhitewhite)

重溫:雪姨自爆新年最深刻被掌嘴「盆菜風波」發酵再被爆三大黑材料

有「富貴KOL」之稱的雪姨(容可兒)接受開電視訪問,提到小時候的過年習俗,雪姨透露小時候不知禁忌而被長輩掌嘴,禍從口中原來都唔係第一次﹗「盆菜風波」後一直低調的雪姨,近日開電視訪問出街,事件再被發酵,更被爆三大黑材料﹗

雪姨談及農曆新年有很多賀年美食,雪姨笑言最喜歡吃家人炮製的角仔,又自爆曾經禍從口出:「小朋友真係要遠離廚房,如果唔係好容易講錯嘢!以前細個我試過畀婆婆掌嘴,因為當時我講咗句『哎呀!炸到裂開咗』所以千祈唔好亂講嘢,如果唔係會影響之後一年嘅運氣!」

雪姨自爆新年最深刻被掌嘴 「盆菜風波」發酵再被爆三大黑材料
雪姨早前接受開電視訪問﹗(圖片來源:開電視)

雪姨分享買樓心得

節目中提到雪姨投資有道,曾試過一筆過斥資近千萬買樓,雪姨亦有分享心得:「我自己真心覺得財不入急門,真係要量力而為,同埋唔好人哋話買咩,就即刻盲目咁跟住去買!自己做多啲功課同資料蒐集,咁就唔會畀人呃喇!」

雪姨自爆新年最深刻被掌嘴 「盆菜風波」發酵再被爆三大黑材料
雪姨「盆菜風波」後,一個直潛水玩低調﹗早前為接受開電視的訪問出街,是非再度發酵﹗(圖片來源:開電視)

雪姨就盆菜風波道歉求原諒

雪姨發表盆菜食評影片,節目以3間食肆的迷你盆菜比併,分別是兩間大酒店及基隆茶餐廳的出品。雪姨大讚兩間大酒店的盆菜,卻大彈基隆茶餐廳盆菜的水準,又嫌少髮菜,同時借機會宣傳生髮水產品,事件引起網民炮轟。雖然雪姨已刪片及發文道歉,但事件連日來不斷發酵,除了雪姨的YouTube頻道由32.4萬訂閱人數,至今已下跌至31.5萬,基隆茶餐廳掦言追究、連五星級酒店亦與她劃清界線。

雪姨盆菜風波 基隆茶餐廳
雪姨日前發表盆菜食評影片,節目以3間食肆的迷你盆菜比併,分別是兩間大酒店及基隆茶餐廳的出品。(圖片來源:[email protected] E)
雪姨盆菜 基隆茶餐廳
雪姨讚兩間大酒店的盆菜有水準,卻大彈基隆茶餐廳盆菜。(圖片來源:[email protected] E)
雪姨盆菜 基隆茶餐廳
又嫌茶餐廳盆菜少髮菜。(圖片來源:[email protected] E)
盆菜風波︱雪姨向市集檔主退全額租金 IG再三道歉求原諒
原來借機會宣傳生髮水產品。(圖片來源:[email protected] E)

雪姨再三道歉求原諒

雪姨的盆菜風波更直接影響她有份籌辦的「大乾爹」新年市集,更引發退租潮,有網友揚言會杯葛市集。雪姨就事件,昨日(25/1)在IG再三公開道歉:「就近日影片引起之風波,我再次向基隆茶餐廳因本人疏忽而造成之影響,致萬分歉意。以及後影響到大乾爹市集檔主,本人在此亦向各位用最真誠、最謙卑的心道歉。連日來經過不斷的沉思和反省,本人作出以下的決定:
1)明白檔主連日來受到風波影響,所有大乾爹市集檔主將獲退還全額租金。
2)了解到各小店為市集努力和籌備多時,卻因為本人言論問題而造成影響,蒙受損失。為將影響減到最低,檔主有權利選擇是否繼續參與市集,本人在此再向各位檔主致歉。

3)為表歉意,本人會將自己檔內全部收益捐到有需要團體。受助單位,容後公佈。希望可以幫到更多有需要人士。
我深深感受到作為一個創作者,需要為自己的創作內容及大眾負責任。再次向受影響檔主及各單位人士深表歉意。
請大家接受我最真誠的道歉,並給予改過機會。」

雪姨盆菜: 向市集檔主退全額租金 IG再三道歉求原諒
雪姨的盆菜風波更直接影響她有份籌辦的「大乾爹」新年市集。(圖片來源:[email protected]

基隆茶餐廳出面回應:考慮告你誹謗

基隆茶餐廳就「盆菜風波」一事作出回應:「大家好,我係小小編,本人實在睇唔過眼有大口KOL 詆毀本餐廳聲譽,雖然我哋唔係四五星級酒店,但係問心真係無你講到咁難食,藐嘴藐舌仲要帶住不肖樣詆毀我哋嘅一人盤菜,你要做生意唔係咁做既,我為咗我地舖頭上上下下所有員工每日辛勞工作付出而出聲,由其是依家生意難做,我會考慮告你誹謗架,做個KOL 噏得出就噏,真心唔明點解會有牌子搵你做廣告,咁樣嘅所謂廣告完全無質素! 另外,多謝大家支持,見到客人回圖話好食,好抵食,我地真係好感恩㗎!我地雖然只係一間茶餐廳,但係你憑乜睇唔起我哋呢,我老細都係白手興家服務社會,呢個世界係咪真係人善被人欺呢?」

盆菜風波持續 雪姨被爆三大黑材料:

人氣Youtuber情侶爆大鑊:好「富貴」嘅「人」想用錢撻我

人氣Youtuber情侶Sunny及Creamy在IG發文,爆大鑊疑影射雪姨:「其實我另一個咁想攪嘅原因係,聽講有一個好『富貴』嘅『人』好想同我爭個場,想用錢撻我之類,咁我又唔輸得,冇理由俾人遲嚟先上岸,我地做咁多嘢creamy 日日通宵寫嘅嘢咪白費,所以我就好想頂硬上,蝕就蝕賭埋身家。點知係同零碳天地簽約個一刻,幫手聯絡嘅朋友同我講:『零碳個邊話要收番20萬場租!』我收到個消息之後即刻晴天霹靂乜火都熄,經過商量,決定斬欖唔做,心諗你XXXX啦,阿XX你咁想攪我俾你攪喇,生意興隆呀!(不過佢最後都攪唔到零碳,反而去左個死場唔知點解。)」網友紛紛猜測Sunny所指的好「富貴」嘅「人」就係雪姨!

雪姨 人氣YouTuber情侶Sunny和Creamy﹗
人氣YouTuber情侶Sunny和Creamy﹗(圖片來源:IG@arhosunny)

網民質疑雪姨扮單身 非雲英未嫁

由於雪姨影片的片頭常強調自己「雲英未嫁」,而她的年齡一直以來也成謎,所以不少粉絲認為雪姨一直單身從未嫁人。不過日前卻有網友爆料指雪姨曾嫁人後離婚,網上也流傳了疑似她與另一半的親密合照,不過一切皆網友匿名發言,並未被證實,因此也有網友表示不相信!

雪姨
(圖片來源:LIHKG討論區截圖)
雪姨
(圖片來源:LIHKG討論區截圖)
雪姨
(圖片來源:LIHKG討論區截圖)
雪姨曾經貼婚紗照﹗
雪姨曾經貼婚紗照﹗(圖片來源:IG@[email protected]

雪姨「大乾爹」新年市集食水深

有網友以「雪姨食水深到」為題發文指雪姨的「 大乾爹」新年市集租金過份,十多日便穩賺幾十萬租金:「雪姨搞個市集2.0 出嚟口口聲聲話幫小店清重貨,點知租11日收人地(哋)8,000蚊一張1.8*1.4米嘅位出嚟,新聞話成個市集有115間小店,咁預計收取租金大約係92萬以下。 一google search 睇下w square依家每個月幾錢租,大約租金係30幾蚊平方尺。 而個市集幾千呎,粗略估計短租十幾日先兩萬一日,依家搞個市集出嚟有冇生意都好,十幾日已經穩賺水魚小店幾十萬嘅租金」

網民勍留言「唔係點買樓」、「一買一賣啫水魚肯落搭㗎」、「雪姨不嬲都好識做生意,唔係點做變身富婆」等。

雪姨在IG發出特別通告,再三公開道歉﹗
雪姨在IG發出特別通告,再三公開道歉﹗(圖片來源:IG@iamsnowwhitewhite )

常見問題

將來還有什麼演唱會值得留意?

有不少歌手宣布舉辦演唱會,例如:黃妍五月天BLACKPINK澳門站林敏驄周杰倫COLLARTwins鄭秀文鄭欣宜許冠傑(2月14日公開發售);喜歡K-pop的你亦有福了,ITZYNCT DREAM亦在香港開演唱會!小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

情人節有什麼好去處推介?

情人節想攪攪新意思?多個商場都換上浪漫裝飾,讓情侶們甜蜜打卡,更有商場設置「戶外星空影院」,讓情侶們在漫天星宿下一邊欣賞電影,享受溫馨時光!即看:情人節好去處2023;除此之外,相信各位都很苦惱要揀甚麼餐廳,編輯為大家精選15間情人節餐廳,包括fine dining、自助餐、扒房及米芝蓮餐廳,價錢有平有貴,快啲bookmark定同男女朋友過一個浪漫情人節!

撰文:內容轉載自NewMonday圖片來源:ig@iamsnowwhitewhite

讀者留言