廉政狙擊

廉政狙擊|41歲胡定欣展超強蝴蝶肌搶Fo 百變形象睇到網民嘩嘩聲

最新娛聞

廣告

正於無綫翡翠台播映的《廉政狙擊》中,胡定欣除了大晒視后級演技外,其多變形象亦相當吸睛,繼上星期的「青春少女」Look及本周的「曲髮賢慧闊太 ook」後,近日一集做Gym場口,胡定欣更在鏡頭面前大晒勁過唔少男星的超強背肌,睇到網民嘩聲四起!

廉政狙擊 屠敏被卓廷光搶生意。
屠敏被卓廷光搶生意。(圖片來源:TVB提供)
廉政狙擊 卓廷光仲要全程笑笑口寸番屠敏。
卓廷光仲要全程笑笑口寸番屠敏。(圖片來源:TVB提供)

《廉政狙擊》獲網民大讚節奏緊湊

不少網民留言大讚《廉政狙擊》「愈後面愈好睇」,亦有人讚劇情節奏明快緊湊:「睇落唔覺唔覺又一個鐘」。劇中兩大好戲之人:胡定欣飾演的屠敏與黃智賢飾演的奸角卓廷光,本周有不少對峙場面,除了掟酒杯講數戲,還有「隔空對峙」場口。

廉政狙擊 呢場戲入面,胡定欣感覺好壓抑。
呢場戲入面,胡定欣感覺好壓抑。(圖片來源:TVB提供)
廉政狙擊 而黃智賢就畀人好大壓逼感。
而黃智賢就畀人好大壓逼感。(圖片來源:TVB提供)

「多變屠敏」搶鏡又搶戲

事緣屠敏線人忠叔(蕭徽勇飾)身份敗露,遭卓廷光殘忍活埋,其間卓廷光發現忠叔身上掉出的偷聽戲,即向著偷聽器「大力示威」及試探。為免洩露身份,將戰友慘況聽在耳中的屠敏全程強忍憤怒及哀痛,胡定欣亦清晰演繹了相關場口的層次感。

廉政狙擊 屠敏全程強忍憤怒同哀痛。
屠敏全程強忍憤怒同哀痛。(圖片來源:TVB提供)
廉政狙擊 胡定欣的演出獲讚好有層次感。
胡定欣的演出獲讚好有層次感。(圖片來源:TVB提供)

胡定欣10秒Hold眼淚 奇招晒視后功架

之後拜祭忠叔一幕,傷心又不甘的屠敏接受戰友Vani(蔡潔飾)及Grace(陳庭欣飾)等的安慰一幕,亦是盡顯視后功架,除了幾個微表情已清晰顯示出內心強烈的哀痛,在眼眶中打滾了足足10秒仍沒有掉下來的眼淚更是別具感染力。

廉政狙擊 屠敏對於忠叔嘅死好自責,而Vani同Grace就相繼安慰佢。
屠敏對於忠叔嘅死好自責,而Vani同Grace就相繼安慰佢。(圖片來源:TVB提供)
廉政狙擊 鏡頭一轉,屠敏已經係哀傷變成憤恨兼心有不甘。
鏡頭一轉,屠敏已經係哀傷變成憤恨兼心有不甘。(圖片來源:TVB提供)

曲髮賢慧Look散發輕熟女味道

胡定欣的「多變Image」亦相當吸睛,由上星期的「青春少女」Look,到本周的「曲髮賢慧闊太Look」,明顯看得出劇組及胡定欣均花了不少心思,去塑造「輕熟女」味道,胡定欣亦清晰演繹出還未受到打擊前的屠敏,和現時背負著無數重擔的屠敏的分別。

廉政狙擊 胡定欣呢個曲髮Look都好符合屠敏當時嘅身份。
胡定欣呢個曲髮Look都好符合屠敏當時嘅身份。(圖片來源:TVB提供)
廉政狙擊 同依家嘅屠敏有好顯著嘅分別。
同依家嘅屠敏有好顯著嘅分別。(圖片來源:TVB提供)
胡定欣 廉政狙擊
上星期胡定欣就在黑白畫面中,展示了她的「青春少女」Look。(圖片來源:TVB《廉政狙擊》截圖)

胡定欣肌肉紋清晰可見

此外近日一集做Gym場口,胡定欣更在鏡頭前大晒驚人背肌!問到胡定欣該個場口是否劇組專誠加插讓其Show Quali,她笑謂:「場戲我唔知係咪專登加畀我,好在平時都有操開,所以佢哋喺Gym度叫我做拉背時,都即時可以做到而又不失效果,話畀我知平時嘅準備係好緊要。」

廉政狙擊 胡定欣大晒超強背肌。
胡定欣大晒超強背肌。(圖片來源:TVB提供)
廉政狙擊 蝴蝶肌勁過唔少男星。
蝴蝶肌勁過唔少男星。(圖片來源:TVB提供)

望再演「屠敏2.0」

談到有網民要求開拍《屠敏外傳》,胡定欣聞言即雀躍謂:「如果真係有,我相信呢個故事會再入肉啲,或者再有『屠敏2.0』呢類復仇者角色,我都好歡迎同想再挑戰,最緊要觀眾鍾意睇。」

廉政狙擊 胡定欣仲騷埋起𦟌嘅手瓜。
胡定欣仲騷埋起𦟌嘅手瓜。(圖片來源:TVB提供)
廉政狙擊 奇在完全無出汗。
奇在完全無出汗。(圖片來源:TVB提供)

開心Share與蔡潔10年前合照:大家都冇乜點變

對於在劇中與蔡潔形影不離,胡定欣即開心Share二人差不多10年前在墨爾本首度碰頭合照:「大家都冇乜點變吖,哈哈。認識咗咁多年,今次係第一次同佢合作,大家成個過程好開心同投契,都希望將來同佢有機會做更多對手戲。」

廉政狙擊 張相雖然成十年前,但胡定欣同蔡潔真係冇乜點變。
張相雖然成十年前,但胡定欣同蔡潔真係冇乜點變。(圖片來源:TVB提供)

即睇胡定欣騷Quali!

《廉政狙擊》第一集的塌樓劇情如何影響全劇角色發展?

《廉政狙擊》是胡定欣離巢TVB並加入邵氏後的首部作品,劇中飾演要裝義肢的「屠敏」原來係為咗復仇⋯⋯按此看詳情

《廉政狙擊》傅嘉莉為何要求加戲?

傅嘉莉在無綫播出的劇集《廉政狙擊》中,飾演美艷女子尹在詩,周旋於兩大商業巨鱷之間,劇中有一幕被傅天耀及卓廷光連環摸pat的戲份,原來是⋯⋯按此看詳情

撰文:東方新地圖片來源:TVB提供、TVB《廉政狙擊》截圖資料或影片來源:YouTube@TVB (official)