張嘉兒

肚入面有BB!張嘉兒宣佈懷第二胎 女兒覺得BB是屬於她的

最新娛聞

廣告

娛樂圈近日又有好消息!前港姐冠軍張嘉兒今日在個人Instagram上公佈喜訊,指自己懷上第二胎,預產期將於明年5月,三年抱兩!

撰文:Kayla、Sundaykiss|圖片來源:張嘉兒Instagram、Facebook | 編輯:東方新地

現年34歲的張嘉兒於2007年奪得香港小姐冠軍,並於2015年下嫁金融才俊男友,2016年誕下長女Leora。張嘉兒不時會在社交網站上分享跟女兒相處的點滴,又會分享媽媽湊仔的心得和貼士,引起不少新手媽媽的共鳴。

今日張嘉兒在Instagram上正式公佈自己懷有第二胎,並留言指:「踏入11月啦。呢個月份亦都係我嘅生日月份。好想同大家分享一個喜訊就係我再一次懷孕啦。今次陀BB比上一次辛苦同埋攰好多,真係每日淨係想黐住張床,不過係唔可以嘅,因為我仲要照顧我個女。作吐作悶嘅次數亦都多咗,聞到有油煙味都會感到不適。」

 

在 Instagram 查看這則貼文

 
+2(@misskayicheung)分享的貼文 張貼

「話雖如此,我好感恩同埋好開心上天送一份咁大嘅生日禮物俾我。一諗起將來多一個小朋友會帶比我哋一家人嘅歡樂,所有辛苦都變得值得。」

有人話養兒100歲長憂99歲,計我話係長喜99至真。我依家真係好想我嘅energy 快啲返嚟,等我可以計劃我嘅 baby-moon. 你話我去邊好呢意大利,馬爾代夫,定日本?」

嘉兒不時會在網上分享湊女點滴,非常幸福!

 

十級陣痛八小時

上次張嘉兒接受訪問時,是在她懷第一胎時,她表示之後愈來愈行動不便,時常感到疲累,整個產期共重了約20磅。直至2016年九月初,張嘉兒順產誕下 Leora,她憶起當時最怕陣痛那八小時,又嘔又腳震。「反而生嗰陣要用力push出嚟,釋放埋啲痛楚。陣痛先係最痛,嘔咗幾次,痛到捵床捵蓆腳都震晒,我家姐想影我相但我唔畀影,痛到冇心機,依家諗番如果佢有影,睇番都幾得意。」陣痛時嘉兒想過下次不會再順產,但見到 Leora健康成長,幾痛都不怕了!「順產係值得嘅,對BB都好啲,例如BB經過陰道出嚟,令佢有好嘅細菌包住身體,冇咁易病同敏感。」

陣痛的十級痛教張嘉兒難忘之外,坐月期間餵奶的辛酸也令她深刻,完全無覺好瞓。「佢兩個鐘頭食一次,食完就屙好多便便,可能佢食人奶消化得快。每晚嘅循環就係佢起身、換片、氹佢瞓,大約用一個鐘;到我瞓落床隔一陣佢又醒,佢真係逢1、 3、5、7、9點都會準時起身!呢段時間真係幾辛苦,但捱過咗就愈來愈易喇。」

產後記憶「斷片」

直到現在,張嘉兒仍有一件心事未了。BB出生的一刻,她累到記憶「斷片」,失去了BB出世後首次餵奶的珍貴回憶,她很努力去回想,但至今仍然記不起。「一生完我 即刻同醫生講擺BB埋我身餵奶,我記得BB成功啜過我,我仲記得老公剪臍帶、錫咗我一啖,但我已經冇咗BB啜我嘅畫面,唔知係咪我虛脫得滯⋯ 我好想記番起,好遺憾。」幸好老公當時有拍片,令張嘉兒可以看回當時的情景,「片都冇我真係喊呀!男士們要記住細節講番畀老婆聽!」所以各位老公陪產時,一定要拍低每一刻,辛苦生完BB的老婆分分鐘會記憶「斷片」,要靠睇片回憶啊!

坐月期間張嘉兒基本上跟足傳統,連洗頭她亦有意無意地跟從,因為湊B忙到無時間洗頭。「我都冇諗頭髮污唔污糟,根本忙到唔得閒諗,不過我有買洗頭粉令頭髮乾 爽啲,開頭都有用薑水洗。」不過期間因為一些小小壞習慣,引致她視力出問題,要睇眼科 。「我夜晚餵奶冇開燈,費事刺激BB瞓覺狀態,我一隻手抱住佢另一隻手 咪玩電話囉,搞到對眼差晒。」張嘉兒勸其他媽咪餵奶時要忍一忍,尤其不要黑暗中玩手機、玩 iPad,有需要用手機就盡量把熒幕較暗一點。

餵母乳第一個月最艱辛

自懷孕起,張嘉兒就希望做個母乳媽媽,由BB出生一刻已提出即餵,至今堅持了九個月。她覺得人奶路的頭一個月最辛苦,因兩母女仍在磨合階段,媽媽學餵,囡囡學啜。「佢初初淨係啜右邊唔啜左邊,搞到我大細邊;啱啱出世時又有黃疸,半夜叫佢飲奶唔肯飲,特別扭計,我抱住佢喺我個胸度係咁喊,搞到我都喊埋一份。」老公Nathan見到好心痛,貼心為老婆製作湊B Memo,列出不同情況的應對方法,張嘉兒感謝家人支持才能一一捱過。

餵母乳雖困難重重,但張嘉兒從沒有一刻想放棄,「你愈唔畀佢啜,佢愈唔識啜,仲會搞到收奶要補奶粉,我唔想補,我想全母乳。」張嘉兒知道餵母乳好處多,如幫助子宮收縮、營養充足、增加抗體、減低BB過敏機會等,「所以好值得堅持!」

張嘉兒帶着BB及餵奶巾,去到邊餵到邊,不在意別人的眼光,而且愈來愈多人知道餵母乳的好處,甚少遇到白眼,反而自己的長輩有意見。「我試過去飲,屋企嘅長輩驚我尷尬,叫我去新娘房餵,其實我唔覺得尷尬。」

復出拍劇腦袋空白

張嘉兒產後四個月,復出拍攝TVB新劇《抱佣情人》兩個月,暫時不能全埋身餵,要在TVB偷時間泵奶,幸好沒有塞乳腺。雖然張嘉兒想時時刻刻對着BB,但她不想脫節,如果拍攝過程不太吃重,而且多時間留在廠景,家住公司附近的她願意接拍。「咁都搵到個balance,一有break我就泵奶,有一個鐘頭break我就即刻搭的士返去睇BB,因為屋企set咗個cam,一見到佢喊,老公又搞唔掂,我就極度心掛掛要飛的士返去睇佢,5分鐘就返到。」不過張嘉兒產後記性差、說話能力退步,拍攝第一場頻頻NG,腦袋一片空白。「我完全入唔到腦,講唔到對白,慢慢就好咗,所以我同自己講唔可以完全唔做嘢,淨係喺屋企湊女,如果唔係我腦筋會好唔靈活。」但經過今次拍劇之後,嘉兒相信自己只能兼職工作,未能全面復出,因實在太想念BB。

拒餵糊仔 讓BB學拿食物

Leora時常笑瞇瞇,不怕陌生人,反而對人很好奇,眼望望十分可愛,筆者當日也被Leora氹得好歡喜,難怪張嘉兒不捨得離開Leora半步。她笑言Leora是個八卦妹,性格超級好奇,好奇到不願睡覺,而且很進取,想要一件東西要即刻有。而她最肯定Leora是個為食B,常望食物望到眼擎擎,「我食蘋果佢已經擘大口要一齊食!」

早三個月Leora開始食固體,張嘉兒對BB食固體期待已久,她希望實踐嬰兒主導式飲食(Baby Led Weaning),即讓BB自己學習拿起食物,而非攪爛變糊仔,張嘉兒對Leora的進食狀況十分滿意。「佢依家可以自己揸住食四分一個牛油果、大半條蕉。」

與鍾嘉欣同期生B女

一班港姐華姐陸續成為媽媽,由講扮靚工作變成媽媽 group,最常請教三孩之母陳茵媺(Aimee)、曹敏莉,以及育有五歲囡囡的朱凱婷,吸取很多湊B經,並分享購物、餵奶及教育資訊。「我問佢哋應該幾時上playgroup,Aimee話唔好咁快住,會好易病,多啲喺屋企教小朋友先;我又問BB打針會唔會發燒、有咩產品介紹呀?大家好多分享。」

早過張嘉兒約三星期生B女的鍾嘉欣,亦有帶同女兒探望嘉兒母女,「我哋有傾餵奶嘅嘢,幾時要打預防針,大家個BB發展成點。」嘉欣指囡囡是個開心BB,經常笑騎騎,氹得家人好歡喜,但嘉欣也希望繼續工作,張嘉兒說:「佢話工作先有番energy,不過佢家庭始終喺溫哥華,有工作先飛番嚟,我都認同家庭係第一嘅。」張嘉兒帶囡囡返溫哥華見家人,都要問嘉欣帶BB搭長途機的意見。

張嘉兒未打算帶囡囡搬回溫哥華長住,因為與老公的工作核心在香港,加上可以學好中文,沒有必要那麼早離開。不 過兩家人都在溫哥華,反而在當地有更多人幫手湊小朋友,或許將來會帶囡囡返溫哥華讀書。「香港讀書競爭好大,學嘢又貴,所以都有啲驚驚哋。我唔想做怪獸家長,如果經濟條件許可,都可以讀國際學校,因為我哋都喺外國長大,唔想佢嘅成長模式同我哋好唔同。」

外出餵母乳貼士

• 出門口前或在車上先餵,減少要在公眾場所餵奶的情況。
• 選擇有卡位坐的餐廳,靠牆坐最好,起碼有一邊人看不到你。
• 去設有育嬰室的新型商場,出街前先查詢一下。
• 用餵奶巾或大褸包着BB餵奶,內穿nursingbra、大領口或跌膊鬆身衫,方便拉落去。

來源:Mama College 張嘉兒facebook專頁

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
張嘉兒