張建聲

張建聲 搵錢第一 結婚零計劃

最新娛聞

廣告

網劇《反黑》點擊超過17億、更衝出世界被Netflix睇中,上完線全球播放之餘更會投資拍第二、第三季。監製陳國坤、導演宋本中固然飲得杯落,其實最大贏家應該係憑「招積」一角名利雙收的張建聲。34歲仔出道八年捱出頭來,張建聲愛情同事業一樣得意,兩年前撻著同公司的「翻版吳千語」陳嘉莉,陪住登上事業首個高峰之餘,最難得係捱得又等得,明知有排至嫁得出、一樣肯同男朋友踎街邊食個麵!

撰文:東方新地
圖片:新傳媒圖片庫、張建聲IG

張建聲 鬧市拍拖

由男模變三級男星、再由蕭定一旗下閒角變17年度全民公認最佳奸角,張建聲憑網劇《反黑》的「招積」一角成功上位,先被大導莊文強睇中拍住發哥、城城演《無雙》,又躋身製作費億億聲合拍片《真‧三國無雙》演張飛,今年再下一城,開拍電影《作家的謊言》身兼監製同男主角。

身價、人氣十級跳,難得張建聲毫不介意公開感情狀況,無論開工定拜年,去到邊都帶埋拍拖兩年的女友陳嘉莉(Kelly)在身邊,最新搞作係學樂器自彈自唱冧爆女友,小兩口日日在社交網站互留「I Love You」放閃放不停!

40歲前唔諗結婚

事業有成、感情穩定,日前在年宵市場被姜文杰爆就快結婚娶Kelly入門,不過張建聲就回覆本刊記者絕無其事:「我有計劃,要瞓身演戲發展事業,希望40歲喺電影圈闖到一番事業,好老實講,我並冇諗過幾時要結婚,一定唔係呢幾年。」

「我自細屋企窮,係窮到冇飯開嗰隻,對我嚟講愛情同麵包,麵包一定係好重要好重要。香港地社會好現實、冇嘢重要得過賺錢,結婚起碼要等我養得起三家人、我同老婆、我媽媽同佢父母時先至會考慮。(女友願意等?)我哋感情好穩定,佢好好,一直冇提過呢個話題。我相信適當嘅時候就會發生,個天會安排最好嘅嘢畀我哋。」其實女朋友仔都係得25歲,張建聲呢個潛力股,等得過嘅!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!