張振朗出手撬 陳瀅猷亨半年玩完？
廣告
今年2月，本刊影到陳瀅同賭王四房大仔何猷亨，孖住林作麥明詩，兩pair人去中環嘉年華拍拖，當時猷亨又掟公仔又陪玩過山車，對女神呵護備至，更唔理路人目光，公然拖手遊街添！點知唔夠半年，即傳出兩人分手消息，有指陳瀅嫌男友太忙，成日投訴對方冇時間陪自己，猷亨俾女友煩多兩煩，索性分手講bye bye！
其他文章︰
加菲貓圍裙加「面堅尼」 《一屋老友記》夠晒潮
到北歐做阿四 翠如BB要執屎
今年2月時，陳瀅猷亨仿如熱戀中嘅情侶，去嘉年華時全程冧樣對望，當同行嘅林作麥明詩唔存在一樣！貴為賭王仔嘅猷亨，親自出手掟公仔送俾陳瀅，甜到漏！
一向甚為低調嘅猷亨，當眾同陳瀅搭膊拖手，擺明勁冧女神，而陳瀅亦好識做，唔只氹得掂億萬少爺，連出名要求高嘅四太亦氹得妥妥貼貼，有得陪睇麥當娜演唱會，又獲准參與何家早前嘅大馬family trip。四太更公開讚陳瀅乖女，開晒綠燈俾佢做準何家新抱！
以為入門有望，點知開始黐身嘅陳瀅嫌猷亨太忙，冇時間陪自己，而過咗熱戀期嘅猷亨對女友嘅態度亦轉淡，俾人煩兩煩，索性提出分手，乾手淨腳！豪門夢碎，失戀陳瀅近日不斷搵劉佩玥、何雁詩等好姊妹陪伴，日前更出走溫哥華，名義上係探婆婆，實情係療情傷離開傷心地！陳瀅失戀期間，正正同「翻版Chilam」張振朗拍緊新劇《全職沒女》，有傳張振朗見女神重新放盤，即急急腳出擊，陪食早餐又嗌對方做「老婆」，假戲真做博大霧！
全文完
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
