張敬軒拆歌迷禮物驚見…「呢單嘢直情要上警訊！」

張敬軒拆歌迷禮物驚見…

軒仔見到部原裝封好的iPhone時仲好內疚令Fans破費，點知一打開就令自己變成「澳洲樹熊樣」。

拆開竟然係排得靚靚仔仔整整齊齊嘅8粒金莎。所以軒仔之後就話「呢單嘢直情要上警訊我話你知」，令一眾粉絲留言笑爆。

軒仔仲話Fans專登喺盒底加左塊鐵板扮重，非常食腦。睇下軒仔個表情就知佢完美表達左「澳洲樹熊樣」啦！

軒仔IG Caption明顯係受左刺激，不斷地轉Tone。

原文

View this post on Instagram

#呢單嘢直情要上警訊我話你知 話說我喺屋企清理上次簽名會fans送嘅禮物，跟住見到有部原裝sealed嘅大iPhone，心入邊內疚左好耐： （#鄧碧雲媽打腔）我啲歌迷成日都咁破費，搵個錢唔容易，真係有我心😢 #粒眼淚真係爭啲就跌出黎 #跟著心諗 （轉 #李司棋真情阿家腔）#司棋姐親自留言更正 #應該係善姨腔 既然人哋一番好意就唔好拒絕啦，啲電器擺得耐都會壞㗎 #點_知 我一打開，我變咗隻澳洲樹熊 😦 #唔_係啩 #金莎嚟嘅趙李 #下邊佢仲要加塊鐵板扮重 #仲要exac7ly啱size #我當堂轉周星馳tone #吖好嘢好嘢 👏🏻👏🏻😒 #我話你知我班fans真係食腦㗎 #正所謂有仇不報非君子 #你哋班嘢你ting住下次買碟收隻光酥餅喇你哋 🙄 #對上呢句記得用黃韻詩tone 😤 #亞叔你哋都呃真係好冇陰功 #佢仲有俾埋收據㗎佢

A post shared by Hins Cheung 張敬軒 (@hinscheung) on Apr 10, 2019 at 8:02pm PDT