張文慈

【深宮計】童年遭街童欺凌4年 堅強張文慈 靠信仰走出陰霾

最新娛聞

廣告

張文慈(Pinky)在新劇《宮心計2深宮計》飾演宮中四司中的「司膳」汪敏,亞視出身嘅佢,2016年才加入無綫,至今上演過嘅無綫劇只得《老表,畢業啦!》和《宮心計2深宮計》兩套劇集,外表性感又爽朗嘅佢,原來童年曾遭欺凌長達4年,加上家人的不信任, 令她多年來一直自我封閉來保護自己,直到多年後文慈得到信仰支持才走出陰霾……

撰文:東方新地|圖片:新傳媒圖片庫、張文慈IG張文慈微博

張文慈《宮心計2深宮計》演宮中司膳

無綫重頭劇《宮心計2深宮計》中,張文慈飾演宮中四司中的「司膳」汪敏,經歷宮中激烈鬥爭後,仲會升職做「尚宮」!

張文慈飾演負責宮中膳食的「司膳」,將會被指使在李隆基(馬浚偉飾)膳食中下毒!

多年來有唔少前ATV藝人過檔無綫,包括陳展鵬、萬綺雯、陳煒等,張文慈可以算係最後一個,自ATV執笠後,她在2016年過檔TVB,演出《老表,畢業啦!》中一個女教師角色,獲觀眾大讚勁索。

入行多年 人緣甚佳

張文慈喺圈中人緣甚廣,同張栢芝、李麗珍和萬綺雯等都是好友,仲為教友張栢芝囝囝慶生。

陪李麗珍治情傷

當日李麗珍同潘源良再度分手,都係好友張文慈第一個爆料!事緣張文慈於微博貼上跟珍妹合照,留言:「傻豬~忘記他吧!鞋若不合穿,勉強著也是痛!」似叫珍妹忘記過去,之後齊齊到台灣旅行,順道為珍妹治情傷!

當日亞視三大花旦張文慈、萬綺雯同陳煒如今全部過檔無綫,三個雖然都年過四十,但依然係凍齡美魔女。

08年亞姐決賽,張文慈和萬綺雯雙雙上台表演,勁索!

單親家庭成長 童年受欺凌

雖然文慈打扮性感艷麗,但原來在兒時曾經有過不愉快的經歷。她早年接受傳媒訪問時透露,她在單親家庭成長,4歲時父母離異後她和姊姊、兩個弟弟跟着爸爸生活,父親偏愛姊姊,祖母偏心弟弟,她夾在中間,自我價值很低!

及至7、8歲時她很害怕上小學,因為被屋邨入面幾個大佢2、3歲嘅童黨欺凌:「佢哋打到我流血,直至讀完小學先冇再被人打。」可惜家人以為她結交壞朋友聯群結黨,不相信她受欺凌。她又提到17歲時曾遭信任嘅男性朋友落藥以致失身,種種不快經歷令她多年以來一直不信任別人,自我形象價值低落,直言學泰拳也是想為了保護自己!幸而近年有信仰支持後,才能解開心結!

不過,前年內地有報道指Pinky曾被婆婆性侵犯,又指佢同謝賢合作拍《情陷夜中環》期間,四哥教Pinky錫佢個胸,Pinky睇到報道好嬲,特登喺微博出post澄清,指報道完全歪曲事實。

Pinky更發表自白,稱細個時候曾經歷喺屋邨被街童虐打、被同事落藥而失身等不愉快經歷,都係佢人生經歷嘅一部分,但如今已學識勇敢去面對,信主多年嘅佢仲引用聖經金句,話會「忘記背後,努力面前,向著標竿直跑!」她也希望傳媒別要歪曲事實。

 

信主後封胸

46歲張文慈曾經係「晶女郎」、拍過不少性感作品,多年來凍齡有術,為唔少70後中女爭番啖氣!不過近年她信主後封胸,鮮有性感現身!

張文慈前年罕有派福利,在微博放了幾張三點式噴血相,當中有半身同全身shot,仲有張瞓低晒長腿㖭!

雖然40有6,不過張文慈真係keep得唔錯,除了副body冇肥肉冇凸腩,近睇都唔覺有火車軌。張文慈同關禮傑去泰國開工,兩個都好似唔識老,唔知夜晚有冇約埋一齊啪防腐劑呢?

常見問題

世界盃熱播中,電視台劇集方面有咩特別安排?

IFA卡塔爾世界盃足球賽於11月舉行,每天都有隊伍晉級,分組賽中勝出者分別為…即看世界盃2022賽果一覽;想知道每天世界盃賽事賽果及各個小組積分表、出線走勢,按此看世界盃分組賽積分表;如想知道世界盃外圍賽五大洲各出線國家隊伍的戰績及積分榜,按此看世界盃2022外圍賽詳情;各個國家除了競逐冠軍錦標外,每國球員也同時爭取個人榮譽及獎項,按此看世界盃神射手及助攻王排行榜。而電視台劇集方面,TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV熱播中嘅原創劇《繩角》即將進入結局周⋯⋯按此看大結局劇情劇透

聖誕快將來臨,而2022到2023演唱會更是多鑼鑼,有咩搶飛攻略?

一年一度的聖誕節又到啦!今年聖誕各個商場都有各式各樣的聖誕擺設,小編為你整合多個聖誕好去處2022聖誕餐廳推介,與親朋戚友一同品嘗聖誕大餐。而交換禮物更是每年聖誕必備環節,不同價位的實用聖誕禮物推薦,定有一款啱你心意!而隨著疫情過去,有不少歌手宣布舉辦演唱會,例如:MC張天賦演唱會(12月20日公開發售)Westlife演唱會(12月1日公開發售)、許廷鏗演唱會(12月2日公開發售),更有Twins演唱會鄭秀文演唱會Clockenflap;喜歡K-pop的你亦有福了,因不少韓國天團更宣布有巡迴演唱會香港站,即睇:AOMG香港演唱會,5大人氣歌手大唱Hip Hop騷(12月5日公開發售)、MAMAMOO演唱會!小編為你整合了優先購票日期、公開售票日期、門票價錢、座位表等,想搶飛粉絲必定要留意!

讀者留言