張新悅

張新悅第四胎出世 B女英文名與IQ博士有關!

最新娛聞

廣告

今日,42歲張新悅於個人社交網宣布第四個囡囡已經出世啦!她除了上載愛囡的BB相及短片外,亦同時透露囡囡已改了英文名,並與卡通片IQ博士有關!

撰文:東方新地|圖片:Instagram-張新悅

張新悅第四胎出世

今日,42歲張新悅於個人社交網上載多張相宣布已於7月7日誕下囡囡,仲已經幫B女改咗個英文名,叫Lola。據知,Lola重2.65公斤(約5.83磅),並於山頂醫院出世,見到剛出世的Lola皮膚依然紅紅的,口仔張開,非常趣緻!

張新悅B女英文名與IQ博士有關

由於張新悅望住B女時,心裏會唱起IQ博士「小雲同小吉好重要」,所以改她為「小雲」Lola。除咗囡囡嘅獨照,媽咪張新悅就緊係要同B女合照一張,見到化起妝的張新悅精神十分飽滿!

除此,老竇當然都要一齊合影番張,見到張新悅手抱初生的Lola,而老公楊哲安雙手亦環抱愛妻,畫面非常溫馨!據知,今次張新悅據醫生建議,開刀生下囡囡,但最有趣的是老公因為掛住同佢傾計,而唔記得咗剪臍帶!

張新悅兩公婆仲同啱啱出世嘅Lola影咗一段短片,記錄低囡囡可愛一面留為紀念,而張新悅更有留言指原本B女可以提早同大家見面,但因為嫌自己唔夠靚,要化個妝先同大家見面,所以今日先上載相及短片同大家分享喜悅。

片中見到張新悅與老公於醫院中抱住B女難掩興奮之情,生到第4胎都咁開心,呢家人認真幸福滿瀉!

張新悅風騷出海哂巨肚

張新悅最近就出海吹海風,佗住BB嘅佢心情大靚之餘,仲喺個人社交網大晒靚相,着上泳衣嘅佢先近鏡自拍騷線頭,望落佢依然四肢纖瘦。卸貨在即,張新悅更表示今次應該係最尾一次出海。

其後,再分享一張全身照,大騷巨肚嘅張新悅實行為封肚前,留低倩影,仲留言:「相信我一世再也不會有那麼大的肚,記念一次吧! 」如果唔係呢張全身照,真係睇唔出原來佢就嚟生得!

張新悅宣布第四胎性別

育有三個囡囡的楊張新悅早前宣佈懷第四胎,出席活動時宣布今胎陀B女。Nicola話︰「今次陀B期間冇乜體毛,加上相士話過我老公前世有好多女朋友今世要還,所以我一早估到BB性別。直至上個月驗血,終於知道結果,屋企會有四個女四條Queen!」

封肚拒追仔

問到會否再追第五個,Nicola笑話:「唔好喇!唔好喇!千祈唔好祝我連生貴子,我真係頂唔順,喺香港生三個我覺得勉強係應付到!」Nicola亦指自己能夠有4個小朋友,係天賜嘅禮物,畀機會佢再去培育一個小朋友同做母親的責任。

楊張新悅溫馨五口

42歲的楊張新悅十年前淡出娛樂圈,在07年與教育局前政治助理楊哲安結婚後息影,並於10年間誕下三個囡囡Lucy、Lily和Leah,分別已經9歲、7歲和3歲。

舊曲新詞新MV公布喜訊

早前,楊張新悅突然在社交網站上傳一段自編自導自演的影片,公布懷有第四胎的消息。Nicola以電台訪問作為影片開首,自稱楊師奶嘅佢就話近來拒絕咗好多活動邀請,尤其是夜晚嘅派對,令好多人誤會佢「好唔畀面」。

老公 囡囡訓身支持

然後,以自己的歌曲<一不小心>,加上改編歌詞,道出大肚婆的辛酸及無奈。影片中,唔止三個囡囡有份,連老公楊哲安都有上鏡。

被老公欺騙「好唔安全」

楊張新悅曾經講過「三個就夠晒數」,本身亦冇打算再追B。今次意外懷孕,原來係老公搞破壞!Nicola指自己對藥物敏感,所以安全措施一直都係交畀老公負責,今次有咗第四個B,明顯係老公「唔夠安全」喇。

一家五口 扭腰跳舞

雖然得知懷孕消息時,Nicola覺得唔開心,亦一度嬲過老公呃佢,不過Nicola依家已經開心接受第四個BB的來臨。所以一足3個月,Nicola就召集全家總動員一齊拍MV宣布喜訊,連老公都一齊扭腰跳舞,搞笑得嚟亦好有誠意!再一次恭喜Nicola!

有片睇:

https://www.youtube.com/watch?v=Vda6ej5ZU4s

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
張新悅