張晉

張晉44歲生日飯局 朱茵素顏被網友激讚

最新娛聞

廣告

動作影星張晉前日就係佢44歲嘅生日,一班好友陳法蓉、朱茵、洪欣及張丹峰等人,齊齊出席佢嘅生日飯局,約埋一齊打邊爐,而素顏出席嘅朱茵更被網友大讚唔化妝都仍然咁明艷照人!

撰文:東方新地|圖片:微博、新傳媒圖片庫

張晉44歲生日

日前,是動作影星張晉44歲生日,過生日除咗有老婆蔡少芬陪伴之外,仲有一班好友一齊出席生日飯局。當日壽星仔上載咗一張大合照,有眼利嘅網民更見到有份出席飯局嘅朱茵素顏出鏡,仲大讚佢就算唔化妝都仲係咁靚。認真一望,而家46歲嘅朱茵又真係keep得好好!

老婆蔡少芬肉緊錫錫

而老婆蔡少芬趁住昨日520嘅日子,亦喺個人社交網上載兩張相,並留言:「昨天是你的生日,親愛的@张晋max能陪著你過生日,真的太棒了!感恩。。。!愛要大喊出來!520。。。。。。。。 ​​​​」認真甜蜜~

蔡少芬 張晉 結婚十周年

08年,Ada同張晉結束愛情長跑,更生下兩位女兒張楚兒﹑張信兒,1月12日係佢哋結婚十周年,佢哋為咗紀念呢個大日子,佢哋著番當年嘅婚紗同禮服同兩個囡囡影全家福,二人更留言道:「十年前的今天,我娶了你,這十年裡有風、有雨、有彩虹,還有俩搗亂的。十年前的婚纱和禮服,今天還能穿,讓我們保持身材,繼續風雨同路,看看下一個十年還能不能穿。」

十年後,著番十年前嘅婚紗同禮服,Ada更加好似食咗防腐劑咁,冇乜走樣,真係注顏有術!Ada更公開答謝老公嘅愛:「感謝天父,時間過得太急速了!十年有喜有憂有趣有怒一切一切都是滿滿的愛!如沒有主的恩典,這個家不可能如此繽紛!往後每一日,我們也會繼續堅愛,也謝謝極品張晉max,愛你啊!」so sweet!

睇番十年前,Ada嫁俾張晉,當時男方仲係寂寂無名嘅內地武打明星。而當年任婚禮姊妹團,有洪欣、朱茵、陳法蓉!婚禮好簡單,冇豪華嘅排場,但幸福滿載!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!