張瞻

張瞻IG表演魔術 張繼聰大讚:Amazing

最新娛聞

廣告

謝安琪、張繼聰嘅大仔張瞻(James)都10歲,佢同時下青少年一樣鍾意上網同打機,最近仲開咗Instagram,張瞻最初只係同同學仔互動一下,直至一po咗張同阿媽謝安琪嘅合照,follow佢IG嘅粉絲嘅人數由雙位數激增變四位數,就連謝安琪、張繼聰都follow埋佢,張瞻IG拍短片表演魔術畀大家睇,吸引到爸爸大讚呀!

撰文:東方新地|圖片:新傳媒圖片、jamez_franciz@IG
圖片:jamez_franciz@IG

張瞻IG表演魔術 張繼聰大讚:Amazing

張瞻日前上載了一條影片,拎住條鞋帶同鐵圈表演魔術,原來佢要將個鐵圈凌空套入鞋帶然後又攞返出嚟,見佢表演期間雖然唔小心跌咗個鐵圈落地,但真正演出時就冇失手一take過,臨尾仲講咗句:「Magic!」大成功呀!睇嚟佢同做童星出身嘅張繼聰一樣,充滿表演慾。

張瞻開IG晒床照 出賣謝安琪素顏照

張瞻最愛分享生活之日常,之前佢就晒同媽咪嘅合照,阿Kay身穿睡衣,更加係全素顏,仲要有啲包包臉、眼腫腫,無意間出賣咗阿媽冇化妝個樣,不過阿Kay冇要求阿仔刪相,但就留言話自己嗰時坐緊月,想話畀大家知當時未係最弗狀態。
 

張瞻晒床照

呢個年代做父母唔易,想更加了解子女就係「融入」佢哋嘅生活!謝安琪同張繼聰工作再忙都Follow囝囝IG,好似日前張瞻瞓唔著但就玩IG同大家分享,老竇張繼聰立即留言話「小心﹗你爸爸嚟緊」,而阿媽謝安琪亦留言話「可能玩得太多電腦遊戲,我考慮減少你嘅打機時間睇吓幫唔幫到你,你覺得點?」相信張瞻見到父母留言會秒睡﹗

張瞻玩IG玩得不亦樂乎,無時無刻都同佢嘅fans開心些牙,而細妹張靖喺佢IG曝光率最高嘅人!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!