張致恒

張致恒3年抱3反口拒結紮 有意5年後再追多個女 老婆雯雯21字回應

最新娛聞

廣告

張致恒(Steven)同太太雯雯3年抱3,曾被網民質疑「已經咁窮,點解仲要再生?」、「點解唔結紮?」等問題,對此早前張致恒受訪時,曾表示正在考慮做結紮手術,不過近日他在社交網開Live,就改口表示有意在5年後再追多個女!日前雯雯趁生日同網民大玩「你問我答」時,亦被追問到這個問題,她就以21字作出回應。

老婆要離婚,張致恒晒一家四口郊遊照力證已雨過天晴。
張致恒和老婆雯雯在2019年結婚,之後3年抱3,細仔在一個多月前出世。(圖片來源:IG@stevencheung)

張致恒 預告等5年再生:要畀老婆休息吓

現年37歲的張致恒日前一邊在家中湊住3個囝囝一邊開Live回答網民問題,被有網民問到會否追多個女?他初時表示:「唔追喇!生3個都係仔,仲追?驚我老婆個肚跌咗落嚟!」但之後又改口話:「或者5年後,如果情況許可就追多個女,都係嗰句,同我老婆都驚再追多個仔出嚟就大鑊!成屋都係男人,陽氣過盛。」至於點解要等5年後?他回答:「都要畀老婆休息吓,係咪呀?呢3年佢都好辛苦,生咗3個。」

張致恒 張致恒的細仔天朗剛出世了1個多月,日前張致恒一邊湊住3個囝囝一邊開Live,佢話雯雯今次拒絕出鏡,係因為冇化妝、set頭同用美顏濾鏡。
張致恒的細仔天朗剛出世了1個多月,日前張致恒一邊湊住3個囝囝一邊開Live,佢話雯雯今次拒絕出鏡,係因為冇化妝、set頭同用美顏濾鏡。(圖片來源:IG@stevencheung)
張致恒 張致恒大呻湊小朋友好攰好辛苦,有時小朋友唔聽話更會令佢怒火上湧,甚至試過幾次想動手,但最後都係放棄咗冇打到。
張致恒大呻湊小朋友好攰好辛苦,有時小朋友唔聽話更會令佢怒火上湧,甚至試過幾次想動手,但最後都係放棄咗冇打到。(圖片來源:IG@stevencheung)

爆Seed反擊網民:邊個話有錢先可以養咁多個?

張致恒直言雖然湊3個小朋友好攰,但認為這是一種緣分:「好多人點博都博唔到個小朋友出嚟,我就唔知點解走咗3件出嚟。」之後網民又追問他是否有錢養咁多個?張致恒即反寸網民:「一定要有錢先養到咁多個?邊個話有錢先可以養咁多個?」有網民更質疑他1個都未教好仲生3個?他反問:「咁都唔關你事㗎,係咪先?生3個係我嘅問題。不如擔心我嗰啲人顧吓自己先,連自己都未顧掂,做咩理我啲嘢?我又唔係要你幫我湊,係咪先?」

張致恒 張致恒在Live中預告自己將會跟珠寶公司合作,到時會向網民送出禮物。
張致恒在Live中預告自己將會跟珠寶公司合作,到時會向網民送出禮物。(圖片來源:IG@stevencheung)
張致恒 3歲大仔天寶今年因為疫情關係未有返學,在張致恒開Live期間他勁活躍,不時爬上老竇身。
3歲大仔天寶今年因為疫情關係未有返學,在張致恒開Live期間他勁活躍,不時爬上老竇身。(圖片來源:IG@stevencheung)

老婆雯雯指「咁多胎都係意外」

張致恒太太雯雯就趁著她的31歲生日前夕,在社交網同網民大玩「你問我答」,也有網民詢問她會否想追多個女?雯雯回答︰「雖然一直好想有個女,但冇得強求,而家已經好滿足。」而講到之前生3胎其實都係意外時,有網民再追問「意外」的意思,她就解釋:「其實大家會唔會太執著同埋太敏感有冇避孕呢?我話意外嘅意思係冇特別諗過同做啲乜嘢令到有小朋友,我意外嘅意思係自然就有咗。」

張致恒 雯雯切蛋糕一刻也有開Live和網民一同慶祝,在Live中可以見到即使到了凌晨12點,大仔天寶仍充滿「電力」動個不停。
雯雯切蛋糕一刻也有開Live和網民一同慶祝,在Live中可以見到即使到了凌晨12點,大仔天寶仍充滿「電力」動個不停。(圖片來源:IG@ugly_mama)
張致恒 有不少網民都向雯雯送上生日祝福。
有不少網民都向雯雯送上生日祝福。(圖片來源:IG@ugly_mama)

生日願望想帶囝囝去主題公園

之前雯雯在社交網晒出帶兩個囝囝去公園玩的影片,當時有網民提議他們去海洋公園玩,雯雯就話:「我都好想可以帶佢哋去,不過去就會畀人鬧。」在今次「你問我答」中,她也提到自己的生日願望係:「好想可以喺冇人責罵情況下,帶佢哋(小朋友)去迪士尼同海洋公園,呢樣係我覺得最對唔住佢哋,咩童年都畀唔到。」面對網民的追問,雯雯就解釋:「當你生活上需要別幫助,好自然別人就會對你有管制。」似乎意有所指。

張致恒 雯雯一邊開Live一邊湊住細仔,十分忙碌。
雯雯一邊開Live一邊湊住細仔,十分忙碌。(圖片來源:IG@ugly_mama)
張致恒 Live最後兩歲大的二仔天牧也有出現。
Live最後兩歲大的二仔天牧也有出現。(圖片來源:IG@ugly_mama)

雯雯和網民的部分「你問我答」:

重溫張致恒認生3胎壓力大擬結紮兼轉做幕後

對於網友「已經咁窮,點解仲要再生?」、「點解唔結紮?」等質問,雯雯曾回應:「窮唔代表冇資格生仔,上天送嘅禮物,一定有佢嘅原因,窮有窮養,最緊要小朋友開心!」獲網友大讚她EQ好高!早前張致恒罕有接受傳媒訪問,就直言正在考慮做結紮手術,原因係今次生第3胎是在意料之外,而且過程好驚險,太太雯雯在生產前突然流好多血,要Call白車入院輸血,BB更因為可能腸發炎而要留院數個星期,幸好最後平安無事。

張致恒 現年37歲的張致恒2019年同粉絲雯雯奉子成婚,之後三年抱三,極速成為三子之父。
現年37歲的張致恒2019年同粉絲雯雯奉子成婚,之後三年抱三,極速成為三子之父。(圖片來源:IG@stevencheung)
張致恒 張致恆第3胎囝囝提早了一個月,在本月初已出世。
張致恆第3胎囝囝提早了一個月,在上月初已出世。(圖片來源:IG@stevencheung)

獲投資者賞識 與內地製作人合寫劇本

張致恒續指要養3個仔壓力好大,因為3個仔都要飲奶粉,2、3日就要開一罐,而且小朋友用品特別貴,他每次見到囝囝合用的都會買咗先,仲要最好同唔係二手嘢,不過玩具同衫就可以幾兄弟輪住玩、輪住著。自知幕前形象難洗底,為養家張致恒計劃轉做幕後,他透露早前已和內地製作人合作寫劇本,並已得到投資者支持。

張致恒 2022年1月27日,雯雯突然在IG限時動態上公布「離婚」消息。
2022年1月27日,雯雯曾在IG限時動態上公布「離婚」消息。(圖片來源:ig@ugly__mama)

回應太太公開表示離婚

太太雯雯亦表示想外出打工幫補家計,但又擔心家傭一人難以照顧3名幼子及3隻愛犬,故正陷於兩難局面。講到早前雯雯突然單方面公開表示「正式離婚了」,張致恒就解釋當時太太只是因為3年來不停懷孕而影響情緒。

張致恒 最近同囝囝一齊歡渡父親節的張致恒,話希望能夠盡力搵錢,及早一筆過還清所有債務,令人生重回正軌。
最近同囝囝一齊歡渡父親節的張致恒,話希望能夠盡力搵錢,及早一筆過還清所有債務,令人生重回正軌。(圖片來源:IG@ugly_mama)

對囝囝被其「渣男」標籤拖累感愧疚

張致恒表示現在忙湊仔同時忙搵食,加上失眠困擾,每日只能睡4至5小時,但見到囝囝安穩長大,令他覺得再辛苦都值得。講到對囝囝最大愧疚,他表示自己都捱過窮,因此曾承諾畀囝囝做「富二代」,但可惜囝囝反而被他的「渣男」標籤拖累,早前大仔申請入讀幼稚園時,就疑因此被拒。他直言曾試過出街被人指住鬧「渣男」,始終自己係公眾人物,但令到老婆唔開心,唔關事嘅仔又硬食,就令他倍感愧疚。

張致恒 大仔張天寶已經3歲大,張致恒話依家只希望可以照顧囝囝到佢哋18歲,18歲後佢哋就可以自食其力。
大仔張天寶已經3歲大,張致恒話依家只希望可以照顧囝囝到佢哋18歲,18歲後佢哋就可以自食其力。(圖片來源:IG@stevencheung)
張致恒 新年Po一家合照,原來「一家五口,唔計隻狗」
新年期間張致恒曾Po出一家合照,原來「一家五口,唔計隻狗」(圖片來源:IG@ugly__mama)
張致恒2019年在兒子張天寶出世三個月後,宣布迎娶粉絲雯雯,但卻因此被爆出「一腳踏五船」醜聞,令其形象插水,翌年二人再誕下細仔張天牧。
張致恒2019年在兒子張天寶出世三個月後,宣布迎娶粉絲雯雯,但卻因此被爆出「一腳踏五船」醜聞,令其形象插水,翌年二人再誕下二仔張天牧,今年再誕下第三仔。(圖片來源:IG@stevencheung)
張致恒 雯雯為老公張致恒辯護,話佢唔係殺人犯,只係犯咗10個有9個男人會犯嘅錯!
雯雯為老公張致恒辯護,話佢唔係殺人犯,只係犯咗10個有9個男人會犯嘅錯!(圖片來源:IG@ugly_mama)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@stevencheung、IG@ugly_mama