張頴康

麥雅緻探討生命話題 張頴康4歲大女 喊住求媽媽…

最新娛聞

廣告

月有陰晴圓缺,人有悲歡離合。生命話題永遠是最使人黯然淚下的親子題目。日前,藝人張頴康的太太麥雅緻便跟女女小豆談到「變老」和「死亡」的話題,對話相當令人動容。

編輯:東方新地|原文:Sunday kiss|圖片:張頴康 麥雅緻 Facebook專頁麥雅緻IG

母女泛淚探討生命話題 張頴康囡囡哭訴:「媽媽不要變老」

張頴康和麥雅緻二人一直恩愛甜蜜,更經常大方在社交網分享親子出遊的照片、日常趣事等等。

小豆:「媽媽你會唔會老?會唔會死㗎?」

日前,麥雅緻就在社交網分享了與囡囡小豆一段日常對話。她指小豆一日突然問起什麼東西會變老,什麼不會。

之後小豆突然追問「媽媽你會唔會老?會唔會死㗎?」,麥雅緻只好答小豆「媽媽都會老,媽媽都會死⋯」

小豆爆喊 「媽媽我唔想你老、唔想你死⋯」

麥雅緻答完豆豆後,兩人都突然靜止咗。之後Angie回頭發現豆豆竟然已經淚流滿面,原來豆豆係擔心媽媽以後會變老,會死去。小豆抽泣著說「媽媽我唔想你老唔想你死…」麥雅緻只好氹女女話自己會努力做運動,盡量長命啲。而豆豆都好生性咁話為咗令媽咪唔好老得咁快會做個乖孩子。

今日同小豆傾計,傾到一個生命嘅話題,原本佢問我乜嘢會變老,乜嘢唔會,佢講咗一連串動物之後,我解釋俾佢聽,基本上有生命嘅嘢,都係會變老㗎⋯
(因為車上掛咗twin stars 公仔) 佢就問twin stars會唔會老?唔會,因為twin stars 係公仔黎架!Jack Jack 呢? 唔會,因為 Jack Jack 係卡通公仔。
然後佢突然之間問我: 媽媽你會唔會老? 會唔會死㗎?
我話會㗎⋯媽媽都會老,媽媽都會死 ⋯
咁佢就話死咗係咪會飛上去個moon 嗰度? ( 因為之前我嫲嫲離開就話俾佢知太嫲去咗月亮度(佢間中抬頭望到月亮,都會覺得太嫲睇緊佢 ⋯ )
之後大家靜咗⋯ 我回頭望佢嘅時候,我已經見佢流緊眼淚⋯ 佢細細聲講:媽媽我唔想你老唔想你死⋯😭😭😭😭
豆豆,媽媽好努力做運動,希望健康d,照顧到你同細佬大個先⋯ 你激少d媽媽,媽媽就唔會老得咁快㗎喇⋯
佢好認真咁問,點解我激你會老嘅?
我話: 因為激氣對身體唔好唔健康㗎⋯
佢即刻話:好啦咁我做個乖孩子唔激你喇媽媽⋯
我喺車內都眼框泛淚 ⋯

網民大讚豆豆「好乖女、孝順」

不少人在其Facebook專頁看到有關貼文後,都紛紛留言讚豆豆又乖女又懂事孝順。另外是豆豆真的很感性,令大家看完都不忍「眼濕濕」

媽媽們留言分享相關經驗

而專頁內都有不少媽媽關注。貼文一出,不少媽媽都留言直言「我個女都啱啱問我同一個問題」、「我囝都驚我會老會死, 佢想我有100歲!」,亦有人指思考這些問題為親子都上了寶貴的一課。

 

麥雅緻 笑囡囡肥公主

成日話十隻手指有長短,舊年10月,麥雅緻為老公張頴康追到個仔,湊成好字,自然孻仔孻心肝,不過呢個說法套用唔到喺張家度喇,細仔出世絕對無動搖大女小豆(張雅喬) 喺父母心目中嘅地位,之前小豆4歲生日,爹哋媽咪就為佢搞咗個以公主為主題嘅生日派對,壽星女當然好開心啦!喺囡囡嘅生日派對上,麥雅緻同張頴康請晒啲親朋好友嚟參加,又將主角小豆打扮成公主一樣,周圍布置咗吹氣嘅城堡,連蛋糕都準備咗兩個。

小豆 灰姑娘趕住開生日會呀 ! #小豆小花生成長記
麥雅緻 Angie(@angie617)分享的貼文 於 張貼

出場嘅時候有一個小插曲,主角小豆戴上皇冠同公主裙出場嗰陣,開心到不時轉圈,點知就被媽咪取笑,話肥美公主出場喇,其實小豆面圓圓、又有肉地咁,應該係最得意公主至啱!

肥美公主出場 #小豆小花生成長記
麥雅緻 Angie(@angie617)分享的貼文 於 張貼

有公主點會冇王子,呢個重任交畀細佬小花生(張迅橋),一個公主一個王子,父母對姊弟無分彼此都係咁錫。

我們這一家 #小豆小花生成長記
麥雅緻 Angie(@angie617)分享的貼文 於 張貼

麥雅緻張頴康抱住壽星女影張相先,小豆笑得幾甜!

小豆4歲生日會!
麥雅緻 Angie(@angie617)分享的貼文 於 張貼

生日會現場有大量吹氣波波,戴住公主皇冠、頸鏈同公主長裙嘅小豆,乖乖影張指定靚相先,父母為壽星女準備咗兩個蛋糕,都係公主嚟㗎!

為囡囡小豆扮成公主,麥雅緻都精心為囝囝打扮成王子,兩姊弟襯成一對!

睇住兒女成長,父母都感慨小朋友大得太快,眨吓眼小豆就4歲,麥雅緻張頴康每年都會同佢搞生日會,錫到燶!

一歲,二歲,三歲,四歲! 不知不覺小豆就4歲了! #小豆小花生成長記
麥雅緻 Angie(@angie617)分享的貼文 於 張貼

小豆真係好鍾意公主,之前扮Belle,Beast個角色就畀細佬效勞喇!

麥雅緻 Angie(@angie617)分享的貼文 張貼

開生日會預祝生日後,到正日喺屋企再切蛋糕,簡簡單單但快樂滿足!

豆豆正日生日都有蛋糕食! #小豆小花生成長記
麥雅緻 Angie(@angie617)分享的貼文 於 張貼


將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!