張頴康 五大愛妻宣言

張頴康 五大愛妻宣言

最新娛聞

廣告

三寶張頴康憑劇集《一屋老友記》彈起,日前接受《新地》fb訪問,瞬即有過千人關注!張頴康除回應fans提問,期間又大讚太太麥雅緻係絕世好老婆,更發表五大愛妻宣言,幸福滿瀉!

延伸閱讀︰

那些年必追的經典卡通片

好驚嚇!《一屋老友記》寶家齊講鬼

愛妻宣言一:好正呀

對於如何跟太太麥雅緻認識,張頴康又不禁大讚太太天仙咁靚:「十年前訓練班識,好似喺台慶或歡樂滿東華跳舞表演中,有日於排舞室外走廊同佢迎面擦身而過,見一個女仔冇化妝,嘩好正呀!我即刻問訓練班同學仔佢係邊個,先知佢係做娛樂直播,之後用網上通訊聊天工具add佢做朋友,上網聊天慢慢認識。」

愛妻宣言二:太太係好女人

張頴康跟太太麥雅緻於2012年拉埋天窗,問到為何於事業未成時結婚,佢表示:「因為我想早啲過簡單家庭生活,好早認定麥雅緻係我呢世冇可能再搵到咁好嘅女人,所以我膽粗粗向佢求婚,而佢又膽粗粗唔怕死嫁俾我,所以就變成個家庭。」而麥雅緻於2014年為張頴康誕下女兒雅喬,一家三口經常周圍飛度天倫!

愛妻宣言三:太太叻又靚

提到太太優點,張頴康講唔停口:「老婆叻又靚,娶到佢值頭自豪啦!邊有可能搵到個咁靚咁叻嘅女人,所以點解要結婚,係唔可以放過咁好嘅女人!我老婆又叻又靚女又知慳識儉又幫我管理財務,呢類女人真係好難搵!」

愛妻宣言四:怕老婆係啱

問到係咪怕老婆,張頴康不諱言:「怕老婆會發展得好是對的,其實唔係怕係尊重,咁太太叻啲指引條路你行,跟住行自然發展得好啲快啲,否則亂衝亂撞發展得差啲!若有朝一日我發達,就可以印證呢句說話!」

愛妻宣言五:愛太太一生一世

提到當年結婚時流淚感動場面,張頴康坦言:「當日真係好緊張,眼淚不期然流下來,因為覺得終於搵到個陪你一生一世嘅人,你會好感恩好感動,所以自然有眼淚流出來。」

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!