微辣

微辣經理人阿晶親揭與加蔥分手真相 結婚成分手導火線

最新娛聞

廣告

微辣加蔥(林茂發)同經理人女友阿晶(Jane)年初爆分手,近來傳復合,更世紀合體開直播,正當大家送祝福賀二人,阿晶否認復合並親揭分手真相,一度講到「加蔥錯過我」、「加蔥唔想結婚」、「我唔想拖累佢﹗」,更將分手當晚細節一一披露﹗

文:東方新地|圖:阿晶IG、《同Lou同煲》YouTube影片截圖

阿晶話同加蔥拍拖時,冇一次拗贏佢,每一次嘈交都係加蔥贏﹗(圖片來源:同Lou同煲影片截圖)
阿晶話同加蔥拍拖時,冇一次拗贏佢,每一次嘈交都係加蔥贏﹗(圖片來源:同Lou同煲影片截圖)

微辣阿晶:加蔥錯過咗我

微辣經理人阿晶為Jacky Lou的YouTube頻道「同Lou同煲」任嘉賓,Jacky Lou話同阿晶有共同朋友,所以入行前已認識,大讚阿晶好賢淑,同以前讀書時的MK妹好唔同﹗點知阿晶自cue:「可惜加蔥錯過咗我﹗」笑自己係自cue王,然後唱出《那些年》歌詞「那些年錯過的大雨,那些年錯過的愛情…」

微辣經理人阿晶親揭與加蔥分手真相 結婚成分手導火線
阿晶親爆同加蔥分手原因﹗(圖片來源:同Lou同煲影片截圖)

阿晶認與加蔥分手想離開微辣

Jacky Lou同阿晶玩快問快答,問阿晶有冇離開微辣的念頭,阿晶坦言:「有呀﹗情緒病病得嚴重嗰時,同埋同加蔥啱啱分手嗰時想離開﹗我同加蔥分手嘅原因都係我想離開微辣嘅原因,我嘅情緒已經負荷唔到我嘅工作同我身邊嘅人,我只會將自己嘅情緒壓落身邊嗰個人度﹗」

微辣經理人阿晶親揭與加蔥分手真相 結婚成分手導火線
阿晶話近來又因為屋企出了很多問題,她要去看心理醫生同食情緒藥﹗(圖片來源:同Lou同煲影片截圖)

阿晶爆分手導火線:加蔥唔想結婚

Jacky Lou問阿晶:「即係你唔想拖累加蔥而分手?」阿晶答係並將分手過程首度公開:「有一晚我同加蔥傾到結婚問題,我有啲想逃避自己嘅屋企,因為我屋企有啲問題啦,加蔥就話佢唔想結婚,我feel到佢講出嚟係好唔想傷害我﹗所以我冇嗌交只係話『不如我哋分開啦﹗』我屋企發生好多嘢,我身體又好差啦﹗我唔想再同佢捆綁埋一齊,我覺得我已經拖累咗佢﹗」

微辣經理人阿晶親揭與加蔥分手真相 結婚成分手導火線
阿晶細講分手當晚的細節﹗(圖片來源:同Lou同煲影片截圖)
微辣經理人阿晶親揭與加蔥分手真相 結婚成分手導火線
阿晶想逃避屋企而想嫁,但加蔥卻唔想結婚,成了分手導火線﹗(圖片來源:同Lou同煲影片截圖)

阿晶:想加蔥知我好需要佢

阿晶話其實好矛盾:「一方面我好想推開佢,唔想連累佢,但又好想佢知我需要佢,其實嗰時發生好多嘢,佢都唔知嘅﹗我覺得唔可以係咁,我要自己走番出嚟,但如果同加蔥一齊,我係會依賴佢﹗嗰時我覺得生存都好難,我連對加蔥都面對唔到,淨係喺屋企喊,喊足五日﹗」

微辣經理人阿晶親揭與加蔥分手真相 結婚成分手導火線
阿晶愈講愈激動,突然失控爆喊,Jacky Lou在旁安慰﹗(圖片來源:同Lou同煲影片截圖)

阿晶解釋點解公開分手詳情,係唔想粉絲再鬧加蔥、自己或其他女仔,阿晶喊住話:「點解分咗手仲連累緊加蔥?加蔥同我一齊為咗我,已經好多嘢冇得拍,佢應該可以行得更加遠,加蔥係好適合喺舞台發光熱發熱嘅人,但同我一齊時要顧及我情緒,到分咗手都仲要被人批評﹗我會好嬲我啲粉絲去鬧加蔥唔識珍惜我,我想講真係唔係加蔥嘅錯囉﹗」

微辣經理人阿晶親揭與加蔥分手真相 結婚成分手導火線
阿晶喊到講唔到嘢﹗(圖片來源:同Lou同煲影片截圖)

阿晶擇偶條件只有一人符合

阿晶喊到收唔到聲,Jacky Lou安慰之餘同大家講今後唔好再胡亂猜測阿晶同加蔥分手原因﹗待阿晶情緒平復後,問到阿晶的擇偶條件,阿晶話鍾意眼細嘅男仔,唔係特別鍾意肥仔,阿昌話:「唔可以太瘦、尖臉型,鍾意方方臉嘅男仔」更指「有紋身同有穿耳窿會加分」,擺明係講緊加蔥﹗

微辣經理人阿晶親揭與加蔥分手真相 結婚成分手導火線
阿晶爆喊﹗(圖片來源:同Lou同煲影片截圖)

阿晶加蔥分手後首合體開live

加蔥阿晶傳復合,阿晶更在自己頻道孖住加蔥開直播,網民見到二人合體,紛紛送上祝福,阿晶否認復合,但就預告給大家知加蔥的未來動向,指他即將到香港拍劇,到香港接受隔離前會先去打疫苗,阿晶對加蔥的身體狀況瞭如指掌:「加蔥朝早起身會頭暈。」阿晶再爆加蔥諱疾忌醫,唔肯去做身體檢查﹗

阿晶同加蔥自年初公布分訊後,首次合體開直播,網民留言送祝福﹗(圖片來源:阿晶YouTube頻道截圖)
阿晶同加蔥自年初公布分訊後,首次合體開直播,網民留言送祝福﹗(圖片來源:阿晶YouTube頻道截圖)

加蔥在直播中表現好拘謹,阿晶拍佢膊頭叫佢「放鬆啲」,加蔥仍然帶點尷尬同阿晶話:「我哋平時唔係咁㗎﹗」阿晶再話:「冇復合,係朋友,不過又未係好朋友﹗」又指加蔥平時喺街見到會避開佢,加蔥就話:「唔係咁好嘅,係應該要咁做嘅,咁你同第二啲男仔一齊吖嘛﹗」阿晶即雙手拍打加蔥,睇嚟關係絕非一般朋友關係咁簡單﹗

阿晶表現淡定自然,反而加蔥好拘謹,又表示今次只是為阿晶做技術人員﹗(圖片來源:阿晶YouTube頻道截圖)
阿晶表現淡定自然,反而加蔥好拘謹,又表示今次只是為阿晶做技術人員﹗(圖片來源:阿晶YouTube頻道截圖)

後來嘉賓慧慧到來前,加蔥便先行離去,阿晶就話:「因為我好耐冇做直播,有啲驚,所以叫咗加蔥陪吓我先﹗」又指直播地方正是加蔥的辦公室。阿晶請來慧慧為大家介紹生命靈數,阿晶最關心竟然是加蔥的所屬號碼,並請慧慧為計出加蔥的生命靈數及解說他的外在及內在性格,阿晶對加蔥的關注度不似她口中的普通朋友喎﹗

阿晶雙手拍打加蔥,網民指二人似在打情罵俏﹗(圖片來源:阿晶YouTube頻道截圖)
阿晶雙手拍打加蔥,網民指二人似在打情罵俏﹗(圖片來源:阿晶YouTube頻道截圖)
加蔥 微辣 阿晶
阿晶解釋唔想拖累加蔥是分手真正原因:「如果同我一齊,佢又唔可以同其他女仔好close咁拍嘢,就算我OK,佢都會為咗我而唔去做。」(圖片來源:阿晶IG)
加蔥 微辣 阿晶
阿晶話若然將來情緒病好番「有緣嘅話,咪再一齊番囉,但依家呢個時候,我唔適合同任何人一齊﹗」(圖片來源:阿晶IG)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!