王浩信

忙到無like老婆囡囡相 王浩信 努力搵真銀補鑊

最新娛聞

廣告

事業如日中天的王浩信(Vincent),劇接劇job接job做到無停手,難免因事業而忽略家庭,日前更傳出同老婆YoYo(陳自瑤)婚姻出現問題!雖然YoYo已經交代兩公婆無事,而緊張老婆的 王浩信 接受訪問時再次否認婚變,表示自己工作好忙,難免少見老婆、家人,但二人感情一直OK,多謝大家關心!

王浩信 忙到無like老婆囡囡相

由渠頭、Saving哥到現時《踩過界》正義盲俠,王浩信飾演的角色一直討好,形象入屋之餘又密密有job接,但就令佢連家人都無時間陪,更傳出婚變疑雲!有指YoYo抱怨老公很少回家瞓覺,二人聚少離多,所以感情轉淡。

延續閱讀:

孝順長女文凱玲 :一半人工畀屋企

老竇做教育局高官 何浩文屈住荃灣工廈

 

上星期YoYo在IG發布同囡囡合照,就算照片獲得逾5千 Likes,都未見老公王浩信畀反應,難免令人懷疑二人感情亮紅燈!其實,YoYo留言中「We love u!」的「u」會否就係指老公仔、爸爸,YoYo同囡囡只係想支持努力工作中的王浩信呢?不過,王浩信確實在社交平台甚少發放兩夫妻合照,對上一次已經是一年半前的事,或者今年實在太忙?

We love u!❤️??

A post shared by 陳自瑤yoyo (@chenchiyiu) on

王浩信:二人「關係OK」

王浩信日前出席《群星拱照Big Big Channel》節目,大家自然都關注王氏夫妻的感情狀況,質問佢點解唔like老婆同囡囡的合照。佢接受訪問時開玩笑話:「好大鑊啊!無畀Like都係罪?」,然後澄清自己事後已經補Like,希望家人原諒佢無睇到,佢又話YoYo無因此事而嬲咗佢,二人「關係OK」,多謝大家關心、提醒!

直播送禮物

王浩信曾經話鐘意到YoYo「好似上咗癮咁」,但因為工作關係,佢已經超過一星期無見過家人,而老婆同一時間要北上拍劇,夫妻之間只能一直用Message聯絡。但暖男王浩信深知自己要識做,同傳媒朋友講之後每當YoYo做直播,自己都會比反應,送心心、送朱古力,同一時間努力買真鑽石俾老婆!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!