愛回家之三代同糖｜吳若希姣擒關曜儁玩姐弟戀開播3集玩扮女人被爆舊橋重用

姐弟戀瘋狂放閃吳若希姣擒小鮮肉惹反感

憑《臥底嬌娃》贏盡好評的關曜儁，今次在《三代同糖》升呢做男配角，飾演吳若希的男友「安多勳」。現實中是爆肌住家好男人的Leo，今次挑戰極大反差，飾演一名「軟飯硬吃男」（即鳳凰男），性格大男人卻心安理得接受女友吳若希的金錢資助。劇中這對相差一歲的「姐弟配」瘋狂派膠，吳若希對住這位「童顏小鮮肉」不時發姣放電，兩人瘋狂依依泣泣、眉來眼去，肉麻當有趣。不少網民直言睇到好尷尬，甚至有觀眾表示被他們過份造作的互動毫無CP感！

關曜儁演活「軟飯男」 IG發文興奮期待火花

對於這個破格角色，關曜儁本人卻相當享受，早前更在IG興奮發文親自介紹角色。他笑言自己「終於可以食軟飯啦！已經感覺到呢個組合會好有火花。八月同大家見面啦，好感恩可以拍到處境喜劇，因為將正能量同歡樂帶俾身邊嘅觀眾同埋朋友就係我一直嘅夢想！好感恩現在嘅一切，我會努力的。」

關曜儁著裙扮女人被狂打

今集劇情講到，因母親嘉冰（車婉婉飾）出現，萬里（吳若希飾）刻意隱瞞戀情冷落男友。安多勳以為女友有新歡，為了挽救感情，竟然走去Cosplay女友最愛的動漫人物「星糖魔法使」！結果被車婉婉發現他穿裙子，誤以為他是易服癖變態跟蹤狂，情急之下發爛狂打多勳。其後多勳再Cosplay「玫瑰禮服俠」踩上門，卻要被迫匿埋躲避車婉婉。

眼利網民踢爆舊橋重用翻炒《開心速遞》出水阿美

堂堂爆肌男要著裙扮女人，雖然夠大犧牲，但眼利的網民即刻踢爆劇組「舊橋重用」！事關早在2020年《愛回家之開心速遞》第818集「女戰士之心結」中，龔燁（張景淳飾）為了𠱁熊若水（呂慧儀飾），已經Cosplay過真人版「出水阿美」。如今《三代同糖》才開播第3集就已經玩爛舊橋，難怪被批毫無新意。

AI假景災難級穿崩網民洗版狂踩吳若希演技假

除了劇情被批老土，今集最大的災難絕對是劇中的「Cafe場景」！大批網民發現該場景竟然是用AI生成的假背景，演員猶如Key上去一樣，邊緣極度不自然。網民群起湧入討論區狂轟「話晒都係處境劇，點解個背景搞到咁樣.. 個景超假，同吳若希啲演技一樣咁假！」、「嘩發生咩事呀？窮到要用AI做個背景攝啲演員入去？搞成咁慘不忍睹，仲想搵人睇！應該係離晒大譜！」、「點解一間咁大嘅公司都可以用AI拍劇㗎？AI又冇靈魂，不過算啦吳若希佢拍劇都唔係好得去邊，用AI拍劇證明佢哋都係Hea拍依套，證明唔睇好呢一套，應該就快轉去下一輯嘅愛·回家！」