愛回家 曹永廉

愛回家|曹永廉被鬧「垃圾即係垃圾」 角色有報應網民勁心涼

最新娛聞

廣告

曹永廉再度現身《愛回家之開心速遞》,之前佢透露過總共拍咗四集,第一集於兩星期前播出,他飾演性格衰到無朋友的陳永廉,當時連觀眾都鬧趕客:「不知所謂的一集!」就算他在節目中自抽「Forvever Cheap」(即直譯永廉英文直譯)都冇用。今集(1599集)曹永廉再度現身,劇中踩蕉皮仆倒一幕睇到網民心涼留言「抵死」。

曹永廉再現《愛回家之開心速遞》,繼續演cheap精角色。
曹永廉再現《愛回家之開心速遞》,繼續演cheap精角色。(圖片來源:節目截圖)

曹永廉仆倒受傷 網民心涼:抵死

劇中,陳永廉因為生意失敗而投靠哥哥陳山,輾轉之下認識熊樹根(劉丹飾)到速熊擔任送貨員。手腳不乾淨的他拆開原本給根叔的嫁女利是偷走500元,cheap到冇朋友,然後又游說根叔打本畀自己搞call車app,企圖「過河濕腳」。不過根叔「你精都我唔笨」,只給永廉$2000,然後他又要搵師奶做媒扮落單。搞完一大輪根叔透露根本無搞app意欲,因為生意多到做唔到切令他疲憊不堪,最後還叮囑永廉要知足。永廉見發財夢泡湯盛怒難下打算出氣,點知畀自己亂掉的蕉皮跣低,最後整傷頸。簡單講,永廉今次「偷雞唔到蝕拃米」。

曹永廉 永廉踩中自己亂掉嘅蕉皮仆親。
永廉踩中自己亂掉嘅蕉皮仆親。(圖片來源:節目截圖)
曹永廉 永廉今次偷雞唔到蝕拃米。
永廉今次偷雞唔到蝕拃米。(圖片來源:節目截圖)

大鬧永廉係垃圾、廢人 綠葉演員為網民出氣

曹永廉現身《愛回家之開心速遞》惹來網民反感,更有網民稱要罷睇:「最不知所謂的一集」、「棄劇呀!唔想見到佢」、「北上撈唔掂又返嚟搞齣劇」。劇中陳永廉的哥哥陳山(黃志榮飾)見弟弟受傷後大鬧:「垃圾即係垃圾,你真係Forever Cheap!成個廢人咁!」這一幕彷彿替網民出一口氣。網民見根叔耍到永廉「陀陀擰」紛紛讚好,留言:「轉頭俾根叔玩返你轉頭呀,傻X」、「抵死」。不過都有網民因為曹廉的出現而罷睇,留言:「今日有曹永廉,skip,明天見。」亦有網民覺得今集劇情好笑,覺得永廉要在根叔身上搵著數係自討苦吃。

曹永廉
(圖片來源:網頁截圖)
曹永廉
(圖片來源:網頁截圖)
曹永廉
(圖片來源:網頁截圖)

曹永廉首現身自抽「Forever Cheap」

劇中,首次登場的陳永廉(曹永廉飾)因為生意失敗而投靠哥哥陳山,但陳永廉每次生意失敗時都投靠哥哥陳山,令陳山感煩厭,於是下逐客令,趕走陳永廉。於是陳永廉在列堤頓道街坊面前扮可憐搏同情,列堤頓道街坊紛紛為他抱打不平並以打電話到 「慌張西望」作要脅,要陳山收留陳永廉。

曹永廉
(圖片來源:《愛·回家之開心速遞》截圖)
曹永廉
(圖片來源:《愛·回家之開心速遞》截圖)

但列堤頓道街坊並不知道其實陳永廉好高騖遠,為人奸詐,手腳不乾淨,熊樹根更收留陳永廉到速熊擔任送貨員。陳永廉第一日上班便先順手牽羊吃掉大力和細力的早餐,後又欲偷取熊樹根的錢,最後因為工作繁重而想以身體傷患作理由辭職,但誰不知其他人的身體狀況還要差,並鼓勵陳永廉堅持治療便可以繼續工作,令陳永廉不好意思再辭職。

曹永廉 偷錢咁衰!
偷錢咁衰!(圖片來源:《愛·回家之開心速遞》截圖)
即睇《愛回家》最新劇情劇透

撰文:東方新地圖片來源:節目截圖、網頁截圖

讀者留言