愛回家｜金城安Bonnie復合無望﹗蔥頭介入惹網民罷睇潮 周嘉洛、監製有回應
「安Bon戀」玩完 Bonnie心淡提分手
金城安到吳旺達公幹，與Bonnie展開異地戀，Bonnie為了安仔半夜起身傾視像傾電話努力維繫，可惜金城安不珍惜，更完全不明白女友的真正所需，結果Bonnie心淡提出分手，金城安卻質問對方：「點解你要逼我呀？」到分手一刻都唔知衰啲乜？
蔥頭Bonnie傳緋聞金城安勁緊張
Bonnie提出分手引來不少閒話，在片場遭受別人冷言冷語，蔥頭明白Bonnie心情，主動開解她，Bonnie向他吐出心底話，指不明當她很在意金城安時，對方卻一再令她失望，到她決定分開，金城安才重視呢段情，講時激動落淚，蔥頭暖男上身擁抱安慰，卻被狗仔隊影到並成為雜誌封面﹗
Bonnie被孤立勁慘
Bonnie平復心情返回工作崗位時，卻受到其他人的批評，指她原來移情別戀所以才跟金城安分手，更孤立她﹗而熊尚善（滕麗名飾）及潮偉（袁文傑飾）同Bonnie講蔥頭的粉絲已火速將佢起底並公審，電視台只能二選一換走編劇或換走蔥頭，Bonnie冇得揀，變三失，失去愛情、友情，差點工都保唔住，大好前途受影響﹗
相關報道：丘梓謙「蔥頭」再被網民惡意騷擾 姚焯菲鍾柔美牽涉在內 花姐出面撐鏡粉
金城安赴洋訴苦 家人朋友不勝其煩
金城安聽聞Bonnie跟蔥頭傳出緋聞，大為緊張，不斷越洋搵家人訴苦，家人不勝其煩﹗金城安又不斷向朋友追問詳情，令眾人都怕咗佢。
朱凌凌意外拍到蔥頭同Bonnie行埋﹗
朱凌凌、頭皮希望金城安可脫離情傷重新振作，獲《揸流灘》劇情啟發，打算為Bonnie「物色」一位男友，要讓金城安接受她已開始新戀情的事實……同一時間Bonnie亦希望令金城安死心，所以同朱凌凌合謀，假裝同蔥頭是情侶，借位拍下親暱照片，然後發給金城安﹗
見到Bonnie同蔥頭行得好埋﹗（圖片來源：《愛回家》截圖）
Bonnie、蔥頭借位變真咀
Bonnie本計劃和蔥頭借位扮親吻，而同步朱凌凌以視像電話現場直擊給金城安睇，好令他死心，點知現場突然有老鼠出現，令假錫變真錫，親吻畫面震撼所有人，包括觀眾﹗
不過唔知點解拍呢啲場囗特別多人監場食花生﹗」同樣引來不少網民留言大叫葡萄，連王晶女王子涵都留言問佢「封咗幾多錢利是畀導演同編劇？」
周嘉洛：安仔Bonnie角色都成長緊
周嘉洛中招後首復工，對於近日《愛回家》金城安同Bonnie分手，蔥頭介入戲份一出，引起很大迴響，周嘉洛接受無綫娛樂台訪問時表示都有收看，他指作為金城安，以為Bonnie移情別戀當然好傷心，周嘉洛話：「但作為觀眾去睇，又覺得其實角色都在成長中，生命中係會出現唔如意嘅事，可能有其他嘢發生，塞翁失馬﹗（會唔會復合？）我同觀眾一樣都唔清楚，都好想知之後發展係點﹗」
《愛回家》監製：唔通集集Happy Ending咩？
而《愛回家》監製林建祥回應傳媒訪問，對於網民不滿劇情安排，監製表示好開心得到大家留意，愈有意見即代表大家睇得投入，更指無理由集集都Happy Ending，但對於「安Bon戀」是告一段落還是會復合，監製就大賣關子﹗
即睇：愛回家之開心速遞｜1534-1540集劇情劇透：安仔對Bonnie未死心「大四喜」男團大戰
網民不滿拆散「安Bon戀」揚言罷睇
網民相當不滿「安Bon戀」被拆散，並揚言罷睇，紛紛留在無綫社交平台留言「快啲畀番個安Bon我哋」、「編劇好殘忍，拆散安Bon」、「如果唔復合嬲死編劇」、「唔復合我就罷睇《愛回家》」，亦有網民撐撮合蔥頭同Bonnie，留言指：「Bonnie咁好唔好得番佢一個，同蔥頭都好襯」、「明白TVB想捧蔥頭，但如果咁樣安排佢乘虛而入，角色變討厭，好影響佢形象﹗」
金城安與Bonnie感情發展究竟會如何?
金城安因早前到吳旺達公幹，與Bonnie展開異地戀而被Bonnie提出分手，新一集劇情將會講到Bonnie遇到新對象「蔥頭」….詳情請看
網民對「安Bon戀」有什麼期望?
網民早前對安仔與Bonnie分手表示要「罷睇」等傷心說話，安仔曾表示叫大家不要「罷睇」，令網民有所期待…詳情請看
