愛回家

愛回家|龔水、蓮輝度蜜月變換妻 劇組將香港變日本 網民讚愈膠愈過癮

最新娛聞

廣告

無綫處境喜劇《愛回家之開心速遞》一向是TVB的收視保證,劇情果然唔會令觀眾失望。繼早前一連三集上演「龔水」和「蓮輝」的婚宴之後,日前劇組又再安排「龔水」和「蓮輝」一齊去日本度蜜月。唔止瘋狂劇情要兩對情侶大玩換妻之外,更在香港取景拍成「日本」,膠味極濃不過誠意搭夠!

文:東方新地|《愛回家之開心速遞》截圖、「陽光廣告」截圖、YouTube留言截圖

度蜜月變換妻之旅

襲燁(張景淳 飾)與熊若水(呂慧儀 飾)以及宋瑞輝(許家傑 飾)與龍力蓮(林淑敏 飾)日前結完婚,當然唔少得度蜜月之旅!兩對CP都決定去日本度蜜月,而且出發嘅機票都係同一日添!豈料俏秘書阿May(趙希洛 飾)既然將兩對CP中女方的機票調轉咗,將大小姐送咗去會合龔燁,繼而將若水送咗去畀送水輝!劇情初頭都係講兩對CP如何在日本交換返個老婆嘅過程,豈料天時、地利、人和之下,龔燁晚上竟然與大小姐共浴兼同床,而送水輝同若水更加床上四目交投差啲咀嘴,畫面曖昧!

愛回家 送水輝同若水更加床上四目交投差啲咀嘴。
送水輝同若水更加床上四目交投差啲咀嘴。(圖片來源:《愛回家之開心速遞》截圖)
愛回家 龔燁與大小姐共浴。
龔燁與大小姐共浴。(圖片來源:《愛回家之開心速遞》截圖)
愛回家 大小姐出浴照。
大小姐出浴照。(圖片來源:《愛回家之開心速遞》截圖)
愛回家 最後仲同床添!
最後仲同床添!(圖片來源:《愛回家之開心速遞》截圖)

香港變日本 膠味濃Key up網民讚一絕

當然啦,曖昧其實都只係畫面啫,實際個劇情就係換妻之後勢成水火,最後搞返啱就互數不是兼與正印甜蜜地繼續遊日本!而呢兩集另一個亮點,就係劇組如何將香港拍成日本。在呂慧儀和林淑敏抵達日本,一個關西、一個青森,分別就取景於火炭港鐵站以及九龍塘巴士總站,加埋啲扮日本嘅Key up,膠味極濃!其後又周不時有窗外嘅富士山、明明係一月但突如其來又會有嘅櫻花,雖然一睇就知係假兼有大量穿崩位,但網民就大讚愈膠愈有味道,最抵死係佢哋為咗拍日本便利店,特登走去疑似係「驚安」或「759」取景拍攝,相當認真㗎!

愛回家 火炭港鐵站。
火炭港鐵站。(圖片來源:《愛回家之開心速遞》截圖)
愛回家|龔水、蓮輝度蜜月變換妻 劇組將香港變日本 網民讚愈膠愈過癮
九龍塘巴士總站。(圖片來源:《愛回家之開心速遞》截圖)
愛回家|龔水、蓮輝度蜜月變換妻 劇組將香港變日本 網民讚愈膠愈過癮
暴走族突入。(圖片來源:《愛回家之開心速遞》截圖)
愛回家|龔水、蓮輝度蜜月變換妻 劇組將香港變日本 網民讚愈膠愈過癮
一月嘅櫻花,仲開得好燦爛吓㖭。(圖片來源:《愛回家之開心速遞》截圖)
愛回家|龔水、蓮輝度蜜月變換妻 劇組將香港變日本 網民讚愈膠愈過癮
周圍都係櫻花。(圖片來源:《愛回家之開心速遞》截圖)
愛回家|龔水、蓮輝度蜜月變換妻 劇組將香港變日本 網民讚愈膠愈過癮
富士山。(圖片來源:《愛回家之開心速遞》截圖)
愛回家|龔水、蓮輝度蜜月變換妻 劇組將香港變日本 網民讚愈膠愈過癮
冇認錯應該係赤柱嚟。(圖片來源:《愛回家之開心速遞》截圖)
愛回家|龔水、蓮輝度蜜月變換妻 劇組將香港變日本 網民讚愈膠愈過癮
真係去咗「日本」店。(圖片來源:《愛回家之開心速遞》截圖)
愛回家 送上一架香港校巴。
送上一架香港校巴。(圖片來源:《愛回家之開心速遞》截圖)

重溫過往《愛回家之開心速遞》編劇「走火入魔」紀錄:

《愛回家》終於拍到《魷魚遊戲》呢一集喇!等錢使的龔燁同Peter等獲邀參加一名為「鹹魚遊戲」嘅神秘遊戲,勝出者可以得到高額獎金。
《愛回家》終於拍到《魷魚遊戲》呢一集喇!等錢使的龔燁同Peter等獲邀參加一名為「鹹魚遊戲」嘅神秘遊戲,勝出者可以得到高額獎金。(圖片來源:《愛回家之開心速遞》劇照)
之前《愛回家》曾大玩Marvel再現。
《愛回家》一向有鋪二次創作癮,兩年前曾大玩Marvel再現。(圖片來源:《愛回家之開心速遞》截圖)

《愛回家》重現《魷魚遊戲》經典

早前《愛回家之開心速遞》(1447集),講龔燁、樹仁與Peter各自面對經濟拮据的情況,在「好爸Bar」喝酒訴苦,及後發現有人邀請他們參加「鹹魚遊戲」,可贏取高額獎金。

愛回家 龔燁等人收到「鹹魚遊戲」的卡片。
龔燁等人收到「鹹魚遊戲」的卡片,同原版相似度90%。(圖片來源:《愛回家之開心速遞》截圖)
愛回家 飲醉酒的樹仁表現興奮。
飲醉酒的樹仁表現興奮。(圖片來源:《愛回家之開心速遞》截圖)
愛回家 眾人決定參加遊戲,一上車被迷暈帶去玩遊戲的地方。
眾人決定參加遊戲,一上車被迷暈帶去玩遊戲的地方,同原版《魷魚遊戲》一模一樣。(圖片來源:《愛回家之開心速遞》截圖)

帶著醉意的龔燁等人於是報名參賽,並被帶到一個陌生的環境,遇上Mia、Rebecca等同事,原來眾人都是參賽者。各人簽下同意書,成功完成所有遊戲的參賽者便可平分獎金,遊戲開始,眾人始得知輸家及逃亡者均會面臨可怕的結果……

愛回家 參加者9成9都是接龍集團的員工。
參加者9成9都是接龍集團的員工。(圖片來源:《愛回家之開心速遞》截圖)
愛回家 所有人都為贏獎金搏命,睇吓馬海倫幾咁興奮。
所有人都為贏獎金搏命,睇吓馬海倫幾咁興奮。(圖片來源:《愛回家之開心速遞》截圖)
愛回家 經過第一回合,只有5男5女有得留低。
經過第一回合,只有5男5女有得留低。(圖片來源:《愛回家之開心速遞》截圖)
愛回家 001號係豪仔!
001號係豪仔!(圖片來源:[email protected]_greg)

譚俊彥搣甩456

《愛回家》編劇把《魷魚遊戲》的情節抄得就抄,就連港版李政宰都玩埋一份。另外,在《魷魚遊戲》中戲份都幾重編號12的號「韓美女」(韓國女星金周玲飾),就由馬海倫飾演,早前有指馬海倫的氣場與金周玲好似,能演活「韓美人」的潑辣感覺!

愛回家|編劇又發功 繼Marvel後再抄《魷魚遊戲》譚俊彥神秘現身

愛回家 譚俊彥身份仲非常之神秘。
譚俊彥身份仲非常之神秘。(圖片來源:《愛回家之開心速遞》截圖)

《鹹魚遊戲》下集

(1448集)《鹹魚遊戲》(下集)劇情講述,龔燁、樹仁、Mia、Rebecca等十位剩下來的參賽者,分別組成五人的男子隊與女子組,希望聯合起來能增加勝算。接下來要進行兩人為一組的遊戲,男、女子隊分別多出一員,結果樹仁與群姐被迫成為一組,表現極不合拍;眾人繼續其他遊戲,開展激烈搏鬥……龔燁及後救了樹仁,原來他偷聽到工作人員的秘密對話,心中有所盤算……

愛回家 《魷魚遊戲》中戲份都幾重編號12的號「韓美女」韓國女星金周玲飾)。
《魷魚遊戲》中戲份都幾重編號12的號「韓美女」(韓國女星金周玲飾)。(圖片來源:《魷魚遊戲》劇照)
愛回家 馬海倫被指氣場似足「韓美女」。
馬海倫被指氣場似足「韓美女」。(圖片來源:[email protected]馬海倫)

去片!睇《愛回家》玩「鹹魚遊戲」!

樊亦敏神還原18歲「陽光廣告」與Chantel撞樣

愛回家|劇情大暴走 樊亦敏神還原32年前「陽光廣告」 激光中的劉丹夠晒黐線
今時今日與32年前的樊亦敏。(圖片來源:影片截圖)
愛回家
(圖片來源:YouTube留言截圖)

32年前,當年僅18歲的樊亦敏是一名模特兒,因為拍攝陽光檸檬茶廣告而大受關注,及後她她參選《1991年香港小姐選舉》,雖然三甲不入,但她後來則以「最上鏡小姐」之名加入娛樂圈。在《愛回家之開心速遞》第1440集中,樊亦敏飾演的三太白天娥為教導英進(招浩明飾)和蜀明(繆家慶飾)追求冠君(謝嘉怡飾),決定親自上陣被二人追求驗貨。結果英進和三太「神還原」樊亦敏1989年的陽光檸檬茶廣告經典,截的士、唱片鋪及電話亭都抄到足。而且有觀眾指樊亦敏Chantel上身,扮後生拍得住當年仙氣!

請留意2’51″至5’05″(當中仲包括《喜劇之王》中周星馳、張栢芝的經典情節):

&t=222s

激光中的樹根

愛回家 根叔係威嘅!
根叔係威嘅!(圖片來源:《愛回家之開心速遞》截圖)
愛回家 仲有投影!
仲有投影!(圖片來源:《愛回家之開心速遞》截圖)
愛回家 認真架勢!
認真架勢!(圖片來源:《愛回家之開心速遞》截圖)

而再早一集(1439),劇中龔燁(張景淳飾)與若水(呂慧儀飾)將於12月27日結婚,即將成為新岳丈大人的樹根(劉丹飾)打算將舊西裝翻新,並找來鄰居「食屎陳師奶」(孫慧蓮飾)改造戰衣!結果陳師奶創意暴走,將樹根的戰衣加裝多個激光發射器,膊頭兩盞射燈更投影出「百年好合」及「鸞鳳和鳴」字眼,睇到所有人眼都凸埋!不少網民都大讚呢集創意十足是「年度最佳」,更讚道具組製作用心。

愛回家
(圖片來源:YouTube留言截圖)
愛回家
(圖片來源:YouTube留言截圖)
愛回家 連好耐冇睇過TVB嘅健吾都話被震撼到。
連好耐冇睇過TVB嘅健吾都話被震撼到。(圖片來源:Facebook截圖)

樊亦敏做陽光妹同伊健打情罵俏

71年出世、樊亦敏年幼時父母離異,母親改嫁日籍繼父一直視之為己出,仲送埋佢去日本升學學日文,必要時係可以用日文鬧人㗎!其實飛去日本升學前,樊亦敏已經因為機緣巧合,被睇中拍過吉百利、香橙、快餐店等電視廣告,仲有一代人集體回憶陽光檸檬茶廣告。好多人以為89年版本係樊亦敏第一次做陽光妹,實情87年最經典嘅鄭伊健版本已經有佢份,同伊健打情罵俏、激嬲女主角嗰個靚絕女同學咪就係佢本人囉!

愛回家 49歲樊亦敏笑指自己係純天然,從冇整容,連一針都冇打過,所以唔會膠臉。
50歲樊亦敏笑指自己係純天然,從冇整容,連一針都冇打過,所以唔會膠臉。
愛回家 《愛.回家之開心速遞》「三姨太」呢期搖身一變成為《殺手》社團阿嫂,一呼百應有台型之餘仲係武林高手嚟㗎,面上一道長疤痕,造型相當突出。
《愛.回家之開心速遞》「三姨太」去年搖身一變成為《殺手》社團阿嫂,一呼百應有台型之餘仲係武林高手嚟㗎,面上一道長疤痕,造型相當突出。
愛回家 2012年回流無綫後雖然主打做配角,不過樊亦敏套套演出都入型入格,近年最出色演出絕對係《愛.回家之開心速遞》嘅三太。
2012年回流無綫後雖然主打做配角,不過樊亦敏套套演出都入型入格,近年最出色演出絕對係《愛.回家之開心速遞》嘅三太。
愛回家 14歲時被母親朋友介紹拍咗第一個朱古力電視廣告,八十年代最經典嘅陽光檸檬茶廣告亦有佢份,睇吓佢當時個樣幾清純。
14歲時被母親朋友介紹拍咗第一個朱古力電視廣告,八十年代最經典嘅陽光檸檬茶廣告亦有佢份,睇吓佢當時個樣幾清純。

49歲樊亦敏做陽光妹同伊健打情罵俏 兇狠背後氣質佳兼有義氣

愛回家 樊亦敏喺第一代檸檬茶廣告已出現,當時同鄭伊健打鬧激嬲女主角的一幕。
樊亦敏喺第一代檸檬茶廣告已出現,當時同鄭伊健打鬧激嬲女主角的一幕。

參選港姐獲最上鏡小姐

91年參選港姐、入選五強仲做埋最上鏡小姐,樊亦敏雖然三甲不入,不過因為顏值高、氣質佳一入行即被力捧,第一套劇集《 他來自天堂 》已經被安排擔任第三女主角。96年與無綫約滿北上發展,即成電視劇《 太極宗師 》女主角,仲因此一度同男主角吳京傳出緋聞!無論內地定香港,樊亦敏去到邊都企得住陣腳,點解事業衝刺時期不時幾個月唔見人無以為繼?原來係免疫系統一度失調,又被甩髮、哮喘、水腫困擾不停出入醫院,不過樂觀積極嘅樊亦敏就話,人人際遇唔同,做人唔好自怨自艾,無論去到咩境地,都要保持清醒喎!

愛回家 今日巴渣潑辣形象深入民心,其實20歲時嘅樊亦敏係港姐出身,當年顏值高氣質佳,用今日說話嚟講,即係宅男女神嚟㗎!
今日巴渣潑辣形象深入民心,其實20歲時嘅樊亦敏係港姐出身,當年顏值高氣質佳,用今日說話嚟講,即係宅男女神嚟㗎!
愛回家 91年日本留學回港由媽媽報名參選港姐,樊亦敏首輪已經獲得最上鏡小姐獎項,亦入選五強係頂頭大熱,可惜最後大熱倒灶三甲不入。
91年日本留學回港由媽媽報名參選港姐,樊亦敏首輪已經獲得最上鏡小姐獎項,亦入選五強係頂頭大熱,可惜最後大熱倒灶三甲不入。

49歲樊亦敏做陽光妹同伊健打情罵俏 兇狠背後氣質佳兼有義氣

拔刀相助劉家輝

今年50歲、依然單身,樊亦敏除咗同「 戰狼 」吳京傳過緋聞、捲入過神童輝羅兆輝艷照風波,亦同如今已經出家嘅何寶生拍過拖㖭! 2011年武打巨星劉家輝因為中風入院,隨後與家人出現爭拗,兼被女助手騙財夾帶私逃,多得樊亦敏挺身而出,出錢出力打埋人情牌搵律師幫劉師傅打官司,雖然一度被外間猜疑二人關係密切,但原來佢哋絕對稱不上熟絡,樊亦敏純屬俠義心腸拔刀相助,認真難得!

愛回家 唔止做戲專業、保養得宜,樊亦敏最為人津津樂道就係佢夠仗義又熱心,2011年劉家輝師傅被家人不顧、被助手騙財,就係樊亦敏出手幫助打官司、追欠款同安排安老院照顧。
唔止做戲專業、保養得宜,樊亦敏最為人津津樂道就係佢夠仗義又熱心,2011年劉家輝師傅被家人不顧、被助手騙財,就係樊亦敏出手幫助打官司、追欠款同安排安老院照顧。
愛回家 全盛時期嘅樊亦敏曾經捲入羅兆輝艷照風波,亦同今時今日百億票房巨星吳京有過一段情,而唯一公開嘅男友何寶生分手後醉心佛法其後更出家為僧。
全盛時期嘅樊亦敏曾經捲入羅兆輝艷照風波,亦同今時今日百億票房巨星吳京有過一段情,而唯一公開嘅男友何寶生分手後醉心佛法其後更出家為僧。

讀者留言