627e3804-9eba-4752-a887-78b6905ccaf5

戀講嘢|素人嘉賓爆 被初入行創作歌手狠飛 193一句提示令男主角真身曝光

最新娛聞

ViuTV《晚吹-戀講嘢》最近播出一集,今次素人主角Wai在節目中透露前度是一位唱作歌手,他為了追逐音樂路,當簽約公司後便分手,由於女主角談及不少細節,而主持193(郭嘉駿)更講出「我知道男主角係邊個」,令網民發起透過女主角提供的線索而猜測誰是狠心男﹗唱得又作得的林家謙竟然躺著也中槍﹗

文:東方新地|圖:《戀講嘢》截圖
這位狠心男的前度叫Wai,在《戀講嘢》透露跟前度是同校同學,因報名參加國外實習而認識,在當地結伴遊玩日對夜對,一起唱K時發現對方「唱歌好好聽,咁就被佢吸引咗,返到香港約會就一齊咗﹗」Wai指前度是一名創作歌手會作曲及填詞,而且畫畫好叻,在每一個紀念日及特別日子都會親手造小禮物給她,拍拖以來一直相處和諧愉快,幾乎沒有嗌過交﹗

表人女主角Wai透露遭歌手前度狠飛﹗(圖片來源:《戀講嘢》截圖)
素人女主角Wai透露遭歌手前度狠飛﹗(圖片來源:《戀講嘢》截圖)

歌手前度簽約公司後即變臉

女主角透露歌手前度對她的態度,由他正式簽約公司後起了巨變,大家拗撬突然變多,Wai話:「我生日,佢畫咗幅畫畀我,我好開心,但佢同我講『為咗畫呢幅畫畀你,我少咗時間搞音樂』,我忍唔住話『我又冇叫你畫畀我』,又有一次出街,我提議夜晚去一間餐廳,佢話『你唔同我講夜晚一齊食?我約咗人造音樂』,我話『同我出街唔係預咗成日嘅咩?』,大家開始多咗拗撬﹗」之後冷戰一個月,歌手前度突然發長文訊息給Wai,指要專心音樂,唔想受其他事影響,並承諾只要做完手頭上工作便會去搵番Wai,女主角Wai追問要等到幾時?又問係咪想分手?而對方的回覆是「唔想分手,唔會分手,總之我忙完就會去你屋企樓下搵你」,Wai好無奈。

戀講嘢|素人嘉賓爆創作歌手前度入行即分手 193一句提示令男主角真身曝光
三位女主持浩南、郭奕芯和譚凱倫指女主角未有體諒前度,過程又太chur,導致今日的結局﹗(圖片來源:《戀講嘢》截圖)

去年12月出新歌 MV有女主角

Wai指前度曾在情人節作了首歌給她,歌詞有她的名字,但去年12月歌手前度出新歌拍MV,正正是這首歌,而MV女主角是她之前向前度提及不喜歡的女仔,Wai激動表示:「首歌係佢寫畀我㗎,點解可以用我唔鍾意嘅人去做個女主角﹗佢介紹首歌時寫住曲終人散﹗我哋嘅戀情就係咁無疾而終﹗」

戀講嘢|素人嘉賓爆創作歌手前度入行即分手 193一句提示令男主角真身曝光
女主角Wai對前度公開表示:「做自己想做嘅嘢,追自己嘅夢,唔好畀自己有遺憾﹗」(圖片來源:《戀講嘢》截圖)

節目出街後,不少網民以Wai在節目中指初出道創作男歌手、12月出新歌、好叻畫畫等線索,猜猜狠心男歌手是誰,林家謙、陳浩、《全民造星2》的陳天翺(Eagle)及細貓應智越都成為嫌疑人。不過有網民指林家謙沒有簽約任何公司,所以非男主角﹗陳浩亦在社交網澄清「 我無咁多才多藝啦,我有唱歌,我有作曲,我有寫詞,我有寫文案,但我是真的不懂畫畫啦﹗三部曲也只是朋友的故事改編而已」剔除以上二人,Eagel和細貓未有作出澄清,變相成為最大嫌疑人﹗

林家謙(圖片來源:IG@terencelam0903)
林家謙(圖片來源:[email protected]
創作歌手陳浩(圖片來源:IG@ec_edwardchan)
創作歌手陳浩(圖片來源:[email protected]_edwardchan)
細貓應智越《冰原》MV搵來林婷做女主角。(圖片來源:IG@mr_littlecat)
細貓應智越《冰原》MV搵來林婷做女主角。(圖片來源:[email protected]_littlecat)
陳天翺(Eagle)曾參加《全民造星2》(圖片來源:IG@eaglecto.music)
陳天翺(Eagle)曾參加《全民造星2》(圖片來源:[email protected]

193:我知道男主角係邊個

網民亦指193在節目給了最大提示,193當聽完女主角Wai提到曾到前度屋企樓下求見一面,遭對方斷言拒絕,193反應比女主角更加激動:「咁絕情?如果係我一個愛過嘅人,點都會落一落樓,唔好要佢咁慘﹗」193講到眼濕濕,反被女主角問為何如此激動,193話:「我知道男主角係邊個﹗」網民即以此提示回帶193與細貓同是參加《全民造星》,留言「3爺呢句話等如爆咗細貓出嚟」、「男主角顯而易見」﹗

193聽到眼濕濕,更自爆知道男主角是誰﹗(圖片來源:《戀講嘢》截圖)
193突然眼濕濕,自爆知道男主角是誰﹗(圖片來源:《戀講嘢》截圖)
193郭嘉駿跟細貓應智越(後排左一)因參加《全民造星》而認識。(圖片來源:IG@mr_littlecat)
193郭嘉駿跟細貓應智越(後排左一)因參加《全民造星》而認識。(圖片來源:[email protected]_littlecat)

讀者留言