Ellie

戀講嘢|網紅Ellie憶述前男友失踪變身故哭成淚人 重提意外經過令網民髮指

最新娛聞

廣告

最新一集《戀講嘢》一反傳統,唔再講渣男或離譜拍拖經歷,網紅Ellie上節目大談前男友突然身亡的故事,不少網民都留言表示第一次睇《戀講嘢》睇到感動落淚,相當淒美!

Ellie 李穎彤 是一名KOL,現時擁有逾9萬IG Followers。
Ellie 李穎彤 是一名KOL,現時擁有逾9萬IG Followers。(圖片來源:IG@ellielwt121)

Ellie與男友發展穩定突然失踪變身故

現時24歲的Ellie上節目時表示6年前與比自己年長5年的前男友拍拖,對方是打機認識的,雖然是異地戀,但二人的關係一直非常親密,對方亦曾經飛回香港探自己,當時年僅18歲的Ellie更已經報讀當地的大學,打算與男友在外地生活,朝夕相對。

但豈料在Ellie準備動身之前,男友突然失聯3日,但Ellie未有動怒,反而擔心對方是否有意外發生,終於在向前男友的朋友和家人口中才得知,前男友已經在車禍中意外逝世:「我打呢個電話嘅時候,我搭緊地鐵,然後我係成個人完全呆咗幾秒之後,成身肌肉好似軟晒咁樣,跌低坐咗喺地下度,完全郁唔到,然後開始崩潰咁喊。」事後Ellie打算飛往當地送前男友最後一程,但遭對方家人反對,原因是生怕Ellie年紀太輕未夠堅強去面對此等噩耗。

Ellie說著說著,在節目上不禁落淚。
Ellie說著說著,在節目上不禁落淚。(圖片來源:《戀講嘢》截圖)

Ellie重提事發經過 網民聽到嬲

在前男友身故後半年,Ellie飛往當地探望對方父母,終於知道前男的逝世原來並非完全因為車禍而致,她表示:「嗰晚佢落車(檢查座駕),後面有架車撞埋嚟,個司機落車埋嚟見到撞到人,但佢第一件事唔係Call白車,係一件事係Call佢屋企人嚟,我諗佢都係好恐慌,唔知發生咩事。結果佢屋企人嚟到,但件事已經耽誤咗好耐,佢屋企人決定Call白車,架白車嚟到,我男朋友已經走咗喇。已經失救,耽誤咗好多時間。」聽完事件發生經過,一眾主持人立即扯火,郭奕芯更質疑對方是否想做一些非法行為!最後Ellie透露肇事司機判監兩年,郭奕芯即怒斥:「兩年太少囉!」

Ellie Eille亦有質疑肇事司機是否想不顧而去。
Eille亦有質疑肇事司機是否想不顧而去。(圖片來源:IG@ellielwt121)

Eille事後勁崩潰 不時扻頭埋牆自殘

在前男友死後的兩年間,Eille以舊手機作伴懷念對方,不時會重溫二人的溫馨合照和對話,而且事件前嚴重影響到她的生活:「會返返吓學喊囉,突然之間,喺無意識之下淚流滿面。有時太痛苦,想抒發嘅時候又唔可以喊出嚟,唔想屋企人知道,會扯自己頭髮,會扻頭埋牆。」之後Eille受影響到將愛演變成恨,「因為佢嘅走令到我生活變得唔正常,令到我人唔似人,鬼唔似鬼咁,發夢又成日都夢到佢,係發噩夢!」不過事隔多年回想,Eille仍然有一句說話想向已故的前男友說:「返屋企小心啲,一路小心。呢句係我應該要同佢講嘅嘢」,繼而Eille再度淚灑當場。不過網民看了今集《戀講嘢》之後都表示睇到傷感落淚,事後ViuTV將節目精華Post至社交網站之後,更有不少網民留言表示鼓勵和支持,希望Eille可以放下過去的悲痛,勇敢繼續走自己的人生。

Ellie Eille現任男友。
Eille現任男友。(圖片來源:IG@ellielwt121)
Ellie Eille在節目上暗示,現任男友一直陪她走出陰霾,從痛苦中MOVE ON。
Eille在節目上暗示,現任男友一直陪她走出陰霾,從痛苦中MOVE ON。(圖片來源:IG@ellielwt121)

Eille曾經參加過口罩小姐被「驗明正身」

其實身形好的Eille除了是一名人氣KOL之外,去年亦曾參選《尾二一屆口罩小姐》,初選時已經憑豐富的身形而令評判讚嘆,更被視上一屆口罩小姐亞軍「阿姨」仲即場「驗身」證實係「真嘢」。當時號碼是070的Eille表演時用口咬住支筆畫Sound Bear,雖然有啲無厘頭,不過表現淡定對答如流,加上身形出眾自然順利入圍。不過最後僅於50強止步。

Ellie 尾二一屆口罩小姐
Ellie身形Keep得相當好。(圖片來源:IG@ellielwt121)

點擊睇Eille IG靚相:

Ellie 大約5 、6年前的相片。
大約5 、6年前的相片。(圖片來源:IG@ellielwt121)
Ellie 2018年曾經到過北韓旅行。
2018年曾經到過北韓旅行。(圖片來源:IG@ellielwt121)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@ellielwt121、《戀講嘢》截圖資料或影片來源:YouTube@ViuTV