戀講嘢

戀講嘢|鍾雨璇洗底褲揭男友偷食 仍堅持做阿四跪求拒分手

最新娛聞

廣告

歌手鍾雨璇(O3 / Ophelia,前名蘇慧恩)早前曾以黑絲女教師造型參選《尾二一屆口罩小姐》,極速引起網民關注,日前她上ViuTV節目《晚吹 – 戀講嘢》,分享其發現前度男友出軌的經過,原來她曾做阿四服侍同居男友,在發現對方出軌後,仍堅持要同對方一生一世,甚至跪低喊住拒絕分手!

戀講嘢 尾二一屆口罩小姐
鍾雨璇笑稱自己唱咗十幾年歌都冇人識。(圖片來源:IG@ophelia_o3)
戀講嘢 鍾雨璇以短裙配長靴上《戀講嘢》做嘉賓,大騷絕對領域。
鍾雨璇以短裙配長靴上《戀講嘢》做嘉賓,大騷絕對領域。(圖片來源:IG@ophelia_o3)

《戀講嘢》鍾雨璇同居後揭男友真面目

現年36歲的鍾雨璇入行已有約10年,她在《晚吹 – 戀講嘢》中,分享自己在10年前第一次與男友同居的經歷,對方比她大十多歲,二人拍拖1年後就開始了同居,但她發現男友在同居前後判若兩人,她舉例指同居前以為男友不但有健身的習慣,更會在9點前入睡,生活非常健康,但原來對方之前只是扮瞓覺:「其實佢係出去玩,去夜總會應酬。」

戀講嘢 鍾雨璇在節目中分享自己10年前與男友同居的經歷。
鍾雨璇在節目中分享自己10年前與男友同居的經歷。(圖片來源:YouTube@ViuTV)

手洗底褲發現離奇污漬

鍾雨璇透露當時她在家中會為男友手洗底褲,結果卻發現離奇污漬,因此揭發對方出軌:「首先底褲裡面有佢啲分泌物,外面亦有啲淺色嘅漬,你諗都諗到佢同啲女仔玩得幾爽,仲有喺唔同嘅位置,好明顯係女仔嘅分泌物,可能啲女仔坐上去磨下磨下啲漬,試過連牛仔褲都有,唔剩係底褲,有一撻撻白色漬。」193即指其男友可能去了全裸夜總會。

鍾雨璇又表示曾發現男友的恤衫有唇膏及胭脂印:「佢返到嚟係醉到傻咗,第二朝起身我已經幫佢除晒衫放入洗衣籃,所以佢係唔會有意識見到污糟會去抺。」

戀講嘢 鍾雨璇猜測男友底褲上有污漬,是因為有女仔坐上去磨下磨下。
鍾雨璇猜測男友底褲上有污漬,是因為有女仔坐上去磨下磨下。(圖片來源:YouTube@ViuTV)

發現男友手機情慾對話

鍾雨璇表示男友當時經常凌晨4﹑5點才回家,及後她更發現男友與「小姐」在手機中的情慾對話,她說:「啲message睇到我怒火中燒,真係好黐線,佢會話『尋日同你上床好high』,仲同人講唔好出嚟做嘢、會養佢,又叫人send對胸同下面嘅相畀佢睇,有好多唔同嘅小姐。有個仲爆,佢話『如果下次搵你,唔戴安全套要加幾多錢』。」

鍾雨璇又大爆男友飲醉回家後,會隨地吐口水及侮辱女友,但她解釋男友是因為精神壓力大,才會容易為一點小事生氣:「我有時會鬧佢,不過鬧下鬧下佢會鬧番我,我會寧願屈服。」

戀講嘢 主持浩南、郭奕芯和Helen都聽到O晒嘴。
主持浩南、郭奕芯和Helen都聽到O晒嘴。(圖片來源:YouTube@ViuTV)

男友答應用錢照顧 原來每月得3千

雖然發現男友偷食令鍾雨璇感覺崩潰,但原來她從沒想過要和對方分手,甚至反被對方威脅要分手:「佢每次話分手,推我出門口,最後我就跪低喊住話唔走!」

鍾雨璇解釋話希望可以同伴侶一生一世,而這位男友亦是第一位用錢照顧她的男人,原來當時Ophelia剛開始做model和主持,男友就叫她離開娛樂圈,話會每個月給她使費,但結果只係得幾千蚊,她說:「當時交租就要萬五,佢每個月畀萬八,三千蚊就係畀我用。」因此Ophelia畀家用時都要動用到以往的積蓄,令193都忍不住說:「三千蚊仲平過請印傭,仲唔使簽約,隨時炒都得!」

戀講嘢 193笑指鍾雨璇為男友做阿四只月收三千,仲平過請印傭。
193笑指鍾雨璇為男友做阿四只月收三千,仲平過請印傭。(圖片來源:IG@ophelia_o3)

最後非自願分手

而最終鍾雨璇和男友分手,原來是因為家人都看不過眼,有次趁著她男友離港去公幹,立即衝到她的住所勸她分手,更表示擔心她繼續這樣會令他們白頭人送黑頭人,但即使如此Ophelia仍不願離開,最後其家人唯有強她行帶走,才令她這段戀情告吹。

戀講嘢 鍾雨璇最後係被家人強行帶離這位前男友身邊。
鍾雨璇最後係被家人強行帶離這位前男友身邊。(圖片來源:YouTube@ViuTV)

《尾二一屆口罩小姐》變身黑絲女教師

除了上《戀講嘢》做嘉賓外,鍾雨璇早前又曾參加過ViuTV《尾二一屆口罩小姐》競選,就是第3集現身的054號佳麗,當時她一身黑絲女教師造型睇到193同肥仔嘩嘩聲,她在自我介紹時話:「我本身唱歌嘅,但係唱咗十X幾年都冇人識我。」點知054轉個頭用腳夾毛筆寫大字,仲要紮晒馬擺pose,反差之大令佢順利入圍。

戀講嘢 尾二一屆口罩小姐 054號黑絲女教師,表演用腳寫大字再紮馬,非常出位。
054號黑絲女教師,表演用腳寫大字再紮馬,非常出位。(圖片來源:YouTube@ViuTV)

上年新城頒獎禮突然暈低

網民隨即起底發現,原來054係36歲女歌手鍾雨璇(前名蘇慧恩),上年曾於《新城勁爆頒獎禮2021》中突然暈倒,仲話傷到要睇跌打。

戀講嘢 尾二一屆口罩小姐 鍾雨璇在大合照暈倒在地上。
鍾雨璇曾在影大合照時,暈倒在新城頒獎禮台上。(圖片來源:TVB 娛樂新聞台 TVB Entertainment News)
戀講嘢 鍾雨璇一度後腳軟暈倒在新城頒獎禮台上,後獲陳展鵬和吳浩康抬入後台。
之後鍾雨璇獲陳展鵬和吳浩康抬入後台。(圖片來源:IG@ophelia_o3)

七師傅徒弟

鍾雨璇更是七師傅的徒弟,早前曾為《師傅七都識唱笑會》做嘉賓表演跳唱。

戀講嘢 尾二一屆口罩小姐
(圖片來源:IG@ophelia_o3)

參加過無綫《超級巨聲》及香港小姐選舉

鍾雨璇事業心重,曾於2009年參加無綫歌唱比賽《超級巨聲》未能入圍,2011年入選香港小姐廿強止步,至2012年終於獲得工展小姐冠軍,到2016年再參加「大閘蟹小姐競選」,再度贏得冠軍,也曾引起網民熱議。

戀講嘢 鄧伊婷
前名蘇慧恩的鍾雨璇,曾在2016年參選「大閘蟹小姐競選」,最終大熱勝出,當時同屆還有鄧伊婷(前名鄧以婷),及「浩南」鄭伊琪。(圖片來源:FB@上海新大眾大閘蟹專門店)
戀講嘢 早前鍾雨璇獲馬來西亞《MCM Global Awards 2022 Vol.9》頒發「新進藝人奬」。
早前鍾雨璇獲馬來西亞《MCM Global Awards 2022 Vol.9》頒發「新進藝人奬」。(圖片來源:IG@ophelia_o3)
戀講嘢
(圖片來源:IG@ophelia_o3)

即睇鍾雨璇《戀講嘢》訪問:

重溫鍾雨璇《尾二一屆口罩小姐》表演:

可惜鍾雨璇最後未能進入20強!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:YouTube@ViuTV、IG@ophelia_o3、FB@上海新大眾大閘蟹專門店資料或影片來源:YouTube@ViuTV