戀講嘢｜AV女優Alice Wong自爆生仔後肚皮鬆弛 被老公嫌棄床事變交差
未成年結婚懷孕
Alice透露，自己自小就被爸爸家暴，試過被對方箍頸兼拿菜刀而有童年陰影，因此非常缺愛，她於17歲時在酒吧認識當時30歲的前夫，覺得對方非常成熟可靠，再加上對方每月資助自己4、5千元生活，又向自己承諾會帶自己遠離家中，而火速墮入愛河。不過2人拍拖約1、2個月就在旅行期間意外懷孕，最後她在懷孕5個月時倉卒結婚，並將小朋友生下來。
老公懷孕期間召妓
大肚期間，Alice表示偶然發現當時的老公召妓：「有一次發現佢（電話）有個訊息彈出嚟，就係『邪骨』，佢激氣嘅時候曾經爆過一句『你大肚，X唔到嘢，咁我梗係每個禮拜六去叫雞解決下自己嘅需要啦』！」由於當時2人同住在Alice家中，因為召妓問題鬧大交的時候太嘈吵，Alice即被有家暴傾向的爸爸打，豈料她前夫竟然若無其事繼續打電動遊戲。
身材大走樣被前夫嫌棄
Alice稱，生完BB之後被當時的老公嫌身材走樣，因此對自己不再有遐想：「我個樣老咗好多，身材又走晒樣，我餵完人奶個胸變到唔知點咁，因為我生嘅時候昏迷過幾日，冇得清潔個身體，所以個pat pat生咗好多暗瘡，無得及時處理就變成咗黑印，佢就話『你patpat搞成咁，都冇心情同你X嘢啦』。」
床事變成交差 患上產後抑鬱
她傷心表示，自此之後前夫對自己的態度180度大轉變，夫妻之間的床事變成交差一樣：「可能2個月一次，10分鐘內搞掂，總之做晒所有嘢喇，每次都係我挑逗佢！」Alice為了能夠令對方再對自己感興趣，只好不斷努力做運動修身，不過都是徒勞無功：「我減肥成功之後，我發現我個肚皮仍然都係鬆弛狀態，因為我冇紮肚，佢話我咁後生唔需要！」Alice更坦言自己多番被當時老公批評感到極自卑，亦因此患上產後抑鬱一度試過尋死：「我走咗去大廈平台，諗住跳樓，咁啱街上有人見到，就叫保安拉住我，叫我唔好喺度跳樓。」
為養家做足20個鐘
其後她為了養家出去送外賣，但對方卻覺得自己出軌而提出離婚，不過去到簽字離婚時卻有諸多藉口不想離婚，因為不想支付贍養費，最後幾經辛苦才能與前夫一刀兩斷，然而卻又帶來嚴重的經濟問題：「我戶口係零蚊，因為佢冇畀錢我，我就出去做嘢做足20個鐘，做sales、送外賣、派傳單等等，直到儲咗一筆錢可以休息1、2個月，趁呢段時間去見我嘅偶像，係一個台灣好出名嘅攝影師，我就飛咗過台灣搵佢幫我影寫真。」
為得到認同下決心拍成人影片
她表示對方除了是攝影師，同時亦是一名成人影片導演，他一見到自己就問她有沒有興趣拍AV，於是便一口答應：「第一，係我想做呢樣嘢，第二係因為賺錢，第三亦都同前夫有關，因為佢成日都話我身材差、個樣唔靚，做妓女都做唔到令我好自卑，因為我係為咗佢，所以先會變得咁差，我想得到人哋嘅認同！」Alice又表示曾經有人批評為何不繼續打工賺錢，而選擇拍AV，她坦言這機會是千載難逢的，不過如果過了25歲，其他工作的薪金比起拍成人影片高的話，就會完全退出AV行業。
