成人教科書

成人教科書|探討美醜:小朋友封Janees黃洛妍為「100分完美女神」

最新娛聞

廣告

TVB近星期熱播的「無框架」綜藝節目《成人教科書》上周主題「你我」中的「Home Visit」環節,12歲印度男孩Shahan所屬家族「夏利里拉家族」佔地超過5萬平方呎的綠色巨宅,成功掀起熱話!洪永城在最新一集將會與小朋友一同探討「美醜」,透過揀生果、人像攝影、估植物平貴、自我外表評分、髮型大改造,及藝術畫繪畫六大任務,探索小朋友對「美醜」有了全新及更多元的認識及概念,包括到底美醜如何定奪?

成人教科書 洪永城在最新一集將會與小朋友一同探討「美醜」
洪永城在最新一集將會與小朋友一同探討「美醜」(圖片來源:TVB提供節目截圖)

成人教科書|Janees黃洛妍:覺得自己冇樣嘢符合靚嘅標準

《成人教科書》本周的特別環節名為「Added Value」,邀請四名藝人李爾晨(Kyle)、陳星妤(Yvette)、黃洛妍(Janees)及劉展霆(Eden)與小朋友進行互動,比較特別的是四位當中,Janees與Eden均認為自己與「傳統的靚」有一段距離,Eden說:「一個人個樣可能好靚,但佢做啲嘢唔係咁好的話,我就會覺得佢醜。我知自己唔符合傳統嘅靚,傳統男仔嘅靚係要高大,大隻同眼大。」Janees亦指清楚知道自己並不「靚」:「美醜對於我嚟講唔係典型嘅靚與唔靚,係一種感覺。我覺得自己外表上未必係靚,因為傳統嘅靚係要眼大、鼻高同嘴細,亞洲區仲特別要好瘦添。我覺得自己基本上冇樣嘢符合,但我由細到大冇乜覺得自己唔靚,我搵到自己靚嘅地方。」談到最喜歡的五官部分,Janees竟坦言是小時候最不喜歡的眼睛及嘴巴:「去到一個年紀我就覺得,唔係吖,佢哋幾特別吖!」足證心態決定一切。

成人教科書 Janees
(圖片來源:TVB提供節目截圖)

成人教科書|Janees黃洛妍獲小朋友封「100分完美女神」

雖然自覺外表不美,但Janees全程舉手投足均散發自信及優雅氣質,自9歲開始學習拉小提琴的她,曾連續八年在香港校際音樂節的小提琴各組別比賽奪得冠軍,並以15歲之齡考入薩爾斯堡莫扎特音樂大學,並在維也納普萊納音樂學院修畢小提琴演奏學士學位;擁有超凡演奏技巧及深厚音樂造詣的她,去年更在《聲夢傳奇2》榮獲亞軍殊榮。

成人教科書 Janees
(圖片來源:TVB提供節目截圖)
成人教科書 Janees
(圖片來源:TVB提供節目截圖)

有信心以音樂敲響與小朋友友誼之鐘的Janees,一拉起琴弓便技驚四座,在座四位小朋友聽到拍爛手掌之餘,更全線第一時間封她為「100分完美姐姐」:「好鍾意佢嗰種態度,好獨特」、「我沉醉喺佢音樂入面」、「我覺得佢唔係好靚,但佢用音樂打動我,令我覺得佢更加有魅力同更加靚」。

成人教科書 在座四位小朋友聽到拍爛手掌,更全線第一時間封她為「100分完美姐姐」
在座四位小朋友聽到拍爛手掌,更全線第一時間封她為「100分完美姐姐」(圖片來源:TVB提供節目截圖)

成人教科書|12歲何朗晴感嘆自己比想像中更貪靚

樣子甜美的12歲何朗晴,坦言自五年級開始已有美醜觀念,更笑言自拍照必然經過P圖才公開,十分貪靚;可惜P圖經驗N咁多年的她,卻老貓燒鬚被指「P圖不如真人」,在尚未開始進行任務前,朗晴對於「美醜」的看法是:「我覺得生得靚係有著數,好似你嗌碟油雞飯,生得靚人哋都可能會畀隻雞脾你。」參與了三集節目錄影後,朗晴對於美醜不但有了不同的看法,更感嘆:「原來我比想像中更加貪靚!雖然我知道靚嘅嘢好快會變得唔靚,但我覺得最緊要係靚咗先吖嘛。」

成人教科書 樣子甜美的12歲何朗晴,坦言自五年級開始已有美醜觀念,更笑言自拍照必然經過P圖才公開,十分貪靚
樣子甜美的12歲何朗晴,坦言自五年級開始已有美醜觀念,更笑言自拍照必然經過P圖才公開,十分貪靚(圖片來源:TVB提供節目截圖)
成人教科書 參與了三集節目錄影後,朗晴對於美醜不但有了不同的看法,更感嘆:「原來我比想像中更加貪靚!」
參與了三集節目錄影後,朗晴對於美醜不但有了不同的看法,更感嘆:「原來我比想像中更加貪靚!」(圖片來源:TVB提供節目截圖)

P圖經驗N咁多年的她,卻老貓燒鬚被指「P圖不如真人」:

成人教科書|10歲梁濼生直言:好鍾意Tony Sir

至於「蜜糖嘴」10歲梁濼生,則向主持Tony大派高帽:「我真係好鍾意Tony Sir,因為佢好聰明。我覺得靚唔係等於鍾意,因為我鍾意我媽咪,但係佢都唔係幾靚。」到底這班小朋友這次會如何反轉傳統「思想世界」?本周還有一個神秘必睇位,就是到訪特色畫廊、試畫藝術畫的「成人教科書」小隊,在目擊一幅價值高達150萬港元的名畫後,不約而同「下巴跌落地」,想知名畫真身?密切留意最後一周的《成人教科書》。

成人教科書
(圖片來源:TVB提供節目截圖)
成人教科書 至於「蜜糖嘴」10歲梁濼生,則向主持Tony大派高帽
至於「蜜糖嘴」10歲梁濼生,則向主持Tony大派高帽(圖片來源:TVB提供節目截圖)
成人教科書
(圖片來源:TVB提供節目截圖)
成人教科書
(圖片來源:TVB提供節目截圖)
成人教科書 在目擊一幅價值高達150萬港元的名畫後,不約而同「下巴跌落地」
在目擊一幅價值高達150萬港元的名畫後,不約而同「下巴跌落地」(圖片來源:TVB提供節目截圖)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:TVB《成人教科書》節目截圖