成人教科書 Anson Lo plt

成人教科書|11歲仔亮相無綫渴求變身教主 易裝後型到爆炸 阿媽喪讚話正

最新娛聞

廣告

洪永城主持的兒童真人騷《成人教科書》再有挑戰常規嘅實驗,繼前一集「性別斷捨離」將10歲妹妹的愛公仔掃清光,製作組安排了另一個特殊任務,邀請小六學生加入「男孩扮靚室」,估唔到11歲的小六學生揚言「想似Anson Lo」,洪永城亦無托手踭,邀請了造型師Ricky為其「大改造」!

成人教科書 Anson Lo plt 成人教科書
《成人教科書》的受訪者蔡施齊今年11歲,媽媽係深水埗小學校長,思想好開通。(圖片來源:TVB節目截圖 )

11歲男生想扮靚「靚到好似Anson Lo咁都幾開心」

《成人教科書》第三集洪永城帶蔡施齊(男,11歲)去香港首間專為男士形象概念店,由頭到尾大改造,首嘗修眉、化妝、更挑戰搽指甲油!施齊更在受訪時提及佢想扮靚、「靚到好似Anson Lo咁」都幾開心。

成人教科書 Anson Lo plt 受訪者想似Anson Lo,估唔到TVB又真係幫佢實現夢想!
受訪者想似Anson Lo,估唔到TVB又真係幫佢實現夢想!(圖片來源:TVB節目截圖)

節目組找來形象改造達人Ricky 為施齊設計造型,施齊也有表達自己想試著黑色衫,造型師進一步問施齊敢唔敢著裙,施齊就表示猶豫,不過Ricky 就嘗試用「蘇格蘭嘅男仔都著裙」去說服佢體驗裙褲造型!

成人教科書 Anson Lo plt
(圖片來源:TVB節目截圖)

第二步Ricky 問施齊想要咩髮型,估唔到11歲男仔都主動話想學造型師染髮,但係諗到學校校規不容許就決定交畀髮型師做決定,整個大改造最令人意外係「搽指甲」的環節,最初施齊坦言都唔係幾接受搽指甲,但係當造型師搽咗落去之後,佢又覺得好襯。

實驗男孩媽媽原來係校長 接受男仔校外打扮

最令人驚喜係原來係施齊嘅媽媽,蔡太原來係一名思想好前衛小學校長(來自深水埗某名校)。佢都覺得小朋友、即使係男仔,亦可以於校外有適當嘅打扮、扮靚,佢都係鼓勵。

成人教科書 Anson Lo plt 蔡太自己比較崇尚自然,但原來亦唔抗拒阿仔想扮Anson Lo。
蔡太自己比較崇尚自然,但原來亦唔抗拒阿仔想扮Anson Lo。(圖片來源:TVB節目截圖)
成人教科書 Anson Lo plt 思齊的媽媽和學校教練都好期待大改造嘅成果,等待期間接受洪永城採訪。
思齊的媽媽和學校教練都好期待大改造嘅成果,等待期間接受洪永城採訪。(圖片來源:TVB節目截圖)

型前後判若兩人 自信心大提升

施齊造型前後判若兩人,造型前係一個「少少頹廢」嘅瘦弱男生,變成自信心十足,雖然唔似佢想像中嘅Anson Lo,但就有觀眾表示少少似Edan 呂爵安!這位開明媽咪被洪永城問到,如果發現自己個仔搽指甲油返學有咩感覺,佢話佢就會問自己個仔,「你啲同學仔平時係咪都係咁㗎?定係你哋要出席特別場合?」其實訪問過程中,蔡太本來都唔覺得男仔化妝係件「正常」嘅事,但係當佢見到施齊改造完之後,靚仔咗、個人自信咗,又覺得未嘗唔係好事!

成人教科書 Anson Lo plt 阿仔變得好有自信,不過開明嘅媽媽都希望個仔唔好過份貪靚,「個個月都嚟造型、荷包唔得掂」。
阿仔變得好有自信,不過開明嘅媽媽都希望個仔唔好過份貪靚,「個個月都嚟造型、荷包唔得掂」。(圖片來源:TVB節目截圖)
成人教科書 Anson Lo plt 體驗修眉,佢話都幾痛。
體驗修眉,佢話都幾痛。(圖片來源:TVB節目截圖)
成人教科書 Anson Lo plt 同媽媽交代返造型過程,似乎都幾回味。
同媽媽交代返造型過程,似乎都幾回味。(圖片來源:TVB節目截圖)
成人教科書 Anson Lo plt
(圖片來源:TVB節目截圖)
成人教科書 Anson Lo plt
(圖片來源:TVB節目截圖)
成人教科書 Anson Lo plt 節目後段受訪嘅施齊,無重妝,但打扮都醍目咗好多。
節目後段受訪嘅施齊,無重妝,但打扮都醍目咗好多。(圖片來源:TVB節目截圖)
成人教科書 Anson Lo plt 反而同呂爵安細個唔多似!
反而同呂爵安細個唔多似!(圖片來源:TVB節目截圖/IG@edanlui)
成人教科書 Anson Lo plt 但就似足呂爵安大個之後!
但就似足呂爵安大個之後!(圖片來源:TVB節目截圖/《 I Swim》截圖)
成人教科書 Anson Lo plt 呂爵安都忍唔住轉發喎,但似乎忽略相關貼文有TVB logo。
呂爵安都忍唔住轉發喎,但似乎忽略相關貼文有TVB logo。(圖片來源:IG@edanlui)

《 成人教科書 》第三集|洪永城 將會帶住其中一位男仔感受一個不一樣嘅扮靚體驗! 除咗試下新髮型同服裝之外,仲會修眉、化妝、甚至搽埋指甲油、噴香水。對於呢個新造型,唔知佢本人同埋媽媽、老師又接唔接受到呢? 節目嘅最後, 洪永城 將會同小朋友回顧返三集嘅性別課題,快啲聽下佢哋有咩得着啦!

成人教科書|洪永城:「腦洞大開咗」

問到人生閱歷相對豐富的「旅遊達人」洪永城今次與小朋友合作多時的感受,他笑言很開心能與他們一起成長:「啲小朋友好得意,好開心佢哋全部拍完呢個節目之後都大膽咗同埋自信咗,更加了解自己嘅長處,我相信呢個亦係製作組想做到嘅效果。」

談到《成人教科書》首周任務,洪永城笑指不但「男女」強弱不易定奪,就連成年人與小朋友之間的強弱亦然,他說:「好似忍者運動咁,我根本仲渣過啲小朋友。製作組亦好有心,每集都會提供同主題相關嘅冷知識,令我自己都腦洞大開咗。」

成人教科書 Anson Lo plt 成人教科書 問到人生閱歷相對豐富的「旅遊達人」Tony與小朋友合作多時的感受,他笑言很開心能與他們一起成長
問到人生閱歷相對豐富的「旅遊達人」洪永城與小朋友合作多時的感受,他笑言很開心能與他們一起成長(圖片來源:TVB

成人教科書|首周6位小朋友率先出場

關向晴、蕭雪瑤、蔡施齊、何朗怡、陳睿浠、梁濼生(排名不分先後)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:TVB節目截圖、IG@edanlui、《 I Swim》截圖