馬明

挑機46歲馬明 23歲丁子朗自爆勁冧湯洛雯

最新娛聞

廣告

真係手快有手慢冇!講緊嘅係馬明同湯洛雯呢對「明火靚湯」囉!46歲馬明成功追掂33歲靚湯,今年6月二人一齊公開認愛,被全民祝福,戀湯後的馬明,更由「天然呆」變浪漫情人,兩人經常公開放閃,不過,原來比馬明細一半,曾有「馬明2.0之稱」現年23歲的丁子朗,一樣勁冧女神。丁子朗上《TIGER’S TALK》節目,就自爆好鍾意靚湯,見到女神已經好開心!明向馬明挑機!

撰文:東方新地

挑機46歲馬明 23歲丁子朗自爆勁冧湯洛雯

馬明靚湯不時社交網晒愛

馬國明馬明)和湯洛雯(靚湯)自今年6月公開戀情後,不時社交網晒愛,一時「定情公仔」、「愛的手機殼」,又著「情侶Tee」放閃,而每次雙方出Po,兩人都必定點讚、留言隔空傳情,Sweet到不得了!不過,呢日就有23歲丁子朗踩場,自爆好鍾意靚湯!提起女神仲一副冧滋滋!

挑機46歲馬明 23歲丁子朗自爆勁冧湯洛雯

丁子朗自爆好鍾意湯洛雯

無綫力捧上位的幾位新晉小生余德丞、吳業坤、黃庭鋒、丁子朗齊齊接受邵氏節目《TIGER’S TALK》主持伍詠薇及林盛斌(Bob)的訪問。兩位主持問到四位心目中的女神同事是誰時?丁子朗就一臉「天然呆」咁話自己好鍾意湯洛雯,直言未入行已經喜歡她,他謂:「我真係覺得佢好靚!」一旁的余德丞仲爆料話,靚湯上《娛樂大家》節目時,丁子朗不停跟她說:「我好鍾意你!你好靚!」阿Bob即追問:「會否嬲咗馬國明?」,好彩丁子朗兜得快:「唔會,女神只可遠觀而不可褻玩!」誰知,吳業坤即寸他謂:「咁你即係話馬國明褺玩佢?」一旁的伍詠薇即打他謂:「死仔!人哋拍拖你話人哋褻玩!」超級搞笑!

挑機46歲馬明 23歲丁子朗自爆勁冧湯洛雯
外表儍氣的丁子朗,曾被封翻版馬國明,估唔到佢同馬明喜好一樣,好鍾意靚湯(湯洛雯)
挑機46歲馬明 23歲丁子朗自爆勁冧湯洛雯
靚湯早前上汪阿姐主持的《娛樂大家》節目,丁子朗被安排坐正女神隔離,全程唔係「天然呆」就係笑到見牙唔見眼!

其實丁子朗已經唔係第一次話鍾意靚湯,喺上年出席活動時,佢已經自爆入行前已好鍾意靚湯,更直認入行認識女神後,都有讚她靚!睇嚟,女友咁受歡迎,即使落咗訂嘅馬明!都係睇緊好!

挑機46歲馬明 23歲丁子朗自爆勁冧湯洛雯