高海寧

提醒男友求婚要有心思 高海寧:一生人得一次!

最新娛聞

廣告

Tvb新劇《BB來了》今天在劇中的演員黃長興及高海寧在下午時份二人在郊區進行拍攝求婚及下水的戲份。講到現實生活,高Ling話目前想專注工作,未諗結婚,但都希望將來男友會花心思求婚,因為一世人只有一次,希望有美好嘅回憶!

撰文:東方新地
圖片:新傳媒圖片庫

高海寧未諗結婚

二人說到這次拍攝下水戲也是因為要求婚,長興話喺劇中向高海寧求婚,但佢又唔太願意,所以諗咗一啲方法等佢答應,就係一早準備2隻戒指,扮唔見咗跳落水搵,期間拎咗另一隻戒指扮搵得番,結果梗係成功抱得美人歸啦!

為工作拚博

問到高海寧畀人求婚有冇特別嘅感覺,佢話冇感覺,而問到現實生活中會唔會想快啲被求婚,佢就回應話暫時冇諗到,因為依家係拚博時期,可以畀多一啲時間佢嘅。

講到求婚,唔少男生總會有很多驚喜給求婚嘅對象,但係高海寧回應話:「自己冇刻意去諗呢方面畀人點樣求婚,始終求婚係男生嘅主意,唔係是我講咗就得,但我覺得求婚係需要花心思,因為一世人得一次,同埋係一生嘅回憶,應該要有番少少心思嘅。」

佢又話:「呢個回憶可以係兩個人,唔使要好多人知,最重要係,嗰個係我想嫁嘅人!」早前就是高海寧的生日,問到是不是和男朋友一起渡過,她說呢幾日只是同一班朋友吃飯而已,每天也和不同朋友吃飯,搞到依家肥咗!

高Ling講感情:依家嘅生活係開心

其實之前高Ling接受本刊專訪,被指同音樂人鄧智偉秘戀3年,問到二人係咪認定咗大家?高Ling咁話:「我可以講我依家嘅生活係開心嘅,因為多咗人support,心態唔同咗,我廿九歲嗰年突然間覺得,點解我好似未真正生活過,因為我身邊嘅朋友開始結婚、生仔,我開始檢討自己,我廿一歲入行,我入行後嗰八年,完全係工作,未試過好好enjoy拍拖係咩一回事,我好想做一個真真正正嘅人。」咁希望佢快啲找到佢嘅Mr Right啦!

去年高Ling不避嫌以低胸露背裝現身鄧智偉40歲生日派對。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!