學是學非

新《 學是學非 》 咸豐中女 VS 開心少女

最新娛聞

廣告

全新一輯《 學是學非 》昨晚首播,除了麥美恩、梁嘉琪及湯洛雯三位原有「是非精」外,仲有新加入的馮盈盈、劉穎鏇 (Tiffany) 及張寶兒 (Bowie) 三位應屆港姐加入。三位青春少艾加入後,三位3字頭的是非精更慘被榮升「姨姨」,眾人做實驗時擦出唔少新火花!雖然冇咗李佳芯、黃心穎及張秀文,不過節目依然相當不俗!唔知大家滿唔滿意呢個新組合呢?

《 學是學非 》大換血

節目一開始就由Captain森美及Dickon博士介紹三位新是非精出場,首先出場係新任粉紅是非精馮盈盈,森美就話前任黃心穎只係港姐亞軍,而盈盈則是港姐冠軍,靚得多!唔知大家同唔同意呢?

之後到藍色是非精Tiffany,現年只得19歲的Tiffany青春無敵,難怪森美都要稱前任李佳芯為「三十幾歲嘅阿姐」!

最後係橙色是非精Bowie,森美指出前任張秀文身材出眾,夠晒立體,相比下Bowie就比較平實啦!不過大家睇《學是學非》都係想長知識啫,唔係睇人哋身材 (好似係)。

咸豐中女 VS開心少女

之後分組開始做實驗,正所謂「長江後浪推前浪」,森美將盈盈(22歲)、Tiffany(19歲)及Bowie(25歲) 編為「開心少女組」;至於嘉琪(35歲)、靚湯(30歲) 同Mayanne(30歲) 就慘被封為「咸豐中女組」,真係歲月無情……

之後兩隊同森美大玩「啜乒乓」,大家覺得Tiffany定Mayanne個嘴唇吸引啲呢?

Mayanne慘變姨姨

睇《學是學非》除了長知識外,最緊要就係睇一班靚女的搞笑互動,Mayanne今集慘被Tiffany同Bowie係咁「姨姨」前「姨姨」後咁叫,難怪佢咁谷氣!

青春就是本錢,Tiffany同Bowie之後又不斷嘲笑Mayanne,話佢個人dry又笑佢「厚粉」,睇嚟Mayanne今輯個定位都係同之前一樣… 都係負責俾人玩!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!