新四十二章|靈灰安置所扮大學 網民鬧無綫取景求其:間大學真係夠晒熱鬧
《新四十二章》屯門曾咀靈灰安置所取景扮大學
陳豪、龔嘉欣、江嘉敏、周嘉洛等主演無綫新劇《新四十二章》在週一首播,在劇集播出後,觀眾和網民對劇集的評價好壞參半。在最新一集播出後,有眼利的網民就發現眼看是普普通通、正正常常的大學場景,竟然是在位於屯門的曾咀靈灰安置所內取景。在《新四十二章》中出現的「大學場面」又的確幾自然,如果冇網民提出的話,相信大部分觀眾都未必能夠發現得到。
![新四十二章 陳豪 今次《新四十二章》的大學場面都係喺屯門曾咀靈灰安置所取景。](https://imgs.orientalsunday.hk/wp-content/uploads/2023/02/2015-672nbg3_78463990463d9ff169f5dd-1024x576.jpeg)
TVB取景求其 網民表示無言:間大學真係夠晒熱鬧
網民對TVB以屯門曾咀靈灰安置所扮大學一事,都表示覺得非常無言,認為用靈灰安置所扮校園的話,會需要動用到大批臨時演員,難免會打擾到先人,對先人不敬;同時亦有網民留言嘲笑TVB本身就取景求其,留言恥笑道:「最後是否BBQ完場,至少唔驚冇爐,一樓大把」、「疫情下除咗口罩來拍攝,只有呢類地方唔會有人投訴。(逆向思維的一種)」、「 TVB咁都諗得出,間大學真係夠晒熱鬧」等。
![新四十二章 陳豪](https://imgs.orientalsunday.hk/wp-content/uploads/2023/02/img_1842_194522354463d9fc6f412ed-1024x600.jpg)
《新四十二章》初版海報被抄襲 同大陸劇似到十足十
早前亦有眼利網民發現,《新四十二章》海報設計另有乾坤,巧妙同人撞橋,未知是否屬劇集致敬部分之一。內地劇《一路繁花相送》講述都市愛情,改編自青衫落拓同名小說,由鍾漢良、江疏影、炎亞綸、李晟等主演,喺2018年播出,早過《新四十二章》好多。
睇返兩套劇嘅海報,發現《新四十二章》都巧妙地撞足《一路繁花相送》,眼利的網友寫道:「兩款海報都係主角排排坐」、「部分角色同樣翹腳chok樣」、「海報背景都係淺色主調」、「劇名字眼都同樣由紫色漸變至藍色」。為咗驗證兩套劇嘅海報有幾神似,有網民曾經用Google影像搜尋功能,上傳《一路繁花相送》海報,結果竟同時驚現《新四十二章》初版海報,睇嚟就連Google都認唔出兩者分別。
![新四十二章 陳豪 新四十二章 抄劇 《新四十二章》足足遲《一路繁花相送》五年推出!](https://imgs.orientalsunday.hk/wp-content/uploads/2023/01/photo_6249183145622615282_x_155572768563d89ae7dd317.jpg)
《新四十二章》再更換海報 竟似足MARVEL
後來無綫再換《新四十二章》宣傳海報,依然無辦法洗脫「抄襲」罪名。有網民發現《新四十二章》正式播放版海報同荷里活大片《復仇者聯盟3: 無限之戰》極似,他們留言寫道:「背景同樣太空銀河系為主」、「主要角色列陣排位接近一樣」,但無綫《新四十二章》版本,顯著設計無咁精緻,用色較為粗糙。
![新四十二章 陳豪 新四十二章 抄劇 《新四十二章》最終海報極似《復仇者聯盟3: 無限之戰》。](https://imgs.orientalsunday.hk/wp-content/uploads/2023/01/photo_6249183145622615285_y_206157395763d8aada37603-819x1024.jpg)
![新四十二章 陳豪 新四十二章 抄劇 《新四十二章》連荷里活大片都唔放過。](https://imgs.orientalsunday.hk/wp-content/uploads/2023/01/photo_6249183145622615284_y_130124745763d8ab2a2f685-682x1024.jpg)