新城勁爆頒獎禮2023|一文睇清7大災難級造型 炎明熹「唔夠料」撐起性感造型
廣告
《新城勁爆頒獎禮2023》早前已順利舉辦,不過就沒有進行網上直播,而在今天(7日)則會在ViuTV重播當晚整個頒獎禮,帶大家一齊重溫當晚7位災難級歌手的造型…
新城勁爆頒獎禮2023服裝盤點|1.JW廟街造型連妝都炒埋車
王灝兒(JW)今晚的造型出晒事,除了碎花長裙配黑絲似足廟街造型外,就連妝容同髮型都齊齊炒車!極濃眼妝加上額前的兩條極怪S型瀏海超級搶fo,可以話係以怪取勝……
![新城勁爆頒獎禮2023 災難級 王灝兒的極濃眼妝同S型瀏海超搶fo,對比身後的雲浩影真係輸足幾條街。](https://imgs.orientalsunday.hk/wp-content/uploads/2023/12/img_6640_1147640040659036d83d2e8.jpg)
新城勁爆頒獎禮2023服裝盤點|2.黃妍圍裙裝似足廚師
黃妍今晚的造型雖然不是誇張向,但是淺藍短裙配薄紗裙擺,就似足廚師嘅連身圍裙,再加上黃妍手上的超長手套,真係出晒事!
![新城勁爆頒獎禮2023 災難級 黃妍今晚的造型撞款廚師長圍裙,配埋長手套完全出晒事。](https://imgs.orientalsunday.hk/wp-content/uploads/2023/12/img_6628_120675651065902ff119dd2.jpg)
新城勁爆頒獎禮2023服裝盤點|3.XIX混搭造型似便服日
《聲夢JUNIOR》出身的女團XIX今日的造型完全唔似同一隊,每位成員的服飾都炒車得各有千秋,驟眼睇仲以為係參加緊學校的公益金便服日……
![新城勁爆頒獎禮2023 災難級 女團XIX的成員服裝完全睇唔出係同一隊,而且超混搭的造型睇落勁有便服日feel。](https://imgs.orientalsunday.hk/wp-content/uploads/2023/12/img_6627_147795525365902ff02b3eb.jpg)
新城勁爆頒獎禮2023服裝盤點|4.鍾柔美多扣鞋比例盡毀
出身《聲夢傳奇》的鍾柔美(Yumi)今晚都有出席頒獎禮,今晚聲夢的成員視乎幾喜歡蝴蝶結的造型,Yumi以黑色的小蝴蝶結上衣示人,腰間的漁網雖然小露性感,但係仍然不及腳上的超多扣嘅鞋搶fo!不但造型奇怪,仲將Yumi的比例拉到勁奇怪,長腿瞬間短一半!
![新城勁爆頒獎禮2023 災難級 鍾柔美今晚的服裝十分保守,只得腰間的漁網比較有睇頭。](https://imgs.orientalsunday.hk/wp-content/uploads/2023/12/img_6633_647372401659032c6313f4.jpg)
新城勁爆頒獎禮2023服裝盤點|5.WinWin寬袍大袖勁似功夫裝
出身自《全民造星IV》的楊安妮(WinWin)今晚以紅黑的造型現身,寬袍大袖著到WinWin超級臃腫,成套衫極有功夫裝feel,而且褲腳位的置物袋設計亦超級奇特……
![新城勁爆頒獎禮2023 災難級 WinWin今晚的服裝似足練功夫......](https://imgs.orientalsunday.hk/wp-content/uploads/2023/12/img_6634_832583316659036db0060c.jpg)
新城勁爆頒獎禮2023服裝盤點|6.Jeffrey十兄弟髮型靠顏值硬接
魏浚笙(Jeffrey)今晚的服裝雖然不過不失,但是髮型就真係出晒事,竟然同十兄弟嘅「飛天五」撞款,完全靠顏值硬接!好彩Jeffrey在頒獎禮前染咗頭髮,先至避免到連髮色都撞埋!
![新城勁爆頒獎禮2023 災難級](https://imgs.orientalsunday.hk/wp-content/uploads/2023/12/draft_116728858665903c364f7fa-1024x538.png)
新城勁爆頒獎禮2023服裝盤點|7.炎明熹「冇料」撐唔起性感造型
TVB的小天后炎明熹(Gigi)今晚亦有出席頒獎禮,作為今年的大熱歌手,Gigi今日的服裝可謂超級進取!Gigi以黑色大蝴蝶結上衣登場,大騷事業線同纖腰,不過啱成年的Gigi似乎「冇料到」,極性感造型擺上身都冇乜睇頭。加上偏低腰褲的搭配,視覺效果十分衝擊……
![新城勁爆頒獎禮2023 災難級 炎明熹今晚以超進取的性感造型登場,不過到節目尾聲時就換回白色長裙。](https://imgs.weekendhk.com/wp-content/uploads/2023/12/gigi-metor1_171091982665905b2fb423b-756x1024.jpg)
撰文:東方新地圖片來源:大會提供、東方新地、IG@fashion_celebs_critics、IG@_undefined__official、網上圖片