新聞女王｜佘詩曼獲TVB勁讚26年容貌依舊 網民唔認同指以前撞樣1玉女歌手
廣告
佘詩曼自1997年選港姐奪得季軍入行，近日她回巢TVB飾演《新聞女王》「Man姐」一角，人氣再度急升，獲TVB在社交網出po大讚她「出道26年容貌依舊」，更貼出她多張舊劇照作為引證，但竟引來不少網民反駁，更有網民指出以前的佘詩曼撞樣一位玉女歌手！
《新聞女王》佘詩曼獲TVB大讚：出道26年容貌依舊
TVB在社交網以「佘詩曼出道26年容貌依舊 稚氣退卻成熟氣質依然出眾」為題，貼出佘詩曼在多部TVB劇集中的舊劇照，並撰文大讚：「佘詩曼從22歲港姐（1997年）出道，幾乎每個階段都有一部經典作品，睇翻之前呀佘第一部電視劇1999年《雪山飛狐》，到2023年《新聞女王》，一路見證著阿佘的作品、角色變成經典。氣質更從稚嫩的到成熟，真係睇極都唔厭！！！」
網民唔認同：嘴邊嗰幾條乜嚟？
雖然TVB這次帖文一出，未夠1日已獲得2千多人派Like，但「容貌依舊」這點卻引來不少網民反駁：「容貌依舊？嘴邊嗰幾條乜嚟」、「依舊？？？我覺得E+靚過嚿屎多多聲」、「太誇張啦」、「又唔可以話完全冇變」、「鼻翼窄咗啲喇」、「條眉越來越粗」、「歲月的痕迹，是騙不了人的」等，亦有網民指出以前的佘詩曼撞樣黎瑞恩！
數佘詩曼經典角色竟然冇周芷若、釘姐
TVB今次曬出佘詩曼多部代表作中的舊劇照，包括有1999年《雪山飛狐》、2000年《十月初五的月光》、2001年《七姊妹》、2003年《帝女花》、2004年《金枝慾孽》、2006年《鳳凰四重奏》、2009年《宮心計》、2010年《公主嫁到》，以及2023年《新聞女王》，但網民卻十分奇怪竟然數漏了《倚天屠龍記》周芷若和《使徒行者》釘姐這兩個經典角色，更有網民不滿TVB細數佘詩曼歲數：「阿佘真係多得你唔少，幾多歲幾多歲…最後大大隻字48，好多人以為阿佘都無38，俾你咁樣remain法！」
撰文：東方新地圖片來源：IG@tvbcomhk、FB@TVB、IG@vivianlaisuiyan、《倚天屠龍記》劇照、《使徒行者》劇照、IG@charmaine_sheh
