新聞女王｜容羨媛東張訪問又「炒車」一句話聽到何依婷高海寧勁尷尬！

新聞女王｜容羨媛冇做功課問到高海寧勁尷尬

容羨媛訪問一開波就講：「恭喜各位終於有代表作喇」，恭賀在場的高海寧，何依婷和王敏奕。而第一位受訪的高海寧，只能尷尬表示：「入行15年喇，今次真係確確實實feel到自己真係有代表作，係幾感動嘅一件事」。容羨媛的問題更被網民狠批冇做功課：「高Ling之前套《三十而已》已經好多人識啦」、「呢個主持喺幾個訪問裡面問嘢都好奇怪」、「入行15年喎…有冇諗過點樣問可以避免受訪者咁尷尬？」

新聞女王容羨媛高海寧先係尷尬表示自己入行15年終於有代表作，然後就多謝觀眾鍾意佢嘅角色，仲話超級受寵若驚。 — 高海寧先係尷尬表示自己入行15年終於有代表作，然後就多謝觀眾鍾意佢嘅角色，仲話超級受寵若驚。（圖片來源：YouTube@東張+）

新聞女王｜容羨媛直指何依婷「妹仔命」行為失禮

而容羨媛之後訪問何依婷的部分就更「失禮」，她先稱何依婷的角色十分慘，不單至跪地，而且劇中細妹的結局又超悲慘。而何依婷則表示：「仲會有更慘嘅」，容羨媛隨即就問：「你係唔係即係妹仔命啊？」，搞到何依婷呆晒超尷尬，要靠旁邊的高海寧幫口化解。而容羨媛持續失控的問題比網民鬧爆：「點講野㗎……係都係角色妹仔命啦」、「何依婷的表情都尷尬了」、「問題好冇水準，點解要派佢出呢啲大場面？」

新聞女王容羨媛容羨媛先表示何依婷的角色十分慘，不單至跪地，而且劇中細妹的結局又超悲慘，然後對住將頭露出一個超驚訝的表情。 — 容羨媛先表示何依婷的角色十分慘，不單至跪地，而且劇中細妹的結局又超悲慘，然後對住將頭露出一個超驚訝的表情。（圖片來源：YouTube@東張+）

新聞女王容羨媛當容羨媛聽到何依婷表示角色會更慘時，仲直接問何依婷：「你係唔係即係妹仔命啊？」，搞到何依婷表情超尷尬。 — 當容羨媛聽到何依婷表示角色會更慘時，仲直接問何依婷：「你係唔係即係妹仔命啊？」，搞到何依婷表情超尷尬。（圖片來源：YouTube@東張+）

新聞女王｜容羨媛訪問何廣沛鄧智堅超唔客氣

除了女演員的訪問做到「炒晒車」外，容羨媛在訪問佘詩曼、何廣沛和鄧智堅時亦再度口出狂言。容羨媛一來就問佘詩曼：「Man姐你好，我可唔可以稱呼佢哋兩位為公公呢？」，搞到何廣沛同鄧智堅呆足4秒先開口回答，場面十分尷尬。而訪問結束前容羨媛再追問三位如何答謝大家的支持時，何廣沛原本只是輕輕帶過公開與佘詩曼在劇中的床照，可是容羨媛卻窮追猛打問佢幾點公開，又叫佢依家公開俾《東張西望》的觀眾睇，令佘詩曼同何廣沛兩位勁尷尬。

對於容羨媛在訪問時連番的不禮貌發言，不少網民都留言狠批她：「主持死𦧲唔停先最尷尬」、「嗰主持問啲嘢九唔搭八」、「東張可唔可以唔好倒米…只有唔收得嘅cheap劇集，先至會用床照呢啲做招來，唔該唔好降低套劇嘅level好唔好？」、「咩主持人黎？咁唔專業」

新聞女王容羨媛容羨媛在訪問佘詩曼、何廣沛和鄧智堅時更表示：「我可唔可以稱呼佢哋兩位為公公呢？」，聽到何廣沛同鄧智堅呆足4秒。 — 容羨媛在訪問佘詩曼、何廣沛和鄧智堅時更表示：「我可唔可以稱呼佢哋兩位為公公呢？」，聽到何廣沛同鄧智堅呆足4秒。（圖片來源：YouTube@東張+）

新聞女王容羨媛容羨媛訪問到尾端突然拋問題俾何廣沛，嚇到對方唔知俾咩反應好。 — 容羨媛訪問到尾端突然拋問題俾何廣沛，嚇到對方唔知俾咩反應好。（圖片來源：YouTube@東張+）

新聞女王容羨媛容羨媛更窮追猛打問何廣沛幾時公開床照，被網民狠批唔專業。 — 容羨媛更窮追猛打問何廣沛幾時公開床照，被網民狠批唔專業。（圖片來源：YouTube@東張+）

新聞女王｜容羨媛客串「八卦親戚」入型入格

在昨晚播出的《新聞女王》第16集中，高鈞賢史上最癲45秒光速求婚，邊求婚之餘邊幫工作狂李施嬅Call的士！其實容羨媛除了做主持，亦有劇中亮相，飾演「八卦親戚」可謂入型入格，成個八卦感覺出曬嚟！往後劇情（第21集）李施嬅步向黑化，認清方向後更同高鈞賢斬纜，唔多唔少都同這班「八卦親戚」夾攻施嬅有關。

新聞女王容羨媛容羨媛在《新聞女王》第16集中客串張家妍親朋好友。 — 其實容羨媛除了做主持，亦有劇中亮相，飾演「八卦親戚」可謂入型入格，成個八卦感覺出曬嚟！（圖片來源：IG@tvbcomhk）

重溫容羨媛「炒車」失禮事件

東張西望｜容羨媛質疑黃耀英未生仔有問題焫㷫網民入行19年非第一次出事

現年39歲的容羨媛（Fion）入行19年，加入《東張西望》做主持亦有11年的時間，主持經驗理應好豐富，但近日她在節目中為了引入「香港為全球生育率最低的地方」這報道，竟質疑同事黃耀英與太太李旻芳結婚近4年，仍未生小朋友，係咪黃耀英有問題？令到黃耀英表情非常尷尬，同時亦引來不少網民炮轟她「冇腦」！

新聞女王容羨媛東張西望黃耀英同李旻英同為《東張西望》主持，自2019年結婚，至今已近四年。 — 黃耀英同李旻芳同為《東張西望》主持，自2019年結婚，至今已近四年。（圖片來源：[email protected]）

《東張西望》容羨媛叫黃耀英去做Body Check

容羨媛早前在《東張西望》中問拍檔主持黃耀英：「點解你結婚咁耐都冇生小朋友呢，其實係唔係你有問題啊？」令黃耀英面露尷尬表情解釋：「嗱，其實係香港做小朋友真係一啲都唔容易㗎！又要測試啊、考試啊…」但被容羨媛截停指他未有作正面回應係咪有問題，更叫對方要去檢查一下身體：「身體健康緊要呀嘛！」

新聞女王容羨媛東張西望黃耀英被問到好尷尬，意圖反駁，但被截停。 — 黃耀英被問到好尷尬，意圖反駁，但被截停。（圖片來源：《東張西望》截圖）

新聞女王容羨媛東張西望當容羨媛將話題引入到生育率低的報道上時，黃耀英才鬆口氣尷尬狂笑。 — 當容羨媛將話題引入到生育率低的報道上時，黃耀英才鬆口氣尷尬狂笑。（圖片來源：《東張西望》截圖）

被網民鬧爆：積下口得啦

容羨媛這番說話惹起網民極大爭議，紛紛怒轟容羨媛：「你識唔識尊重兩個字？諗你應該都唔識㗎啦，咁大個人冇腦！」、「個女主持真係好X唔專業乜X唔生就問人身體有冇問題」、「積下口德啦」、「人地唔生又關佢咩事，自己去生飽佢」、「姓容呢個女主持不嬲都有問題！搞到人尷尬，仲以為自己好識問嘢！」等等。

新聞女王容羨媛東張西望黃耀英自2013年加入《東張西望》，但直到2021年聖誕節，才首次與容羨媛拍檔做廠景主持。 — 黃耀英自2013年加入《東張西望》，但直到2021年聖誕節，才首次與容羨媛拍檔做廠景主持。（圖片來源：[email protected]）

新聞女王容羨媛東張西望《東張西望》主持一向陰盛陽衰，男主持不多。 — 《東張西望》主持一向陰盛陽衰，男主持不多。（圖片來源：IG@fiyung）

近年撈過界做親子KOL

節目中容羨媛自認已經幫香港生了兩個小朋友，原來她自2012年結婚，並在翌年為老公Ben誕下大女Beth，2015年再誕下細仔Fraser，並在近年撈過界成為親子KOL。網民亦就這件事鬧爆她：「講到生咗兩件好威咁」、「咩叫幫香港生咗兩個小朋友？你生小朋友唔係為咗幫你老公生咩？」、「兩孩之母應以身作則」等。

新聞女王容羨媛東張西望容羨媛曾與老公及兩個仔女一齊拍片介紹曼谷親子遊。 — 容羨媛曾與老公及兩個仔女一齊拍片介紹曼谷親子遊。（圖片來源：IG@fiyung）

新聞女王容羨媛東張西望容羨媛話佢已經為香港生咗兩個小朋友！ — 容羨媛話佢已經為香港生咗兩個小朋友！（圖片來源：IG@fiyung）

曾一句話令蔣家旻超尷尬

容羨媛2012年加入《東張西望》成為節目主持，雖然身為老臣子但都不時出事。容羨媛去年底訪問《美麗戰場》的蔣家旻和李成昌，她的大頭開場白竟然是勁興奮四萬咁話：「全城熱睇蔣家旻兩分鐘強姦戲！」在現場的蔣家旻顯得甚為尷尬，仲話：「其實俾人強姦都唔係好好受。」

新聞女王容羨媛東張西望無綫容羨媛身為老臣子但都出事，「問題」完全零修飾仲四萬咁話：「全城熱睇蔣家旻兩分鐘強姦戲！」。 — 容羨媛身為老臣子但都出事，「問題」完全零修飾仲四萬咁話：「全城熱睇蔣家旻兩分鐘強姦戲！」。（圖片來源：TVB影片截圖）

新聞女王容羨媛東張西望無綫現場受訪的蔣家旻，面對主持人容羨媛的失禮提問都只能以笑遮醜。 — 現場受訪的蔣家旻，面對主持人容羨媛的失禮提問都只能以笑遮醜。（圖片來源：TVB影片截圖）

李成昌演強姦戲竟被指最著數

之後容羨媛又問李成昌：「你又強姦咗人，然後大家仲好開心支持你，你冇被人鬧，你咪最著數？」李成昌即尷尬否認：「我好多思考㗎！我哋男演員真係好多思考㗎，有啲位又唔可以過份，但係又要自然，好大壓力㗎！」「問題」完全零修飾，擁11年節目主持經驗都可以令場面尷尬。

新聞女王容羨媛東張西望李成昌亦被容羨媛問到好尷尬。 — 李成昌亦被容羨媛問到好尷尬。（圖片來源：TVB影片截圖）

新聞女王容羨媛東張西望李成昌在《美麗戰場》中有一幕強姦蔣家旻的戲份。 — 李成昌在《美麗戰場》中有一幕強姦蔣家旻的戲份。（圖片來源：TVB影片截圖）

20歲做DJ入行擁碩士學歷

容羨媛自2004年讀大學期間參加DJ比賽，成為香港電台DJ入行，並先後修得香港理工大學建築經濟及管理學（榮譽）理學士，及香港浸會大學的傳理系碩士學位，是圈中少有高學曆的藝人之一。08年容羨媛轉投無綫，在無綫娛樂新聞台擔任節目主持，直至2012年加入《東張西望》，成為節目的廠景兼外景主持，至今已有11年。