重溫日本殿堂級歌手昔日風采｜西城秀樹珍貴圖寶

西城秀樹82年 Roller王子

高大嘅西城秀樹除咗靚仔，長腿亦係標記，26歲嘅佢著背心短褲踩roller大晒長腿，青春活力澎湃，點估到2003同2011年佢會兩度中風。

滿咗27歲嘅西城秀樹，著西裝西褲真空打大赤肋，盡顯不羈男神魅力，個樣望落去其實好似張國強。

呢張大頭相中「萬人迷」西城秀樹就嚟30歲，佢就係憑俊俏樣貌同迷人笑容，俘虜亞洲各地萬千歌迷嘅心，令佢紅足廿幾年。

85年西城秀樹推出第五十張細碟《一萬光年之愛》，兼即將告別2字頭踏入30歲，拍裸照作紀念，雖然係透股但比露股更誘惑。

西城秀樹出道以嚟都係以長髮同Machi髮型示人，額頭長期俾頭髮遮住，踏入30歲以短髮新look示人，令人耳目一新。

歌后梅艷芳除咗係西城秀樹頭號fans，仲係佢歌迷會副會長，兩人情同兄妹，相中西城85年來港亮相《歡樂今宵》，梅姐全程陪伴並同場接受訪問。

86年31歲嘅西城秀樹推出寫真集《BODY》，首次露出激罕優質靚股，並露點露格肋底毛，史無前例咁大膽，當年震撼整個日本藝能界。

87年西城秀樹參演港產片《天使行動》，同李賽鳳、大島由加里、方中信、姜大衛合演，佢飾演天使組織機智俊朗、身手不凡嘅天使一號，片中為查案啜爆李賽鳳，並親身演出槍戰打鬥動面。

01年係45歲嘅西城秀樹出道30周年，宣布結婚同推出紀念寫真集《H45》，喺夏威夷取景充滿大自然美感，除露股外更不時露濃密體毛。

人氣動畫《櫻桃小丸子》的漫畫原作者櫻桃子是西城秀樹的超級粉絲，1994年曾邀請偶像為《櫻桃小丸子》獻唱片尾主題曲〈跑起來老實人〉，西城秀樹更曾多次在動畫中亮相，在上周日(27日)一集動畫中，就出現答謝西城秀樹的情節。

故事中「小丸子」的家姐櫻杏子亦是西城秀樹的忠實粉絲，在新一集劇情中，小丸子抽獎抽中了西城秀樹的襟章，決定轉送給身為粉絲的家姐，其後兩姊妹飛奔回家觀看西城秀樹的電視節目，但原來杏子記錯日子，令她非常失望。

動畫中可以見到小丸子家中的牆上貼著西城秀樹的海報，而動畫片尾更有西城秀樹獻唱的畫面，並出現「秀樹先生，多謝你」的字幕，借此悼念西城秀樹。

關鍵詞