星B英文名

6個罕有又難讀星B英文名 你識唔識讀?

最新娛聞

廣告

唔少人都鍾意同自己BB改定英文名,而一班藝人們都唔例外。宏觀圈中都有幾位星B嘅英文名比較罕有,但最重要係同時亦都唔係咁容易讀。唔知大家睇到以下呢幾位星B個英文名又會唔會出現黑人問號呢?

陳倩揚就改咗囡囡個名做Aurelie,呢個係個法文名,除咗喺法國之外就比較少人用,而且亦唔多人知呢個名點讀。

順帶一提,陳倩揚嘅仔女英文名都係以Au開頭,大仔叫Auryn,二仔就叫Audrick。

|官恩娜囡囡

官恩娜今年一月再喜添一位女兒,並取名Aurelie,同陳倩揚囡囡同名。由於Ella老公係個中法混血兒,所以呀女個名都係個法國名!

View this post on Instagram

今日妹妹第一次食提子,令我諗起妹妹出世之前特登再上一次兒童嬰兒急救班,仲叫埋屋企個姐姐上堂,萬一有緊急情況佢都知道要點處理,覺得都幾有用,而且令自己對照顧小朋友更有信心。 好想同大家分享下老師嘅說話,因為我發現原來有好多人都唔知道,每次見到個心都會離一離!提子、爆谷、藍苺、蘋果係Choking hazard 高危食物! 食嘅時候要小心處理! 提子藍莓最好切成4分長形,年幼嘅小朋友最好唔好食爆谷,蘋果係遇水會發脹嘅生果要切細去皮先俾小朋友食!老師話佢做急救咁多年,成日見小朋友比呢幾樣野哽親,甚至失去寶貴嘅性命,所以要多加注意! #auréliehélènemaurellet #8months #firsttime #grape

A post shared by ekMaurellet 官恩娜 (@koonella) on

|周汶錡囝囝

周汶錡老公同樣係個法國人,所以兩個囝囝都係個法名!

今年3歲嘅Jacques與英文嘅Jacob、James相似,意指完美;而上年出世嘅Avner就源自希伯來文,有父親嘅光意思。

|楊采妮囝囝

楊采妮13年與圈外男友邱韶智結婚,上年為老公誕下雙胞胎囝囝,並改英文名為Ignatius同Aloysius。

據了解,兩個名字都來自天主教聖人,有神嘅役使嘅意思。

Ignatius同Aloysius實在太特別,相信一般人都未必讀得啱個名!