方力申

方力申呻年過40玩交友Apps冇人吼 個人帳號疑被挖 網民折解三大扣分位

最新娛聞

廣告

ViuTV節目《晚吹–有酒今晚吹》昨晚(26日)播出第124集,邀請到方力申(小方)擔任嘉賓,幾杯威士忌落肚的方力申自爆已單身5年,笑言大多緋聞都「假到黐線」,當42歲的方力申被娟姐寸已過適婚年齡,他更自爆玩交友Apps冇人吼。節目一出,即有網民挖出疑似是方力申的交友Apps帳號,仲笑佢連講3次自己係Alex Fong。

方力申
方力申為ViuTV節目《晚吹-有酒今晚吹》任嘉賓,與主持強尼、練美娟及黃詩詩談酒後故事。(圖片來源:ViuTV提供)
方力申
方力申狂隊威士忌。(圖片來源:ViuTV提供)

方力申呻媾唔到女

方力申在《晚吹–有酒今晚吹》飲住威士忌與強尼、練美娟(娟姐) 以及黃詩詩傾偈,當講到多年來緋聞纏身,他說全部都唔係真:「假到黐線!」。方力申表示自己單身已5年,已達適婚年齡,娟姐即指他其實已過了適婚年齡,小方即反駁:「咁你好狹窄啦,怪唔知得娟姐!」小方更無奈表示:「我一直有玩交友App,但反應比較冷淡,心諗點解冇人like我嘅?後來發現因為佢吔冇設定到對象係40歲以上,所以見我唔到。」

方力申
方力申自爆指一直有玩交友Apps,但意外發現原來年齡是其中一個結識不到女生的原因。(圖片來源:ViuTV提供)
方力申
方力申被娟姐寸有岳父相,他即回應:「你咁毒嘅!」(圖片來源:ViuTV提供)

方力申唔介意娶外國人

對於擇偶條件,方力申表示希望遇到自己想同佢結婚生仔的人,:「如果你喺我個腦入面,你就喺我心入面。如果我識一個人嘅時候,見到一樣嘢就會諗起佢嘅話,就即係鍾意佢。」小方仲話唔介意另一半是外國人。此外,方力申大爆簽Paco出道後才學識飲酒,以前成班藝人一齊出去玩,當中以梁漢文飲大兩杯最可愛,因為他會做出好多古靈精怪動作,又試過在七人車打筋斗。

方力申
方力申話自己因為是自由身,沒有公司做後盾,所以經常被傳緋聞。(圖片來源:IG@alexfonglikson)
方力申
方力申有份演出無綫新劇《美麗戰場》。(圖片來源:IG@alexfonglikson)

網民公開疑似方力申交友Apps帳號

節目出街後,大批網民在連登討論區熱議,對於方力申有玩交友Apps,不少人都覺得冇必要,因為在圈女識女機會多的是,亦有人公開疑似方力申的交友Apps,笑他在個人資料連寫3次自己是Alex Fong,驚網友唔信他是真方力申,不過事實上網民對他玩交友Apps都半信半疑。

方力申
疑似方力申的交友Apps帳號。(圖片來源:網民截圖)

部份網民仲歸納出幾個方力申媾唔到女三大原因…

但另一方面,網民憑他的「疑似」帳戶亦推斷到方力申「冇人吼」的幾個因素:
首先是「藝人真身」令其他網友都會半信半疑;
第二是他的自我介紹「I’m alex, alex fong. And I’m (not) alex Fong」,令人感覺好幼稚;
第三,網民認為他的頭像提杯飲嘢很「MK」,所以令網友卻步。

方力申與女友Maple Yip感情發展迅速?

方力申日前在出席活動時,公開回應自己與邪教性侵受害者Maple Yip的緋聞,不但大方承認戀情,更提及雙方家長⋯⋯詳情請看

方力申女友Maple Yip為何加入了邪教?

Maple Yip曾經在2022年3月現身南韓一個反邪教組織舉行記招,當中她提到於2011年時自己還是高中生,因感覺生活空虛,在銅鑼灣被攝理教教徒⋯⋯詳情請看

撰文:東方新地圖片來源:ViuTV提供、IG@alexfonglikson